Goðasteinn - 01.09.1991, Qupperneq 189

Árið 1923 var Árni kjörinn í sóknarnefnd Hlíðarendasóknar og varð
þá þegar formaöur hennar. Gegndi hann þeirri stöðu síðan samfellt til
1984 eða í 61 ár. Lét hann sér mjög annt um hag kirkjunnar, lánaði eða
lagði fram fjármuni eftir bestu getu og þörf kirkjunnar án þess að hafa
orö um. Sýndi hann í þessu sem öðru hógværð sína og óeigingirni.
Árni var alinn upp á heimili þar sem sögur og ljóð og sönglist voru
í hávegum höfð. Enda kunni hann flestum öðrum meira af vísum og
kvæðum og sönglögum. En ríkulegust var honum gefin frásagnarlist og
orðsnilld, svo að eftirminnilegt er þeim sem hann þekktu. Sagnamaður
var hann slíkur að áheyrendur gleymdu einatt öllu öðru meðan á hann
var hlýtt. Segja má að hann hafi verið einn af síðustu fulltrúum þeirrar
sagnahefðar og sagnaskemmtunar, sem um aldir áður breyttu lágum
baðstofum í ævintýrahallir og erfiði hversdagsins í hátíð fyrir andann.
Eftir að bróðir hans og mágkona létust í bílslysi árið 1977, var Árni
áfram á Barkarstöðum hjá Daða bróursyni sínum og fjölskyldu hans. En
vegna hnignandi heilsu og ásóknar astmaveikinnar fór hann á heilsuhæl-
ið á Vífilsstöðum vorið 1984 og naut aðhlynningar þar síðustu árin sem
hann lifði.
Útför hans var gerð frá Hlíðarendakirkju hinn 22. okt. 1988.
S
Erlendur Arnason
Skíðbakka
Þóroddur Erlendur Árnason, eins og hann hét fullu nafni, var fæddur
á Skíðbakka í Austur-Landeyjum 24. okt. 1906 og lést á Sjúkrúhúsi Suð-
urlands á Selfossi 27. nóv. 1988. Foreldrar hans voru hjónin Árni Er-
lendsson bóndi á Skíðbakka og Sigríður Ólafsdóttir, ættuð úr
Austur-Eyjafjallahreppi. Sigríður móðir hans hafði verið gift áður og
átti 4 börn með fyrri manni sínum, en Erlendur var eina barn þeirra
Árna og Sigríðar. Erlendur ólst upp hjá foreldrum sínum á Skíðbakka
ásamt hálfbróður sínum Oddi. sem lést úr berklum aðeins 24 ára. Er-
lendur vandist þegar í æsku harðri lífsbaráttu og reyndist snemma lið-
Goðasteinn
187