B+ - 01.01.2009, Blaðsíða 13
fréttabréf biblíufélagsins B+ 13
©
Haraldur Guðjónsson
Biblían
á strætum borgarinnar
Þorvaldur Víðisson
Séra Þorvaldur Víðisson, miðborgarprestur og æskulýðsfulltrúi Dómkirkjunnar í Reykjavík.
B
iblían varðveitir ljós, ljós
sem lýsir upp hjá þér þegar
þú meðtekur Orðið sem þar
stendur og gefur því bústað
hjá þér. Orðið varð hold, segir í upphafi
Jóhannesarguðspjalls. Það er vísun í
fæðingu frelsarans, orð Drottins varð
hold í Jesú Jósefssyni frá Nasaret sem
við minnumst á helgum tíðum jóla.
Drottinn hefur gefið það hugarfar sem
breytir dimmu í dagsljós.
Vegviti í miðborginni
Öll sú frásaga og aðrar í Biblíunni
miðla kærleika Guðs. Guð vill allt gefa
okkur mönnunum og einskis krefst
hann í staðinn fyrir sig annað en það
að sjá hamingju okkar og annarra. Það
er boðskapur Biblíunnar.
Kirkjan er samfélag um þennan veru
leika, að kærleiki Guðs er að verki í
heiminum. Kirkjurnar allar standa
fyrir þetta. Dómkirkjan í Reykjavík
hefur verið eins og vegviti í miðborg-
inni um tveggja alda skeið, kennileiti
og vegviti í veraldlegum og í senn and-
legum skilningi. Litirnir og táknin öll
styðja við kærleiksorðin og boðskapinn,
og stundum er ekki þörf á meiru, eins
og segir í vísu eftir Grétar Fells:
Einn veðurdag góðan ég gekk í kirkju
gerði þar bæn mína hljótt.
Geisli frá lífssviði fegurri foldar
féll inn í huga míns nótt.
Þetta var guðdómleg guðsþjónusta.
Góð varð mín sál og hrein.
Hér var söfnuður enginn, kór eða klerkur.
Kirkjan — hún messaði ein!
Guðsþjónusturnar eru oftast guðdóm
legar og góðar tilfinningar sem við
förum með þaðan, en venjulega er nú
fjölmenni í kirkjunni. Fjöldinn allur
sækir styrk í Orðið á heimilum sínum
og í samfélagi kirkjunnar.
Kirkjan í Kolaportinu
Kirkjan er hvarvetna að störfum. Hún
er einnig að störfum á strætum borgar
innar. Í Kolaportinu þjónar Þjóðkirkj
an og hefur gert hátt í áratug. Þar er
helgihald á kaffihúsinu, lifandi tónlist
og lifandi orð. Nærveran, snerting
in og samfélagið þar er með öðru
sniði en í hefðbundnu helgihaldi
og er fyrirbænasamfélagið öflugt.
Prestar, djáknar og sjálfboðaliðar leiða
helgihaldið og gjarnan er nokkur fjöldi
sem þjónar og fullt af fólki sem tekur
þátt.
Trúin getur gefið nýtt líf
Á strætum borgarinnar er kærleiks
orðið lifandi. Þeir sem einhverra hluta
vegna lifa við húsnæðisleysi og eru
heimilislausir eiga oft sterka trú. Trúin
getur gefið líf, nýtt líf, ný tækifæri. Að
trúa og vona gefur fyrirheit um nýtt
upphaf, þar sem Drottinn gerir alla
hluti nýja. Biblían miðlar okkur því að
Drottinn er að verki og Drottinn er hér
og vill finna þig.
„Kirkjan er hvarvetna að störfum. Hún er
einnig að störfum á strætum borgarinnar.
Í Kolaportinu þjónar Þjóðkirkjan og hefur gert hátt í
áratug.“