Tímarit lögfræðinga - 01.08.2024, Blaðsíða 134

280
Frávik og skýringar á tilboðum
Af framangreindu leiðir þannig að það hafi þýðingu við mat
á því hvort breyting lúti að grundvallarþáttum tilboðs hvort
hún snúi að óundanþægum kröfum útboðsgagnanna. Þá verður
að telja að ef breyting lýtur að því hvernig bjóðandi hyggst
framkvæma hið útboðna verk, eða tæknilegu hæfi hans til að
bjóða fram það sem boðið er út, sé um að ræða grundvallarþætti
tilboðs. Á þetta reyndi í úrskurði kærunefndar útboðsmála í máli
nr. 26/2023 þar sem sagði eftirfarandi:
Annmarki þessi lýtur að rækslu hinna útboðnu verka og tæknilegu
hæfi til að framkvæma verkin í heild sinni. Þessi annmarki varðar
grundvallarþætti tilboðsins og verður að telja að frágangur þessi
á tilboði kæranda hafi ekki samrýmst því sem krafa var gerð um í
útboðsgögnum. Með því að veita Gleipni verktökum ehf. tækifæri
að afla nýrrar yfirlýsingar er það mat kærunefndarinnar eins og
atvikum er hér háttað að varnaraðili hafi gengið lengra en heimilt
er samkvæmt a. lið 1. mgr. 77. gr. reglugerðar nr. 340/2017, sbr. til
hliðsjónar einnig 5. mgr. 66. gr. laga nr. 120/2016.
Af framangreindum málum má draga þá ályktun að grund­
vallar þættir í tilboðum lúti að óundanþægum kröfum útboðs­
gagna eða því hvernig framkvæma á það sem boðið er út, sem og
tæknilegu hæfi bjóðanda til þess. Þá er svo til hægt að fullyrða að
fjárhæð tilboðs yrði ávallt talin grundvallarþáttur í tilboði hvers
og eins bjóðanda. Leggi bjóðandi fram skýringar sem fela í sér
breytingar á slíkum grundvallarþáttum tilboðs verður að telja
að það gangi lengra en heimilt væri á grundvelli 5. mgr. 66. gr.
loi. Vert er að reyna að varpa frekara ljósi á það hvenær skýring
á tilboði felur í sér óheimila breytingu.
5.1. Framlagning gagna sem vantar
Líkt og rakið hefur verið getur kaupandi á grundvelli 5. mgr. 66.
gr. loi. óskað eftir því að bjóðandi leggi fram gögn sem virðist
hafa vantað með tilboði bjóðanda. Almennt er talið að reglan
geti einnig átt við ef gögn sem lögð hafa verið fram eru ólæsileg
eða annan formgalla er að finna á þeim, en slíkur formgalli má
ekki lúta að efni tilboðsins eða gagnsins. Þannig gæti til dæmis
vátryggingar skýrteini sem upphaflega veitti ekki vottorð um