Golf á Íslandi - 01.06.2016, Page 139

Það er óhætt að segja að Ryder-andinn svífi yfir
vötnum á Belfry golfsvæðinu á Englandi. Kannski
engin furða þar sem þetta stærsta golfmót heims
hefur fjórum sinnum verið haldið á Brabazon-
vellinum á Belfry.
Ekki er langt síðan að íslenskir kylfingar
fóru að leggja leið sína þangað í allnokkrum
mæli. Helsta ástæðan er sú að Belfry er í
næsta nágrenni við Birmingham-flugvöll en
Icelandair hóf áætlunarflug þangað vorið
2015. Að sögn Jóhanns P. Guðjónssonar
hjá GB-ferðum var Belfry vinsælasti
golfáfangastaðurinn hjá þeim vorið 2016.
Belfry er alvöru golfstaður með þremur
golfvöllum. Derby er þeirra stystur en
er þó fínasti golfvöllur. Hinir tveir eru
PGA og hinn heimsþekkti Brabazon.
PGA-völlurinn er strandvöllur inni í
miðju landi og virkilega flottur. Mörg stór
golfmót hafa verið haldin á honum, m.a.
tvö á Evrópumótaröðinni. Vegur PGA-
vallarins hefur vaxið á undanförnum árum
enda býður hann upp á flest það besta í
strandvallagolfi þótt langt sé í næstu strönd.
Flatir eru mjög stórar og það þarf lagni með
pútterinn því landslagið er mikið og svo eru
glompur alls staðar á vellinum!
Brabazon er þó aðalvöllurinn á Belfry.
Fjórar Ryder-keppnir segja allt um það en
einnig hafa mót á Evrópumótaröðinni verið
haldin á vellinum. Völlurinn er frábær og
hvergi veikan blett að finna. Hann heldur
kylfingum á tánum allan tímann og þótt
10. og 18. brautin séu langþekktustu holur
vallarins þá eru margar fleiri magnaðar. Á
fyrri níu holunum má nefna 3., 7. og 9., að
ógleymdri 6. braut. Hún er glæsileg og erfið,
þar reynir á að hitta braut og svo flöt með
risastóra vatnstorfæru á vinstri hönd alla
leið. Á 10. teig eftir stutt te-stopp í „halfway
house“ tekur við ein sögufrægasta golfhola
heims. Tíunda brautin er stutt par 4, aðeins
rúmir 200 metrar en býður upp í villtan
dans. Spænska goðsögnin Seve Ballesteros
gerði þessa braut heimsfræga þegar hann
sló inn á flöt í upphafshögginu á Ryder-
bikarnum 1985. Það þótti meira afrek fyrir
nokkrum áratugum þegar menn voru með
trédrævera í settinu. En auðvitað fór Seve
létt með það. Brautin er alvöru „þriller“
hvort sem kylfingar hafa getu til að láta
vaða með stóra prikinu eða leggja upp fyrir
stutt innáhögg. Langflestir leggja upp og
telja áhættuna ekki þess virði því vandræði
eru á alla kanta ef upphafshöggið fer ekki
rétta leið.
Ef kylfingar fara ekki illa á þeirri tíundu þarf
samt að halda einbeitingu því næstu holur
Belfry
býður upp í Ryder-dans
– Íslendingar taka Belfry með trompi
Átjánda brautin á Brabazon er ein glæsilegasta lokabraut í heimi, löng og erfið.
Páll Ketilsson heimsótti Belfry
ásamt kylfingum úr GS.
140 GOLF.IS - Golf á Íslandi
Belfry býður upp í Ryder-dans