Goðasteinn - 01.09.1991, Qupperneq 144

byggður heymetisturn í Hjallanesi 1087 m3 að stærð. Minkahús var byggt
í Snjallsteinshöfða 390 m3 að flatarmáli. I Austvaðsholti var byggt gisti-
heimili fyrir ferðafólk. Húsið er 94 m3 mjög vistlegt og sérstakt að
mörgu leyti t.d. er á því torfþekja. Þá var lokið byggingu á 3 sumarhús-
um. A árinu 1989 var byggð 306 m3 hlaða í Fellsmúla við gamalt fjós
sem gert var upp og breytt í hesthús. í Snjallsteinshöfða var byggð 79
m3 verkunarhús við minkahúsið. 2 sumarhús voru fullgerð á árinu.
A landamörkum Vindáss og Flagbjarnarholts var á árinu 1989 boruð
300 m djúp hola eftir heitu vatni og gefur hún um 30 1/sek af 63°C heitu
vatni.
Starfsemi hinna ýmsu félaga innan sveitarinnar var með hefðbundn-
um hætti. U.M.F. Merkihvoll varð 60 ára á árinu 1988 og var þess
minnst með samsæti að Brúarlundi. Félagið stóð fyrir íþróttaæfingum,
skemmtun á 17. júní, réttardansleik og jólatrésskemmtun annað árið en
kvenfélagið hitt árið. Þá stendur ungmennafélagið árlega fyrir hreinsun-
arátaki meðfram vegum í hreppnum. Af öðrum félögum sem eru starf-
andi innan hreppsins má nefna kvenfélag, búnaðarfélag,
nautgriparæktarfélag, fjárræktarfélag, hrossaræktardeild í samvinnu
við Holtahrepp. Allir jarðeigendur eru sjálfkrafa aðilar að Veiðifélagi
Landmannaafréttar. Það rekur öfluga starfsemi í Veiðivötnum bæði við
fiskirækt og uppbyggingu á aðstöðu fyrir veiðimenn. Hingað til hefur
öllum ágóða af starfseminni verið varið til þessara mála.
Helsta viðfangsefni sveitarsjóðs var auk hinna lögboðnu þátta áfram-
hald byggingar skólahússins að Laugalandi en að því standa einnig
Holta- og Asahreppur. Á árinu 1988 var framkvæmt fyrir 21 miljón kr.
og 1989 fyrir 9,3 miljónir kr. Ljóst er að á meðan á þessum framkvæmd-
um stendur er lítið svigrúm til annarra verkefna á vegum hreppsins.
Á árini 1989 gekk í hæstarétti dómur um afréttarmörk á Landmanna-
afrétti. Þar voru staðfest þau mörk sem Land og Holtahreppur kröfðust
og voru byggð á réttarsátt sem gerð var um málið árið 1951.
Ymislegt fleira væri hægt að tína til og skrá í annál sem þennan, en
ég læt hér staðar numið að þessu sinni. Af framanskráðu er ljóst að eng-
ar stökkbreytingar eiga sér stað hvað varðar mannlíf hér og leyfi ég mér
að fullyrða að á heildina litið una Landsmenn nokkuð vel við sitt og líta
björtum augum til framtíðarinnar. Engar fréttir eru góðar fréttir var líka
einhvern tíma sagt.
142
Goðasteinn