Goðasteinn - 01.09.1991, Side 143

Valmundur Gíslason:
Landmannahreppur
Annáll 1988 og 1989
Ibúar Landmannahrepps 1. des 1988 voru 126 en 127 á sama tíma
1989. Þessar tölur hafa lítið breyst á undanförnum árum, en það verður
því miður ekki sagt um öll dreifbýlissveitarfélög þar sem fólksfækkun
hefur orðið veruleg. Þetta vill segja að mannlíf hér í sveit er gott.
Tíðarfar var sæmilegt til búskapar bæði árin. Mikil snjóþyngsli voru
frá því íjanúarog fram í apríl 1989. Grasspretta vorið 1988 var vel í með-
allagi og sláttur hófst í fyrstu viku júlí. Vætutíð var fyrri part júlí en síð-
ari hluti sæmilegur og náðu bændur þá þokkalegum heyjum. Alls var
heyfengur það ár 27 þús m3 þurrhey og 2400 m3 vothey, sem reyndist
um 230 þús fe umfram þörf fyrir ásettan bústofn. Vorið 1989 var gras-
spretta fremur seint á ferð og hófst sláttur ekki fyrr en um miðjan júlí.
Þurrkar voru stopulir og fáir náðu teljandi heyskap fyrr en undir mán-
aðamót júlí-ágúst. Heyfengur var í meðallagi eða 24 þús m3 þurrhey og
7 þús m3 vothey eða 373 fe umfram fóðurþörf.
Mjólkurkýr í hreppnum voru árið 1988 358 og nautgripir alls 861. Ar-
ið 1989 voru kýrnar 359 og 928 stk. alls. Innleggjendur í Mjólkurbú
Flóamanna voru 13 bæði árin. Innlögð mjólk var 1.189.713 1 1988 en
1.109.780 1 1989. Sauðfjáreign var 4.518 kindur 1988 en 4.206 kindur
1989.
Aðeins 115 hænsni eru skráð í hreppnum og engin svín. Einn bóndi
hóf búskap á árinu 1989 með endur og gæsir. Eitt loðdýrabú er starfrækt
með 1314 hundruð minka. Þá eru 3 fiskeldisstöðvar starfræktar. Vegna
þess að erlendir markaðir fyrir seiði hafa brugðist hefur rekstur þeirra
gengið erfiðlega og verða þær nú að skipta yfir í framleiðslu á matfiski.
Byggingaframkvæmdir hafa verið fremur litlar. A árinu 1988 var þó
Goðasteinn
141