Fróðskaparrit - 01.01.1965, Blaðsíða 4

12
Víkingabústaður í Seyrvági
Húsini eru í fullari longd 17,75 m, og (tvortumum y 16 m)
í fullari breidd 6,70 m innan; men upprunaliga longdin hevur
ikki verið meira enn okkurt um 14,50 m, tí at tann sunnasti
eitt sindur mjáari parturin má vera bygdur afturat seinri, tað
ið vit koma aftur til.
Einasta upprunaliga breidd, ið kann mátast, er um y 16 m
og har 4,50 m innan.
Tey venda, sum tekningin (3. mynd) vísir, norður og suður,
við suðurendanum móti váginum. Við fyrsta eygnabragd tykist
manni hetta logið, tí at náttúrligari sýnist á hesum heldur
bratta lendi at seta tey eystur og vestur við forsíðuni móti
sjónum. Hetta skulu vit nema við aftur seinri.
Veggirnir. Av teimum er bara stððið eftir, og fleiri staðir
heldur ikki tað. Best varðveittur er norðurveggurin, sum er
1,5 m tjúkkur ífyllingarveggur, fyllingin er mold og smágrót.
Av tí upprunaliga suðurveggi, sum á 3. mynd sæst millum
y 4,0 m og y 3,23 m, er bara vestasti partur eftir, men greitt
er tó, at hann er laðaður á sama hátt sum norðurveggurin og
er næstan eins tjúkkur.
Av vesturvegginum er bara norðari og sunnari partur til,
men tó so mikið, at eingin ivi er um, at hann bæði frá
norður- og suðurveggi er bendur útá. Hann má tí hava verið
mest útbendur á miðjuni og smalkað móti báðum endum, tað
ið gólvskón við fundum vísir (3. mynd, \undnummar 17 og
Í9).
Vit skuldu tí væntað, at eysturveggurin hevði sama snið,
men so er ikki; hann er einlaðaður og næstan beinur oman og
niðan, uttan tann norðasti parturin. Atvoldin til tess má vera
tann, at hann, upprunaliga laðaður sum vesturveggurin, eina-
ferð er vorðin tikin niður f botn, og settur aftur sum hann
nú er.
At hettar er beint, skuldi nevndi norðasti endi á honum
víst. Hann er ífyllingarveggur, ið innan er varðveittur útá
bendur frá norðurvegginum samsvarandi vesturvegginum beint
yvir av; men uttan er hann skilliga umaftur laðaður fyri at
beina hann eftir tí einlaðaða partinum sunnanfyri (3. og 4.
mynd).