Goðasteinn - 01.09.1991, Side 18

að þér því ekki mun veita af að styrkja hann í trúnni þótt hann auðvitað
hafi í mín eyru lofað að fara samkomulagsleiðina í stjórnarskrármálinu.
Á manntalsþingi ber ég mál þetta undir hreppsbúa og væri þá gott að
búið væri að hreyfa við þeim þá.
Þin einl. vin. Magnús Torfason.”
Þetta sendibréf sýnir að meðal Valtýinga hefur verið rætt um þrjá
menn í framboð, auk Magnúsar, þá sr. Ólaf í Káltholti, sr. Skúla í Odda
og Eyjólf Guðmundson í Hvammi. Prestarnir gefa ekki kost á sér og
Eyjólfur er ekki talinn hafa sigurvon móti sr. Eggerti Pálssyni. Sr.
Ólafur var náfrændi og virktavinur sr. Eggerts og kann það að hafa
dregið úr honum með að fara í framboð. Sérstaka athygli vekur það í
bréfinu hvaða orðum er farið um Þórð í Hala. Magnús sýslumaður hefur
rætt við hann um stjórnarskrármálið og hann lofað fylgi sínu við „sam-
komulagsleiðina” en sýslumaður telur hann veilan í fylgi. Kosningin
mun reyndar hafa reynst sýslumanni meiri krossganga en hann óraði
fyrir.
Framboð Magnúsar sýslumanns var nú ráðið af hálfu Valtýinga og sr.
Eggerts Pálssonar af hálfu Heimastjórnarmanna. Á sama tíma gengu
undirskriftaskjöl um Eyjafjöll og Fljótshlíð með áskorun til Sighvats í
Eyvindarholti um að gefa kost á sér til þingmennsku. Þeir Magnús og
sr. Eggert voru báðir vel þekktir og vinsælir í héraði og sýnt þótti að
mjótt yrði á munum í kosningu um þá. Sighvatur í Eyvindarholti stóð
á gömlum merg í vinsældum og áliti og flokksbræður hans töldu hann
standa betur að vígi en sr. Eggert í þeirri baráttu sem nú var háð.
Kjördagur var ákveðinn 17. júní á Stórólfshvoli. Það gerðist til tíðinda
undir Eyjafjöllum fimmtudaginn 15. júní að þangað kom með tvo til
reiðar Sigurjón Ólafsson búfræðingur frá Hjálmholti í Flóa. Kvaðst
hann eiga mjög brýnt erindi til Vestmannaeyja. Falaði hann flutning
þangað hjá Fjallaformönnum en veður og sjór var að snúast í gott Eyja-
leiði. Fór hann fyrst á fjörurnar við Sigurð Ólafsson bónda á Núpi, ung-
an og vel metinn formann með valinn mann í hverju rúmi. Sigurjón bauð
gott kaup fyrir ferðina og kom fyrir ekki, Sigurður gaf hennar að vel
athuguðu máli engan kost. Sagði hann síðar að sig hefði þegar grunað
að eitthvað annað byggi undir en af var látið og hitt þó engu síður að þá
stóð í róðrum út á Holtshraun og ræði að koma eftir nokkurra daga
ógæftir.
16
Goðasteinn