B+ - 01.01.2009, Blaðsíða 11

fréttabréf biblíufélagsins  B+   11
Því að augu mín hafa séð hjálpræði þitt,
sem þú hefur fyrirbúið í augsýn allra lýða,
ljós til opinberunar heiðingjum
og til vegsemdar lýð þínum Ísrael.
Með þessum orðum Símeons
úr Lúkasarguðspjalli 2.30–32
lýsti Laarba Kombaté, sem
kominn er hátt á níræðisaldur, gleði
sinni yfir því að fá loksins að sjá bók-
ina Yiesu Labarmann Mual Ni, þ.e. Nýja
testamentið, á móðurmáli sínu, Mual.
Mikil eftirvænting ríkti 18. október síð-
astliðinn í þorpinu Nano í Tógó. Moba-
þjóðflokkurinn var að bíða eftir Nýja
testamentinu og fjölmörgum gestum
sem væntanlegir voru til að fagna
útkomu þess með þeim. Þetta voru
fulltrúar ýmissa félaga og samtaka
sem tekið höfðu þátt í þýðingarstarf-
inu eða stutt það fjárhagslega. Mesta
gleðin braust út þegar bíll Biblíufélags-
ins í Tógó kom með eintökin af Nýja
testamentinu sem fólkið hafði beðið
svo lengi eftir. Allir, ungir sem aldnir,
vildu verða vitni að þessum viðburði.
Vegna mannfjöldans sem safnast hafði
saman var dagskráin flutt úr kirkjunni
og út á leikvöll barnaskólans, sem er í
miðju þorpinu.
Fulltrúar frá kirkjum landsins voru
mættir og ræður haldnar. Lúterska
kirkjan og Biblíufélagið stóðu að þýð-
ingunni, en starfið hófst árið 1995. Það
var því ærin ástæða til að fagna. Séra
Wolanya Amégah, framkvæmdastjóri
Biblíufélagsins í Tógó, lýsti 18. október
sem „jóladegi“ hjá Moba-Mual þjóð-
flokknum af þessu tilefni. 
Útbreiðsla og dreifing á Biblíunni
hefur verið meginstoðin í starfi
biblíufélaga síðustu tvær aldir.
Árið 2007 var engin undantekning.
Samantekt Sameinuðu biblíufélaganna
fyrir það ár var birt fyrir nokkru. Sami
vöxtur var á dreifingu Biblíunnar og
árið þar á undan og jókst hún um 5% á
milli ára eða upp í næstum 27 milljónir
eintaka.
Dreifing Biblíunnar er aðeins hluti af
heildarmyndinni. Testamenti, biblíu-
hlutar eða biblíuúrval er einnig
stór hluti af dreifingarstarfinu.
Biblíufélögin vinna við mjög mis-
jafnar aðstæður og reyna stöðugt að
laga útgáfur sínar að þörfum fólks á
hverjum stað. Heildarfjöldinn sem
Biblíufélögin dreifa er þannig raunar
ótrúlega mikill eða rúmlega 391 milljón
eintaka, en það samsvarar einu eintaki
á hvern einstakling í Suður-Ameríku.
Eins og sjá má á töflunni hér að neðan
bregðast Biblíufélögin við ólíkum
þörfum einstaklinga og samfélaga
með beinum hætti. Sú staðreynd að
dreifingin jókst hraðast í löndum á
suðurhveli jarðar endurspeglar hinn
öra vöxt kirkjunnar þar. Áhersla
margra Biblíufélaga á að samtvinna
biblíulestur og lestrarkennslu má sjá
að baki hinu mikla magni biblíuúrvals
sem dreift var.
Tölurnar sýna með skýrum hætti
að markmiðið sem Sameinuðu
biblíufélögin settu sér fyrir rúmum
200 árum, að vinna að útbreiðslu
Biblíunnar, er ennþá meginkjarninn í
starfsemi þeirra. Hin tvö markmiðin
eru að þýða Biblíuna á fleiri tungumál
og auka notkun hennar. Tölurnar sýna
á hinn bóginn ekki fórnfýsina og bar-
áttuna að baki þessum markmiðum
og ekki heldur viðtökurnar, en um það
mætti hafa mörg orð.
Um þessar mundir vinna Sameinuðu
biblíufélögin að 650 þýðingarverk-
efnum víðsvegar um heiminn. 
© Maurice HarveySjálfboðaliði að störfum í vörugeymslu Biblíufélagsins í Belem, Brasilíu.
5% aukning í útbreiðslu
Biblíunnar annað árið í röð
Sameinuðu biblíufélögin
Dreifing Sameinuðu biblíufélaganna 2007
B iblíur T estamenti B iblíuhlutar B iblíuúrval S amtals
Alls 26.996.323 13.093.502 24.400.829 326.637.806 391.128.460
A fríka 4.471.358 441.284 1.997.087 7.141.088 14.050.817
A meríka 11.383.264 2.312.442 10.144.959 257.966.990 281.807.655
A sía og Kyrrahafslönd 8.927.621 8.226.678 10.268.188 60.016.853 87.439.340
E vrópa og Miðausturlönd 2.214.080 2.113.098 1.990.595 1.512.875 7.830.648
©
M
ac
ai
re
Gb
i
kp
i
Laarba Kombaté heldur stoltur á Nýja testamentinu á
móðurmáli sínu, Mual, 18. október síðastliðinn.
Fagnað í Tógó