Goðasteinn - 01.09.1991, Side 16

stæða þetta væri að hafa á móti því að ég sæti á því eina þingi sem eftir
væri af kjörtímanum þar sem ég væri búinn að sitja vel og lengi á þingi
fyrir kjördæmið en því var enginn gaumur gefinn. Aður en þetta var fór
Þórður alþm. í Hala af fundinum eftir beiðni hans um að fá sig lausan.”
Brottför Þórðar þá kynni að benda til þess að hann hafi ekki verið ör-
uggur í fylgi sínu við Heimastjórnarmenn, en á þinginu 1901 greiddi
hann atkvæði með Valtýingum. Sýslufundi lauk með því að kosin var
kjörstjórn fyrir Rangárvallasýslu að ráði sýslumanns svo tiltæk væri ef
annarhvor þingmaður kjördæmisins kynni að deyja áður en kjörtími
þerra væri útrunninn.
Aðför sýslunefndar gegn Sighvati hafði mikil áhrif á hann í þá átt að
draga úr honum kjark með áframhaldandi þingsetu. Hugsaði hann málin
vandlega er heim kom. Leið svo tíminn fram um miðjan apríl en þá tók
Sighvatur pcnnann og ritaði afsögn sína frá þingmennsku. Hafði hann
ekki um það neitt samráð við vini sína og samherja. Flaug sagan víða
og sýndist sitt hverjum.
Kona Sighvats var Anna Þorvarðardóttir prests í Holti, Jónssonar,
skörungur mikill til ráða og gerða. Hún deildi fast á mann sinn fyrir
veiklyndið og taldi í hann kjark með að draga sig í ekki í hlé í væntan-
legri aukakosningu og láta á það reyna hvar Rangæingar stæðu. Sr.
Kjartan Einarsson í Holti tók í þann sama streng en öruggastur í þeirri
hvatningu var þó Jón Sveinbjarnarson, mágur prófasts. Hann reið upp
að Eyvindarholti og hvatti Sighvat lögeggjan að láta nú sverfa til stáls
og bjóða sig nú fram að nýju. Kvað hann Eyfellinga upp til hópa myndu
styðja hann og hins sama myndi hann mega vænta af Heimastjórnar-
mönnum út um héraðið.
Varðveitt er ódagsett sendibréf frá Magnúsi Torfasyni til sr. Olafs
Finnssonar í Kálfholti, skrifað skömmu eftir sýslufundinn. Bregður það
ljósi á hvernig unnið var að málum að tjaldabaki: ,,Kæri síra Olafur. Það
er nú komið að því að kjósa á í stað Sighvatar. Sýslunefndin skoraði á
hann að segja af sér og hefur karl gugnað og þóttist enda sjá að þing-
málafundur mundi verða sér andstæður í vor. En hvern á að kjósa? Síra
Eggert býður sig eflaust fram en hann var ekki meiningin að fá í stöðuna
því hann er andstæður öllu öðru en „benediskunni.”
Ég hef nú alltaf haldið að eigi væri á öðrum völ en þér, síra Skúla og
Eyjólfi. Þið prestarnir hafið fortekið að taka að ykkur þingmennskuna
14
Goðasteinn