Goðasteinn - 01.09.1991, Qupperneq 183

atvinnu og kynntist þá og varð fyrir áhrifum frá Sigurði Sigvaldasyni
heittrúarprédikara og mun það hafa verið með stuðningi hans að Krist-
mundur réðist til Ameríkuferðar rúmlega þrítugur að aldri. Fór hann
þar á námskeið hjá kristnum trúarsöfnuðum og dvaldist síðan þar vestra
um 7 ára skeið. Vann hann þar við lagningu járnbrautar í Klettafjöllum,
á sjúkrahúsi í New York og einnig vann hann um tíma í Seattle á Kyrra-
hafsströnd. Hann kom aftur heim til ísiands rétt fyrir upphaf heimsstyrj-
aldarinnar síðari og fór þá til móður sinna á Bakkafirði og átti þar
heimili fram yfir 1950.
Eftir heimkomuna ferðaðist hann árum saman um land allt og seldi
bækur trúarlegs efnis og fór þá jafnan fótgangandi eða þáði far af öðr-
um. Um fimmtugsaldur lét hann að mestu af þessum ferðum og upp úr
því réðist hann í vinnumennsku að Argilsstöðum í Hvolhreppi til Olafs
Bergsteinssonar bónda þar. ílentist hann þar um rúmlega þriggja áratuga
skeið og átti þar lögheimili frá 1954 og til æviloka. Þegar dvalarheimili
aldraðra, Kirkjuhvoll, var tekið í notkun var Kristmundur meðal þeirra
fyrstu sem þangað fluttust og þar naut hann umhyggju og aðhlynningar
síðustu æviár sín, háaldraður og þrotinn að heilsu.
Kristmundur átti að baki langa og reynsluríka ævi. Hann mun jafnan
hafa verið einfari með nokkrum hætti, þótt hann færi víða og ætti sam-
skipti við marga fram yfir miðjan aldur. Uppvaxtarkjör og ævireynsla
höfðu sett á hann sín mörk. Hann lilði ekki fyrir sjálfan sig, heldur fyrir
trú sína og þá köllun að koma rituðum boðskap hennar á framfæri við
aðra menn.
Útför hans var gerð frá Breiðabólsstaðarkirkju hinn 12. mars 1988.
Ólafur Konráð Sveinsson
frá Butru
Ólafur K. Sveinsson var fæddur á Butru 18. júlí 1920 og lést á Borgar-
spítalanum í Reykjavík 9. mars 1988. Foreldrar hans voru Ólöf Halldórs-
dóttir og Sveinn Böðvarsson. Ólafur átti 5 hálfsystkini að móðurinni og
Goðasteinn
181