Goðasteinn - 01.09.1991, Qupperneq 174

ár með henni í Tungu, en sex ára að aldri fylgdi hann henni í kaupavinnu
að Múlakoti í Fljótshlíð. Þar ólst hann síðan upp hjá hjónunum Arna
Einarssyni og Þórunni Olafsdóttur. Er hann hafði aldur til var hann
nokkrar vertíðir í Vestmannaeyjum og á Suðurnesjum. Einn vetur var
hann í héraðsskólanum á Laugarvatni. Árið 1938 tók hann við búi af
fóstra sínum í Múlakoti og 1939—1942 bjó hann þar í félagi við Sigur-
stein Guðmundsson. Stunduðu þeir garðrækt og matjurtarækt í all stór-
urn stíl auk hins hefðbundna búskapar.
Eggert kvæntist 11. febr. 1940 Önnu Sigurðardóttur á A-Sámsstöðum
og 1942 keyptu þau jörðina Ámundakot og fluttu þangað frá Múlakoti.
Hófu þau þar uppbyggingu og ræktun af miklum stórhug. Eggert keypti
þá í félagi við nágranna sinn öfluga dráttarvél til jarðvinnslu, líklega
hina fyrstu í sveitinni. Hann var einnig í fleiru brautryðjandi í búskapar-
háttum og byggingum. T.d. byggði hann og rak í nokkur ár grasmjöls-
verksmiðju og gerði tilraunir með nýjar aðferðir við verkun votheys.
Hann var einnig áhugasamur um búfjárrækt, var hvatamaður að stofnun
fjárræktarfélags og fóðureftirlitsmaður hreppsins um skeið.
Árið 1949 lést Anna kona Eggert aðeins 28 ára. Höfðu þau eignast tvö
börn, son og dóttur. Við forstöðu heimilisins tók þá Sigurbjörg Guð-
jónsdóttir og bjó hún með Eggert til ársins 1979. Þau eignuðust saman
tvo syni og tvær dætur.
Árið 1951 á miðjum slætti brann íbúðarhúsið í Ámundakoti. Brá
Eggert skjótt við og liðu aðeins fáir dagar áður en hann hóf að byggja
á ný. Flutt var í nýja húsið fyrir jól næsta vetur og nefndi Eggert það
Smáratún og breytti þar með um nafn á jörð sinni.
Árið 1954 fékk Eggert ábúð á höfuðbólinu Stafafelli í Lóni og fluttist
þangað með tjölskyldu sinni, kom þar upp stóru fjárbúi og nýtti hlunnd-
indi. Bjó hann þar í 4 ár og síðasta árið hafði hann einnig bú í Smáratúni
þar sem hann settist síðan að aftur og hélt áfram uppbyggingarstarfi.
Með aldri og hnignandi heilsu varð hann að draga saman eigin bú-
skap, en leigði þá öðrum jörð og hús að hluta, m.a. til reksturs meðferð-
arheimilis fyrir unglinga árin 1979—1983.
Frá 1979 bjó Eggert með Guðrúnu Sveinsdóttur. Á síðari árum sínum
ferðaðist hann allmikið innanlands og utan. Hann var mikill verkmaður,
stórhuga og framkvæmdasamur og fór ekki í öllu troðnar slóðir.
Útför hans var gerð frá Breiðabólsstaðarkirkju 6. júní 1987.
172
Goðasteinn