Goðasteinn - 01.09.1991, Qupperneq 9

Friðjón Guðröðarson:
Fylgt úr hlaði
Þegar línur þessar eru hripaðar er útgáfa II. árgangs 1991 af héraðsrit-
inu Goðasteini í sjónmáli.
Ritið er langt á eftir þeirri vinnuáætlun sem ritnefnd setti á fundi sín-
um 10. apríl 1990, en þá var stefnt á útgáfu á haustdögum. Ákveðið hafði
verið að helga ritið að meginstofni til 40 ára starfssögu Skógaskóla, en
þau tímamót urðu haustið 1989. Vegna veikinda skrásetjara varð að
hverfa frá áformi þessu síðla árs 1990. Þá þegar var sýnt að ritið kæmi
ekki út fyrr en í fyrsta lagi með vori 1991.
Á ritnefndarfundi 20. febrúar 1991 var enn ókomið efni frá þorra odd-
vita, þ.e. annálar úr hreppum. Kom nú aftur alvarlega til umfjöllunar
hvort fella þyrfti þætti þessa niður svo ritið kæmist út þá um vorið.
Niðurstaðan varð sú að reyna til þrautar og sjá hvort menn næðu ekki
að ljúka verkinu fyrir sauðburð. Svo varð ekki.
I maímánuði var allt efni komið í prentsmiðju, það er nú kemur fyrir
sjónir lesenda. Því miður söknum við annála úr tveimur hreppum, hér
birtast aðeins níu annálar.
Veg og vanda af útgáfu þessari, svo sem prófarkalestri og margvísleg-
um samskiptum við prentsmiðju eiga þeir fóstbræður Jón R. Hjálmars-
son og Þórður Tómasson. Má með sanni segja að þeir geri það ekki
endasleppt í útgáfumálum Rangárþings.
Skýringar þær sem gefnar hafa verið hér að framan eru ekki varnar-
ræða fyrir ritnefndina, sem nú telur sjö manns, áður fimm. Ritnefnd á
að drífa hlutina áfram.
Friðjón Guðröðarson.
Goðasteinn
7