Golf á Íslandi - 01.06.2016, Side 38

Forsvarsmenn GSÍ hafa á undanförnum árum
unnið að því að fá verkefni fyrir íslenska dómara á
stórmótum erlendis. Mikil gleðitíðindi bárust í vor
í bréfi frá David Rickman hjá R&A í Skotlandi þar
sem yfirmaður dómaramála hjá alþjóðasambandinu
tilkynnti að Hörður Geirsson, alþjóðadómari, úr
Golfklúbbnum Keili yrði einn af dómurum á Opna
breska meistaramótinu.
Hörður er fyrsti dómarinn frá Íslandi sem
fær slíkt verkefni á einu af risamótunum
fjórum í karlaflokki. Þorsteinn Svörfuður
Stefánsson fór á sínum tíma og dæmdi í
Solheim keppninni sem fór fram árið 2003
í Svíþjóð.
Það ríkir mikil tilhlökkun hjá Herði að
takast á við þetta verkefni sem verður án
efa mikið ævintýri. Mótið í ár er það 145.
í röðinni og í níunda skipti sem það fer fram
á Royal Troon vellinum við Ayrshire á
vesturströnd Skotlands.
„Ég hef farið sem áhorfandi á Opna breska
en ég sá mótið á Royal Birkdale árið 2008
í vonda veðrinu sem þar gekk yfir. Ég hef
aldrei komið á Troon völlinn og þetta
verður án efa mikil upplifun og það ríkir
mikil tilhlökkun hjá mér. Mér líður eins
og barni sem bíður eftir jólunum,“ segir
Hörður við Golf á Íslandi en hann heldur
til Skotlands mánudaginn 11. júlí. „Ég
fer til Skotlands mánudaginn 11. júlí en
mótið hefst fimmtudaginn 14. júlí og því
lýkur sunnudaginn 17. júlí. Það er mikill
undirbúningur sem fylgir þessu verkefni, ég
þarf að kynna mér völlinn vel enda hef ég
aldrei komið á Troon völlinn í Skotlandi.“
Mikill fjöldi dómarar eru til staðar á
risamótunum fjórum og yfirleitt eru tveir
dómarar sem fylgja hverjum ráshóp.
„Eftir því sem ég veit best þá eru að jafnaði
tveir dómarar með hverjum ráshópi. Það er
einn sem gengur með ráshópnum og einn
sem gengur talsvert á undan og reynir að vera
staðsettur þar sem boltarnir lenda. Sá dómari
getur þá metið stöðuna og undirbúið sig fyrir
óvenjuleg atvik sem alltaf geta komið upp.
Allt þetta er gert til þess að flýta leik.“
Hörður hefur á undanförnum árum farið
reglulega á námskeið erlendis til þess að
halda kunnáttu sinni á golfreglunum við.
„Ég tók alþjóðaprófið árið 2008, úti í St.
Andrews í Skotlandi. Frá þeim tíma hef ég
farið sex sinnum í endurmenntun og tekið
námskeið og próf í Bandaríkjunum. Ég hef
sérstaklega reynt að fara þegar nýjar reglur
og úrskurðir eru gefnir út. Síðast fór ég á
slíkt námskeið í Atlanta í vetur og þessi
námskeið hafa reynst mér vel,“ segir Hörður
Geirsson alþjóðadómari.
Eins og áður segir fer Opna breska fram í
níunda sinn á Royal Troon. Bandarískir
kylfingar hafa veirð sigursælir á þessum velli
á þessu móti. Frá árinu 1962 hafa aðeins
bandarískir kylfingar fagnað sigri á Royal
Troon vellinum.
– Alþjóðadómarinn
Hörður Geirsson
dæmir á Opna breska
á Royal Troon
1923: Arthur Havers, England.
1950: Bobby Locke, Suður-Afríka.
1962: Arnold Palme, Bandaríkin.
1973: Tom Weiskopf, Bandaríkin.
1982: Tom Watson, Bandaríkin.
1989: Mark Calcavecchia, Bandaríkin.
1997: Justin Leonard, Bandaríkin.
2004: Todd Hamilton, Bandaríkin.
„Þetta verður
mikil upplifun“
ÞÍN ÚTIVIST
ÞÍN ÁNÆGJA
VERSLANIR ICEWEAR
Netverslun www.icewear.is
frí heimsending um allt land
KÁRI | Flíspeysa
Kr. 14.900
REYKJAVÍK AUSTURSTRÆTI 5 • VESTURGATA 4 • ÞINGHOLTSSTRÆTI 2-4 • LAUGAVEGUR 1 • LAUGAVEGUR 91
FÁKAFEN 9 OUTLET • GARÐABÆR MIÐHRAUN 4 • AKUREYRI HAFNARSTRÆTI 106 • VÍK Í MÝRDAL AUSTURVEGUR 20
38 GOLF.IS - Golf á Íslandi
„Þetta verður mikil upplifun“