Golf á Íslandi - 01.06.2016, Síða 99

Hver er ástæðan fyrir því að þú ert í
golfi? „Ég var frekar ung þegar ég byrjaði
að fara með pabba og afa á golfvöllinn og á
æfingasvæðið og alveg síðan þá hefur golfið
heillað mig mikið.“
Hvað er skemmtilegast við golfið?
„Félagsskapurinn, útiveran og að vera
stöðugt að reyna að keppa við sjálfa mig.“
Framtíðardraumarnir í golfinu?
„Ég stefni hátt í golfinu og vil ná langt.
Draumurinn væri að fara til Bandaríkjanna
í háskóla eftir menntaskólann og halda
svo áfram að vinna að mínum markmiðum
erlendis.“
Hver er styrkleikinn þinn í golfi?
„Teighöggin hafa alltaf verið minn
styrkleiki og þar tel ég mig vera öruggasta.“
Hvað þarftu að laga í leik þínum?
„Pitch– og innáhöggin hafa oft farið illa
með mig og ég stefni að því að vinna mikið
í þeim í sumar.“
Hvað er það eftirminnilegasta sem
hefur gerst hjá þér í golfi? „Það var í
keppni á Hellu fyrir nokkrum árum þegar
ég setti rúmlega 100 metra högg ofan í fyrir
erni.“
Hvert er vandræðalegasta atvikið á
golfvellinum hjá þér? „Á Spáni í fyrra
þegar Sóley systir mín var að keyra golfbíl
frá 18. holu að klúbbhúsinu. Ég var svo
upptekin í farþegasætinu að reikna skorið
mitt að ég sá ekki þegar hún keyrði upp
á kantstein og kastaðist út úr bílnum á
fleygiferð fyrir framan helling af fólki.“
Draumaráshópurinn?
„Adam Scott, Jason Day og pabbi.“
Uppáhaldsgolfvöllurinn og hvers
vegna? „Grafarholtsvöllurinn hefur alltaf
verið minn uppáhaldsvöllur. Á mjög góðar
minningar þaðan og það er alltaf jafn gaman
að spila hann.“
Hvaða þrjár golfholur eru í uppáhaldi
hjá þér og hvers vegna? „15. holan í
Grafarholtinu, 16. holan á Korpunni og
Bergvíkin á Suðurnesjunum. Þetta geta
verið mjög krefjandi holur og þess vegna er
alltaf gaman að skora vel á þeim.“
Hvaða áhugamál hefur þú fyrir utan
golf?
„Ég hef mikinn áhuga á allri hreyfingu og
spila líka á gítar.“
Í hvaða skóla og bekk ertu? „Ég var að
klára fyrsta árið mitt í Verzló núna í vor.“
– GR-ingurinn stefnir hátt og er með skýr markmið
Staðreyndir:
Nafn: Sunna Björk Karlsdóttir.
Aldur: 17 ára.
Forgjöf: 10,7.
Uppáhaldsmatur: Naut og bernaise.
Uppáhaldsdrykkur: Vatn.
Uppáhaldskylfa: Fimm-tréð.
Ég hlusta á: Flest allt.
Besta skor í golfi: 76 högg á Las
Colinas.
Rory McIlroy, Tiger Woods eða
Jordan Spieth? Jordan Spieth.
Besta vefsíðan: Facebook.
Besta blaðið: Golf á Íslandi.
Hvað óttast þú mest í golfinu: Að
missa stutt pútt undir pressu.
Golfpokinn minn:
Dræver: Ping Faith 17-4SS 12°.

Brautartré: Ping Faith 17-4SS 22° og 18°
.
Blendingar: Ping Faith 17-4SS 26°og 30
°
.
Járn: Ping Faith 17-4SS.
Fleygjárn: Adams Golf, Tom Watson
52°, 56° og 60°.
Pútter: Scotty Cameron.
Hanski: FootJoy.
Skór: FootJoy.
Golfpoki: Titleist.
Kerra: Clicgear.
Sunna Björk Karlsdóttir er góð
í golfi og spilar líka á gítar
Hraðaspurningar:
100 GOLF.IS - Golf á Íslandi
Sunna Björk Karlsdóttir er góð í golfi og spilar líka á gítar