Golf á Íslandi - 01.06.2016, Qupperneq 136

Ungu kylfingarnir úr GA voru léttklæddir í sumarblíðunni á
þakinu á Klöppum þar sem hægt er að slá út á æfingasvæðið.
Mynd/stebb@golf
Fjöldi sjálfboðaliða úr GA koma að verkinu eins
og kom fram í máli formanns GA, Sigmundar
Ófeigssonar, við opnunina. Var þeim þakkað
sérstaklega fyrir vel unnin störf. Hann þakkaði
einnig þeim fjölmörgu fyrirtækjum sem að
verkinu komu en fjöldi fyrirtækja gaf klúbbnum
vinnu sína.
„Nú erum við hjá Golfklúbbi Akureyrar komin með fyrsta
flokks æfingaaðstöðu og Klappir munu breyta miklu í
okkar starfi. Það er von okkar að kylfingar í GA og einnig
kylfingar í kringum Akureyri nýti Klappir vel,“ sagði Ágúst
Jensson, framkvæmdastjóri GA, í samtali við Golf á Íslandi.
Ágúst telur að kylfingar í nágrenni Akureyrar geti byrjað
útiæfingar mun fyrr en áður. „Við gerum okkur vonir um að
Klappir geti opnað fyrr en við höfum getað gert áður. Í ár
hefðum við getað opnað um miðjan mars ef Klappir hefðu
verið til staðar á þeim tíma. Það munar svo sannarlega
um það að komast út og slá á vorin. Það hefur orðið mikil
sprenging í aðsókn barna í golfskólann okkar og vonandi
mun þessi flotta aðstaða sem og nýi par þrjú holu völlurinn
okkar hjálpa til við að ná fleiri iðkendum í þessa frábæru
íþrótt okkar,“ sagði Ágúst.
Nýja aðstaðan mun breyta miklu fyrir félagsmenn GA sem
bíða nú spenntir eftir næsta verkefni en Íslandsmótið í golfi
fer fram á Jaðri dagana 21.-24. júlí n.k.
Klappir munu án efa verða hvatning til kylfinga norðan
heiða til að æfa sveifluna enda húsnæðið afar vistlegt og
glæsilegt. www.orninngolf.is orninngolf@orninngolf.is s: 577-2525
B Í L D S H Ö F Ð A 2 0
137GOLF.IS