Goðasteinn - 01.09.1991, Page 232

steinsdóttur. Það var vorið 1918 og má segja að þá hafi ekki verið tjaldað
til einnar nætur með þau vistaskifti því í 71 ár taldist hún til heimilis á
Syðri-Hömrum, ekki svo að skiljaað hún væri þar óslitið, því um og eftir
miðjan aldur var hún á ýmsum stöðum, var það aðallega kaupavinna og
vinnukonustörf.
Árið 1955 kom Margrét svo aftur að Syðri-Hömrum og dvaldi óslitið
það sem eftir var ef frá eru talin tvö síðustu árin. Ekki var um skóla-
göngu að ræða hjá henni í æsku, en var vel greind og alveg stálminnug
og kunni mikið af kvæðum og þulum. Barngóð var hún og oft tók hún
lítið barn á kné sér ef eitthvað amaði að hjá þeim og söng við þau kvæði
eða þuldi þulur og þá varð allt gott á ný. Gjafmild var hún og hugsaði
ekki um að safna auði en er árin færðust yfir og vinnuþrek að minnka
fór hún að kaupa bækur til að stytta tímann við lestur þeirra og átti orðið
drjúgt safn bóka.
Heilsuhraust var Margrét meiripartinn af sinni löngu ævi, en fór að
halla undan fæti í þeim efnum hin síðari ár. Rúmliggjandi var hún síðasta
árið er hún var heima og að því kom að ekki var hjá því komist að flytja
hana á sjúkrahús, fyrst á Sjúkrahús Selfoss en síðan á dvalarheimilið
Ljósheima. Var vel hugsað um hana á þessum stöðum. Ekki var Margrét
erfiður sjúklingur. En þó að á Ljósheimum mætti henni hlýhugur alla
daga þá dvaldi hugurinn löngum heima, því heima er best.
Andlát hennar bar svo að hinn 22. maí 1989. Útför hennar fór fram
frá Kálfholtskirkju 29. maí. Að hennar eigin ósk var það séra Sigurður
Sigurðarson á Selfossi sem jarðsetti.
Ekki giftist Margrét né eignaðist afkomendur en dvaldi lengst af með-
al frændfólks og vina og vil ég taka undir orð séra Sigurðar í útfararræðu
hans að þrátt fyrir það var hún aldrei einmana eða einstæðingur. Að lok-
um vil ég þá geta þess að Margrét var gott vinnuhjú og vann því fólki
vel sem hún var hjá meðan þrek og heilsa entist, því frá árinu 1955 var
hún hjá þeim er þetta ritar og Unni Óskarsdóttur og þökkum við henni
samfylgd um áratuga skeið.
Gísli Astgeirsson.
230
Goðasteinn