Goðasteinn - 01.09.1991, Page 194

sem lést í bernsku. Árið 1913 missti Geirmundur föður sinn og bjuggu
þau systkinin þá áfram með móður sinni allt til ársins 1936. Tók Geir-
mundur þá við forstöðu búsins og bjó í Seli með systkinum sínum, Þór-
hildi og Karel, til ársins 1972. Guðbjörg móðir þeirra var hjá þeim til
æviloka, en hún lést 1951.
Á yngri árum stundaði Geirmundur ýmsa vinnu utan heimilis. Fór
hann m.a. til vers í Vestmannaeyjum og Grindavík. Hann vann einnig
að fyrirhleðslum við Markarfljót og við smíðar og byggingar.
Geirmundur var einn af þeim, sem mest unnu að byggingu Voðmúla-
staðakapellu árið 1946 og var í forstöðunefnd hennar frá upphafi til
1972. Hann sat einnig í hreppsnefnd Austur-Landeyjahrepps um árabil.
Á búskaparárum sínum í Seli bætti hann mjög jörðina og tók fullan
þátt í þeirri miklu uppbyggingu, sem breytti öllum búskaparskilyrðum
í Austur-Landeyjum á fáum árum. Hann hóf einnig uppbyggingu húsa
í Seli í samvinnu við fósturson sinn, sem tók við jörð og búi eftir hann
árið 1972. Það ár lét Geirmundur af búskap og flutti ásamt systkinum
sínum til Reykjavíkur. Þar tók hann að sér næturvörslu í stórbyggingum
í nokkur ár, m.a. hjá Sambandi ísl. samvinnufélaga í Ármúla.
Geirmundur var mjög greiðvikinn og hjálpsamur og lagði mörgum
lið, án þess að ætlast til launa eða endurgjalds. Börn hændust mjög að
honum, enda var þeim hann hlýr og umhyggjusamur. Dýravinur var
hann mikill og lét sér annt um vellíðan þeirra.
Rúmum mánuði fyrir andlát sitt veiktist hann alvarlega og var fluttur
á Borgarspítalann í Reykjavík.
Útför hans var gerð frá Voðmúlastaðakapellu hinn 20. maí 1989.
Guðbjörg Jónsdóttir
Eyvindarholti
Guðbjörg Jónsdóttir var fædd í Hvammi undir Eyjafjöllum 10. jan.
1900 og lést á Sjúkrahúsi Suðurlands á Selfossi 11. júní 1989. Foreldrar
hennar voru hjónin Sigríður Ólafsdóttir og Jón Auðunsson. Guðbjörg
192
Goðasteinn