Goðasteinn - 01.09.1988, Side 37

Brennumenn spurðu, hvort þar færi maður, en komust að þeirri
niðurstöðu að Skarphéðinn hafi kastað eldstokki að þeim. Kári
hljóp þar til hann kom að læk einum, kastaði sér í og slökkti á sér
eldinn, hljóp síðan í gróf nokkra og hvíldi sig. Er þar síðan kölluð
Káragróf. Að vísu er ekki löng vegalengdin frá bæjarstæðinu að
Káragróf, en ef við hugsum okkur þetta svona er merkilegt
samræmi í allri brennulýsingunni.
XV.
Hér skammt fyrir vestan eru Álfhólar, sá bær sem í Njálu er
kallaður Hólar. Sagt er að Grímur og Helgi fóru til Hóla og sögðu
föður sínum að þeir kæmu ekki heim um kvöldið. En í Hólum voru
konur fátækar og sögðu þau tíðindi að allt væri á ferð og flaug í
Fljótshlíð og af því réðu þeir Helgi og Grímur að Flosi væri kominn
í héraðið og Helgi mælti: „Þá mun Flosi kominn austan .... og
skulum við Grímur vera þar sem Skarphéðinn er.”
Njáll og synir hans geta engu liði safnað sér til stuðnings. í ná-
grenninu eru þrír goðar, Mörður er einn þeirra og ekki liðsinnir
hann. Þingmenn Höskuldar eru í nágrenninu og ekki leggja þeir
Njálssonum lið. I austri er svo Runólfur í Dal.
XVI.
Vart er unnt að kveðja svo sögustaði Njálu sunnanlands að ekki
sé komið við á Þingvelli við Öxará. Hins vegar gerist þar svo margt
í sögunni að engin leið er að rekja allt. Eitthvað ætlar Jón þó að
segja okkur.
Löng upptalning yrði að nefna alla þá atburði í sögunni sem á
Þingvöllum gerast. Hér verður það ekki reynt. Þó kýs ég að minnast
á einn örlagaríkan þátt, sem gerist í tengslum við bardagann á
Alþingi eftir málaferli vegna Njálsbrennu.
Við erum staddir á spönginni, þessu sérkennilega og rammgerða
virki á Þingvöllum. Út hingað liggur mjótt haft. Gjárnar eru báðum
megin og sameinast norðan megin þannig að hér geta menn með
vopnabúnaði þeirra tíma varist ofurefli með þvi einu að verja þetta
mjóa eyði. Flosi er mikill hershöfðingi eins og kemur fram hvað
Goðasteinn
35