Goðasteinn - 01.09.1991, Qupperneq 178

Þórunni konu sína missti hann árið 1975 og var hún jarðsungin á
Breiðabólsstað 1. mars það ár. Eftir það bjó hann með Tómasi syni sín-
um í Reykjavík allt til æviloka.
Hreggviður hafði mikið yndi af tónlist og lék í lúðrasveitum samtals
í 40 ár, bæði í Reykjavík og í Vestmannaeyjum. Hann var tengdur Fljóts-
hlíðinni sterkum böndum frá unga aldri og gerði sér tíðar ferðir þangað
til að vitja góðra vina og stöðva sem honum voru kærar.
Hann, ásamt sonum sínum, gaf Breiðabólsstaðarkirkju flóðljósabún-
að til minningar um Þórunni konu sína. Hreggviður varð bráðkvaddur
að heimili sínu hinn 22. des. og voru síðustu spor hans gerð til þess að
kaupa jólagjafir til þess að gleðja fjölskyldu og vini. Munu þau verkalok
hafa verið táknræn fyrir afstöðu hans til lífsins og samferðafólksins, því
að hann var glaður í anda og naut þess að uppörva og gleðja aðra. Hann
hafði að vanda fyrirhugað ferð austur að Breiðabólsstað fyrir jólin. Sú
ferð varð með öðrum hætti en ætlað var. Útför hans var gerð frá Breiða-
bólsstaðarkirkju 30. des. 1987.
Jón Gunnarsson
Skipagerði
Hann var fæddur í Blábringu í Rangárvallahreppi 7. okt. 1895 og lést
á Selfossi 28. maí 1987. Foreldrar hans voru hjónin Gunnar Ásbjörnsson
og Katrín Jónsdóttir. Af átta börnum þeirra komust 5 til fullorðinsára.
Eru þau nú öll látin.
Jón ólst upp með foreldrum sínum í Blábringu til 1906 en fluttist þá
með þeim að Uxahrygg, þar sem þau bjuggu til 1918. Það ár flutti fjöl-
skyldan að Skipagerði. Þar vann Jón heimili foreldra sinna allt fram yfir
fertugsaldur, en vorið 1936 fékk hann jarðarhluta úr Skipagerði til ábuð-
ar og hóf þar búskap ásamt konu sinni Kristjönu Þórðardóttur frá Suð-
ur-Fíflholtshjáleigu. Höfðu þau gengið í hjónaband vorið 1934.
Búskapur þeirra stóð þar í Skipagerði í tæpa þrjá tugi ára, fyrst í sambýli
176
Goðasteinn