Goðasteinn - 01.09.1991, Blaðsíða 196

Guðjón Sigurðsson
Núpi, V-Eyjafjöllum
Guðjón Sigurðsson var fæddur á Núpi 4. sept. 1904 og lést á Sjúkra-
húsi Suðurlands á Selfossi 14. júní 1989. Foreldrar hans voru hjónin
Guðrún Auðunsdóttir og Sigurður Olafsson á Núpi. Guðjón átti þrjár
systur og einn bróður og auk þeirra tvo uppeldisbræður. Hann ólst upp
hjá foreldrum sínum á suðurbænum á Núpi í hópi systkina og uppeldis-
bræðra, og á Núpi átti hann heima alla ævi sína. Aðeins einn vetur fór
hann til vers í Vestmannaeyjum á sínum yngri árum. Á langri ævi lagði
hann fram krafta sína við hin daglegu störf, fyrst að búi forcldra sinna
og síðar hjá systur sinni og mági og þeirra börnum. Segja má að á Núps-
bæjum hafi búið stórfjölskylda þriggja kynslóða, fjölmenn og barn-
mörg, þar sem margs þurfti við og margt var að starfa fyrir vinnufúsar
hendur. Þessu fjölskyldusamfélagi vann Guðjón af óbilandi natni og
samviskusemi, alltaf á sínum stað og öllum hnútum kunnugur og lét sér
annt um hag og gengi fjölskyldu og búskapar eins og allt væri það hans
eigið.
Aðalverkefni Guðjóns var löngum hirðing búfénaðarins og umönnun
hans bæði sumar og vetur. Lét honum það vel, því að hann var mikill
dýravinur og mjög natinn og nákvæmur um líðan og þarfir þeirra og
sparaði enga fyrirhöfn þeirra vegna.
Einnig átti hann alla tíð trygga vini í börnunum, sem með honum
dvöldu, enda átti hann hlýtt hjarta og opinn og viðkvæman huga eins og
þau.
Sigurður faðir Guðjóns var merkur bóndi og framkvæmdasamur, var
m.a. fbrmaður á skipi við Eyjafjallasand, stofnaði eigin verslun á Núpi
og veitti síðar forstöðu útibúi frá Kf. Þór á Hellu þar á Núpi og sá um
rekstur þess til æviloka. Við fráfall hans tók Guðjón við rekstri útibúsins
og hafði hann með höndum um langt árabil og fram yfir sjötugsaldur.
Rækti hann það starf einnig af alúð og trúmennsku, sem honum var eig-
194
Goðasteinn