Fróðskaparrit - 01.01.1978, Qupperneq 125

Føroysk fólkamentan
133
føroyskan dans (Thuren 1901, 1908, Gríiner-Nielsen 1909,
1934, 1945). Saman hava teir givið út »Færøske Melodier til
danske Kæmpeviser« (1923). Eisini eigur yvirlitsgreinin hjá
Chr. Matras um skaldskap av manna munni frá 1958 og yvir-
litið um dansin sum N. Djurhuus (1958) hevur skrivað at verða
nevndar. Báðar í verkinum »Føroyar«.
Egil Bakka hevur saman við Mortani Nolsøe og Ólavi Hátún
skrivað eitt hent yvirlit um dans, kvæðayrking og kvæðaløg í
Faroe Isles Review (Bakka et al. 1977).
Tann andaligi sangurin í Føroyum er serliga viðgjørdur av
danska tónleikafrøðinginum Karl Clausen og dóttur hansara
Marianne Clausen. I 1969 gav Karl Clausen út ritgerðina »Fær-
øske folkemelodier i dansk sang og forskning« (Clausen 1969),
og í 1975 kom út »Ándelig visesang pa Færøerne«. Støðið undir
hesum verki er eitt stórt savningararbeiði; bert ein partur av
savnaða tilfarinum er útgivin í verkinum, bandupptøkurnar
eru annars varðveittar á Fróðskaparsetrinum. I hesum verk-
inum verður sangurin lýstur í sínum rætta umhvørvi við við-
merkingum frá Ole Jacobsen, Mariu Eide Petersen og Hans
Iversen. Eitt yvirlit yvir fólkatónleikagransking í Føroyum
finst hjá Suppan 1977.
Umframt kvæði hevur V. U. Hammershaimb eisini savnað
hópin av øðrum frásøgnum av manna munni: sagnir, orðtøk
og fólkatrúgv. Hetta var á fyrsta sinni givið út í Antiquarisk
Tidsskrift (1846—48 og 1849—1951) og í Annaler for Nor-
disk Oldkyndighed og Historie (1846). Hetta er seinni savnað
saman og givið út í Savni 1969. Suðuroyarpresturin J. H.
Schrøter gav eisini í 1849—51 út føroyskar sagnir, men hann
er ikki so vandin við heimildargrundarlagnum.
Høvuðsverkið um sagnir og ævintýr er savnið hjá Jakob
Jakobsen (1898—1901). Verkið hevur dyggan inngang, yvirlit
yvir sagnir og ævintýr og viðmerkingar. »Færøsk sagnhistorie«
(Jakobsen 1904) eigur eisini at verða nevnd, somuleiðis Greinir
og ritgerðir, sum John Davidsen greiddi til prentingar í 1957.
Svenski fólkaminnisfrøðingurin Áse Nymann er kortini tann,
sum í nýggjari tíð hevur arbeitt mest við føroyskum ævintýr-