Goðasteinn - 01.09.1991, Page 176

þó að dvelja á sjúkrahúsum af og til. Síðast var hann fluttur á sjúkrahús-
ið á Selfossi þremur dögum áður en hann lést. Með Arngrími á Árgils-
stöðum er genginn góður þegn og traustur, maður hógværðar og
lítillætis, sem ekki mátti vamm sitt vita. Útför hans fór fram frá Breiða-
bólsstaðarkirkju 31. okt. 1987.
Jenný Magnúsdóttir
frá Arnagerði
Hún var fædd í Árnagerði 21. febr. 1935 og lést að Kvistum í Ölfusi
13. nóv. 1987. Foreldrar hennar voru hjónin Magnús Steinsson og Jónína
Sigríður Jensdóttir og var Jenný yngst sex barna þeirra, fjögurra systra
og tveggjabræðra. Hún ólst upp í hópi systkina sinna í Árnagerði. Tæpra
átta ára gömul missti hún föður sinn, en hann lést úr lungnabólgu í árs-
byrjun 1943. Móðir hennar bjó áfram með börnum sínum til 1960. Eldri
systurnar höfðu áður flust að heiman og stofnað eigin heimili og var Jen-
ný stoð og stytta móður sinnar við heimilisstörfin á meðan hún bjó. Hún
hafði þó einnig verið á Húsmæðraskólanum á Laugarvatni veturinn
1953—54 og einnig unnið um tíma í Reykjavík. Þangað fluttist hún síðan
og eignaðist íbúð. Móðir hennar flutti þangað til hennar og bjuggu þær
mæðgur saman í nokkur ár eða allt þar til móðir hennar fór á sjúkrahús
skömmu fyrir andlát sitt árið 1970. Hafði Jenný þá annast hana og hjúkr-
að henni af mikilli nærgætni í langvinnum veikindum hennar síðustu
árin.
í Reykjavík vann Jenný lengst af hjá Mjólkursamsölunni og veitti for-
stöðu mjólkurbúð síðustu árin sem hún starfaði þar. Síðan vann hún um
nokkurt skeið á Kópavogshæli og einnig um nokkurn tíma í húsakynn-
um Alþingis við ræstingar.
Árið 1973 giftist Jenný Ragnari Böðvarssyni frá Voðmúlastöðum. Þau
bjuggu fyrst í Reykjavík í 3 ár en fluttu í Kópavog 1976 og bjuggu þar
um sjö ára skeið. Á þeim árum voru þau í 3—4 ár kirkjuverðir við Kópa-
vogskirkju. Þau Jenný og Ragnar eignuðust einn son, Böðvar Jens, f.
174
Goðasteinn