Goðasteinn - 01.09.1991, Page 141

Fiskeldisstöðin á Fellsmúla var starfrækt með aðild Holtahrepps en
rekstur erfiður vegna tregðu í seiðasölu.
Holtahreppur er einnig aðili að nýbyggingu við byggðasafnið á Skóg-
um, svo og að byggingu hjúkrunardeildar við Dvalarheimilið Lund á
Hellu.
Mikið er byggt af sumarbústöðum í Holtahreppi og er byggt bæði á
skipulögðum svæðum og einkalóðum úr einstökum jörðum. Stórt hverfi
er við Gíslholtsvatn og víðar hafa verið gerð drög að skipulagi fyrir sum-
arbústaðahverfi. svo sem eins og á Ketilsstöðum. Skammbeinsstöðum
og Þjóðólfshaga.
Aukinn áhugi fyrir skógrækt er innan hreppsins, og hefur Skógrækt-
arfélag Rangæinga farið þess á leit að fá Réttarnesið til afnota til að
planta þar skógarplöntum.
Á ári hverju hcfur Foreldra- og kennarafélag Laugalandsskóla komið
saman til gróðursetningar í umhverfi Laugalandsskóla. Sú viðleitni til
fegrunar umhverfisins hefur þegar skilað nokkrum árangri, og má nú sjá
skjólbelti, aspir og önnur tré í örum vexti við skólann. Er mikil staðar-
prýði að trjárækt sem þessarri, einnig heima viðbæi, og er ávallt staðar-
legra heim að líta þar sem trjálundir vaxa við bæ.
Bændur á Skammbeinsstöðum í Holtum og Hjallanesi í Landsveit
boruðu eftir heitu vatni á árinu 1988 í mýrarsundinu milli bæjanna. Þar
fengust sjálfrennandi 161/sek af 53 heitu vatni. Var ákveðið að nota þetta
vatn til upphitunar og lögð var hitaveita að Skammbeinsstöðum og
Hjallanesi, alls 6 bæjum.
Félagsstarfsemi í Holtum var með venjubundnum hætti þessi ár. Ung-
mennafélagið Ingólfur sem stofnað var árið 1908 minntist 80 ára afmæl-
is síns með veglegu samsæti á Laugalandi. Félagið stóð fyrir
íþróttaæfingum á Laugalandi að venju, og stóð einnig fyrir leikjanám-
skeiðum á sumrum.
Kvenfélagið Eining hélt sínar árlegu jólatrésskemmtanir. Kvenfélagið
fór árið 1989 í skemmtiferð út í Viðey. Einnig var grasgarðurinn í Laug-
ardal skoðaður og Heiðmörkin.
Árið 1988 var afmælisár Búnaðarsambands Suðurlands og Sambands
sunnlenskra kvenna. Var af því tilefni efnt til mikilla veisluhalda í Þórs-
mörk og þar voru kvenfélagskonur úr Einingu einnig staddar og gerðu
þá ferð að sinni sumarferð.
Goðasteinn
139