Helgarpósturinn - 07.04.1988, Blaðsíða 23

FRÉTTAPÓSTUR
Banaslys og hrakningar
Tvö banaslys urðu um helgina og fjölda manna var leitað
af björgunarsveitum. Á fimmtudaginn beið ungur maður
bana er hann ók á vélsleða fram af klettabrún á Tröllaskaga
í Skagafirði og féll um 300 metra. Á laugardagskvöldið fórst
9 ára gamall drengur og tveir menn slösuðust alvarlega er
jeppabifreið þeirra fór ofan í sjö metra djúpan gilskorning i
Fitjahnjúkum í Snæfelli. Aðfaranótt páskadags leituðu
björgunarsveitir að tveimur mönnum er höfðu farið á vél-
sleðum upp af Svinadal. Þeir fundust heilir á húfi í skafli á
Botnsheiði þar sem þeir höfðu látið fyrir berast vegna veð-
urs. Menn í jeppabifreið voru hætt komnir á Langjökli þegar
þeir villtust inn á hættulegt sprungusvæði á jöklinum.
Mennina sakaði ekki. Ennfremur urðu f jórir jeppar bensín-
lausir á Hofsjökli og fólk lenti i hrakningum á Fjallabaks-
leið syðri i vondu veðri á biluðum bilum. Björgunarsveitar-
menn hafa lýst þungum áhyggjum vegna alls þessa og vilja
jafnvel takmarka mannaferðir um hálendið, þá sérstaklega
um jöklana.
Skreiðarskuldir
í skýrslu um skreiðarviðskipti íslendinga kemur fram að
útistandandi fjárkröfur vegna sölu á skreið til Nígeríu nema
um 825 milljónum. Af þeirri upphæð er talið að rúmlega
helmingur, eða tæplega 440 milljónir, sé tapað fé. Lagt er til
í skýrslunni að stjórnvöld hlaupi enn frekar undir bagga
með skreiðarframleiöendum en þau hafa gert undanfarið,
þá með þeim hætti að Seðlabanki íslands leggi fram fé, 150
milljónir króna, til kaupa á skuldabréfum sem gefin eru út
af seðlabanka Nígeriu. Bréf þessi má fá á allt að fimmtungi
nafnverðs. Seðlabanki íslands kaupi bréfin síöan á nafn-
verði og mismunurinn renni til framleiðenda en hann gæti
numið allt að 600 milljónum króna. Um sl. áramót voru
ógreiddir 108.000 pakkar af skreið og 78.000 pakkar af
hausum.
Fréttapunktar
• Þorsteinn Pálsson forsætisráðherra hefur falið Byggða-
stofnun að gera úttekt á byggðaþróun í landinu. í því felst
að könnuð verður staða höfuðatvinnugreina á landsbyggð-
inni, búsetuþróun og fjárveitingar til byggðamála, og skal í
úttektinni tekið tillit til almennra þjóðfélagsbreytinga,
mannfjöldabreytinga og bættra samgangna.
• Kona nokkur notaði nafn systur sinnar þegar hún gifti
sig til þess að geta leyst út sparimerki systurinnar, um 200
þúsund krónur. í vitorði með konunni voru brúðguminn og
tveir svaramenn. Systirin komst að því fyrir tilviljun að hún
var skráð sem giftur aðili í opinberum gögnum og hefur nú
höföað mál fyrir borgardómi til þess að fá hjúskapinn ógilt-
an. Prestar munu hér eftir óska eftir skilríkjum með mynd
þegar hjónaefni færa sönnur á uppruna sinn en i ofan-
greindu tilviki var einungis sýnt myndlaust fæðingarvott-
orð.
• Fyrra nauðungaruppboð á Hótel Örk var hjá bæjarfóget-
anum á Selfossi á þriðjudaginn. Skuldir hótelsins nema 50
milljónum króna án vaxta og kostnaðar en einn kröfuhafa
bauð milljón í hótelið til málamynda. Síðara uppboð á eign-
inni fer fram í maí og hefur eigandinn, Helgi Þór Jónsson,
tíma fram að því til þess að ná samningum við kröfuhafa.
• Starfsmönnum Kaupfélags Þingeyínga í Mývatnssveit og
hluta starfsfólksins á Húsavík hefur verið sagt upp störf-
um. Ekki mun vera áætlað að leggja útibú kaupfélagsins í
Mývatnssveit niður með öllu heldur að breyta um rekstrar-
form, jafnvel leigja reksturinn út. Rekstur kaupfélaganna á-
norðausturlandi mun hafa gengið brösulega undanfarið og
rætt hefur verið um sameiningu þriggja kaupfélaga á þessu
svæði, þ.e. Kaupfélags Þingeyinga á Húsavík, Kaupfélags
Norður-Þingeyinga á Raufarhöfn og Kaupfélags Langnes-
inga á Þórshöfn.
• Mikil aðsókn var að skíðasvæðum landsmanna um pásk-
ana. Milli 9 og 10 þúsund manns komu í Bláfjöll á föstudag-
inn langa, enda veður afbragðsgott. Metaðsókn var einnig í
Hlíðarfjalli við Akureyri, þangað komu 3.500 manns á laug-
ardaginn.
• Valur varð íslandsmeistari í 1. deild í handknattleik
karla. Valur vann FH í úrslitaleik um meistaratitilinn með
26 mörkum gegn 23. Sigurður Gunnarsson varð marka-
kóngur deildarinnar; hann skoraði 115 mörk á keppnis-
timabilinu, þar af 28 úr vítaköstum.
• Svinabú á Kjalarnesi hefur verið sett í einangrun vegna
gruns um að þar sé komin upp svokölluð svinapest. Svína-
pest er veirusjúkdómur sem leggst á svín og getur verið
bráðsmitandi. Hún er ekki talin hættuleg mönnum, jafnvel
þótt þeir borði kjöt af sýktum dýrum. Svínapestar varð síð-
ast vart hér á landi um 1950 en talið er að hún hafi borist
hingað á stríðsárunum með kjöti sem varnarliðsmenn
fluttu með sér til landsins.
• Félagsdómur úrskurðaði á þriðjudaginn að verkfall
Kennarasambands íslands, sem átti að hefjast þann 11.
apríl, væri ólöglegt. Forsendur dómsins voru þær að í at-
kvæðagreiðslu félagsmanna um verkfallsboðunina var ein-
ungis greitt atkvæði um hvort veita ætti KÍ heimild til verk-
fallsboðunar en ekki um verkfallsboðunina sjálfa, eins og
áskilið er í lögum um kjarasamninga opinberra starfs-
manna. Ennfremur hefði væntanlegt verkfall ekki verið
dagsett í atkvæðagreiðslunni.
• Frestur til þess að leggja frumvörp fyrir Alþingi rennur út
mánudaginn H. apríl. 40 mál eru enn óafgreidd í þingflokk-
um stjórnarflokkanna. Búast má við að á annan tug stjórn-
arfrumvarpa verði lagt fram H. apríl.
• Að tilmælum Alþjóðaheibrigðisstofnunarinnar er dagur-
inn í dag alþjóðlegur „tóbakslaus” dagur. Þetta er fjórði
reyklausi dagurinn sem haldinn er á íslandi, en að honum
standa heilbrigðisráðuneytið, landlæknisembættið og tó-
baksvarnanefnd.
BII.ALEIGAN
OS
Langholtsvegi 109
(í Fóstbræöraheimilinu)
Sækjum
og sendum
Greiósíukorta
þjónusta
Sími 688177
Drögum úr hraða
-ökum af skynsemi!
* ||U^ERÐAR
HÁRTOPPAR HARTOPPAR
Bylting frá TRENDMAN
Hártoppur sem enginn sér nema þú. Komið, sjáið og sannfær-
ist. Djúphreinsa og fríska upp hártoppa af öllum gerðum.
Pantið tíma hjá Villa rakara í Aristókratanum, sími 687961.
Opið á laugardögum.
ARjSTÖKRAUM
CíAi imi'ila M
docn|t
sólarplast
••
IVOFALI og ÞREFALT
FYRIR GRÓÐURHÚS OG SOLSKÁLA
Góð einangrun.
Dacryl hefur 50% betri
einangrun en einfalt
gler og er helmingi
léttara.
Dacryl er úr acryl
píastgleri sem hefur
meiri veðrunarþol en
önnur plastefni.
Dacryl er einfalt í
uppsetningu með
álprófílum.
ji
Háboro hf
Skútuvogi 4
S: 82140 & 680380
PLASI í PLÖTUM EB 0KKAR SÉRGREIN
HELGARPÓSTURINN 23