Goðasteinn - 01.09.1991, Qupperneq 151

um og Guðmundar Ólafssonar frá Fjalli á Skeiðum. Alls urðu börn
þeirra 6. Frá æskuheimili sínu átti Kristín góðar minningar og margar
þeirra voru tengdar söng og hljóðfæraslætti heima og heiman. Faðir
hennar var á tímabili organleikari í Eyrarbakkakirkju. Þangað lá því oft
leið hennar á helgum dögum og til þeirra ára rakti Kristín þá ást og virð-
ingu sem hún batt við marga sálma og sálmalög.
Hún var hætt komin í spönsku veikinni 1918 og gekk þá með son sinn
Svein Valdimar Lýðsson, sem fæddist í febrúar 1919. Kristín bjó að þess-
ari sótt síðan alla ævi því vafalaust mátti rekja til hennar þrálátan heilsu-
brest sem oft gerði henni erfitt um vik í lífinu.
Foreldrar hennar fluttu að Læk í Ölfusi 1919 og fjórum árum síðar til
Reykjavíkur. A þessum árum var Kristín víða við störf, meðal annars
ráðskona á annasömu og fjölmennu heimili í Þorlákshöfn. Hún fluttist
að Nykhól í Mýrdal árið 1926 þar sem hún stofnaði heimili sitt. Tveimur
árum síðar flutti hún til Reykjavíkur. Þar lágu saman leiðir hennar og
Björns Óskars Lárussonar frá Fitjarmýri. Þau giftust 1935 og ári síðar
eignuðust þau dótturina Sigríði. Að Fitjarmýri fluttu þau 1940 og tóku
við búi hjá Sigríði móður Björns, sem þá hafði búið þar ekkja í nokkur
ár með tveimur börnum sínum. Við tóku erfið ár anna við bústörf og
byggingar þar sem mikið reyndi á húsmóður við að vinna allt heima og
láta allt endast. Kristín lá ekki á liði sínu utan bæjar eða innan enda hug-
mikil jafnan. Hún þoldi illa það ógerða, bjó sig vel undir öll störf, frá-
gang á matvælum og niðursuðu svo eitthvað sé nefnt. Yfir henni var jafn-
an tiginmannleg reisn, heima og heiman. Hún var einn af stofnendum
Kvenfélagsins Eygló og í stjórn þess í 11 ár.
Áhugamál hennar voru margþætt og marga yndisstund átti hún við
lestur góðra bóka. Ljóð þjóðskálda voru henni kær og kunn. Árið 1943
fæddist Baldur á Fitjarmýri og varð þeim hjónum kærkominn sonur.
Gleðistund var er flutt var úr gömlu, óhagkvæmu íbúðarhúsi í annað
nýtt um 1970. Sigríður og Baldur urðu ellistoð þeirra hjóna. Baldur hóf
búskap með konu sinni Margréti Guðbergsdóttur 1975, fýrst í félagsbúi,
síðar alveg með íjárbúið. Börn Sveins Valdimars og síðar Baldurs urðu
löngum gleðigjafar á heimili. Langri og annasamri ævi Kristínar lauk
á Sjúkrahúsi Suðurlands eftir skamma legu 24. nóv. 1988. Útför hennar
fór fram frá Stóra-Dalskirkju þann 3. desember.
Goðasteinn
149