Golf á Íslandi - 01.06.2016, Blaðsíða 121

Merking golfbolta
Hafðu samband og fáðu tilboð, s. 863 1850 lilja@vegaljos.is www.vegaljos.is
Prentum nöfn, merki og myndir á golfbolta.
Tilvalið í tækifærisgjafir,
fyrir viðskiptavini
eða í golfmót.
Hefur hinn almenni kylfingur
gagn af því að fara í slíkt
tæki?
„Já, svo sannarlega. Það er þó mikilvægt,
ef nota skal TrackMan sem æfingatæki,
að fá leiðsögn PGA golfkennara sem hefur
þekkingu á tækinu. PGA-kennari greinir
hvað leggja ætti áherslu á í æfingum til að
bæta tækni, þ.e. fá betra boltaflug, hitta
boltann betur o.þ.h. Þegar nemandinn
er kominn með þessar upplýsingar getur
hann notað TrackMan til að sjá mjög
greinilega hvort nýjar hreyfingar í sveiflunni
skili „réttari“ tölum um t.d. sveifluferil,
högghorn og boltaflug. Tækið gefur
upplýsingar eftir hvert högg sem slegið er og
hægt er að treysta því að þær upplýsingar
séu réttar. Greiningartæki hafa rutt sér rúms
með skjótum hætti hér á Íslandi og er hægt
að komast í greiningartæki og golfherma
í býsna mörgum golfklúbbum. GKG er
t.a.m. með fimm TrackMan-tæki í sinni
inniæfingaaðstöðu.“
Hafa æfingar afrekskylfinga
breyst með tilkomu
TrackMan?
„Notkun greiningartækja hefur lyft
æfingum á undirbúningstímabili upp í
nýjar hæðir. Við æfum mest innandyra
yfir veturinn og því er ómetanlegt að fá
nákvæmar upplýsingar um boltaflugið og
sveifluna. Það er því hægt að vinna mun
markvissara í tækni en áður. Aðalatriðið er
líka að æfingar verða mun áhugaverðari og
skemmtilegri, heldur en að slá í net þar sem
ekki er vitað með vissu hvort höggið var vel
heppnað eða ekki.“
Er TrackMan leiktæki eða
æfingatæki?
„Hvort tveggja. TrackMan er í grunninn
æfingatæki. Þá er notast við svokallaðan
TPS (TrackMan Performance System)
hugbúnað þar sem hægt er að æfa tæknina
og skoða allt að 28 mismunandi breytur eins
og áður sagði. Jafnframt er hægt að tengja
tækið við E6 Pure Golf golfhermahugbúnað,
sem gefur kylfingum færi á að leika golf með
félögum sínum á um 90 golfvöllum, t.d.
Pebble Beach, St. Andrews Old Course, Bay
Hill o. fl. E6 gefur einnig grunnupplýsingar
eftir hvert högg um feril kylfunnar og
sveifluhraða og nýtist því ágætlega sem
æfingatæki. Jordan Spieth æfði sig meira að
segja í TrackMan E6 golfhermi með því að
leika St. Andrews Old Course í aðdraganda
Opna breska í fyrra þegar mótið var haldið
þar.“
Er hægt að fara yfir strikið
í notkun og pælingum í
TrackMan?
„Jú, vissulega er það hægt. Kylfingar
geta orðið of uppteknir við að ná „réttu
tölunum“ í tækinu, þegar markmið
leiksins er alltaf að koma boltanum frá
A til B. Hættan er að gleyma að æfa þau
högg sem við þurfum svo mikið að nota,
sérstaklega á Íslandi. Þ.e. halda boltanum
lágum og sveigja upp í eða með vindi. Það
skemmtilega og gagnlega við TrackMan er
einmitt það að hægt er að nota tækið til að
læra betur að slá mismunandi högg.“
122 GOLF.IS - Golf á Íslandi
Hvað er TrackMan?