Morgunblaðið - 23.07.1982, Blaðsíða 13

MORGUNBLAÐIÐ, FÖSTUDAGUR 23. JÚLÍ1982
13
Myndir Jóhanns
Hjálmarssonar
Brúður, tröll og trúður
Myndlist
Bragi Ásgeirssor*,
Undanfarið hefur staðið yfir
sýning á 43 myndum eftir Jóhann
Hjálmarsson skáld og bókmennta-
gagnrýnanda. Þetta eru allt gamlar
myndir eða frá árunum 1961—1963
en þá var Jóhann í slagtogi með
Alfreð Flóka og fleirum með ný-
stárlegar hugmyndir á listum. Sýn-
ingin er til húsa í Skruggubúð á
Suðurgötu 3a og lýkur henni
næstkomandi föstudag.
Það er ekkert nýtt að rithöfund-
ar fáist við myndlist samfara skrif-
um sínum og sumir þeirra hafa
meira að segja byrjað feril sinn í
myndlistarskólum og flestum þeim
frægustu er það sameiginlegt, að
hafa ótakmarkaðan áhuga á
myndlist forni sem nýrri.
Það er listhópurinn „Medúsa“ er
stendur fyrir þessari sýningu og er
skemmtilegt að lesa formála eins
meðlima hópsins er nefnir sig Sjón.
Sennilega koma þessar hugleið-
ingar engum jafn skemmtilega á
óvart og geranda myndanna því að
hann sýnir að upp er að rísa ný
kynslóð með nýjar hugmyndir og
hugsjónir. Fjólur, lyfjagrös eða út-
lend blóm sem gera kröfur til að
standa jafnfætis sólinni... Færir
það nær því sem enginn stjórn-
málamaður, listmálari eða kirkju-
leiðtogi þolir nema á yfirborðinu:
Frelsið...
— Myndir gerandans Jóhanns
Hjálmarssonar virka á undirritað-
an sem bernskubrek — skemmti-
legur kafli í listsköpun hans, sem
gjarnan hefði mátt verða framhald
á því að myndirnar opinbera
ákveðna tilfinningu fyrir ryþm-
iskri línuteikningu. Sverja sig
mestmegins í ætt við Paul Klee en
einnig fleiri súrrealista svo sem
Max Ernst. Ekki er þó hægt að
nefna Klee súrrealista þótt hann
hafi tekið þátt í sýningu þeirra árið
1925 í París — hinni fyrstu í sög-
unni, — einungis það tímabil í list
hans sem á við frjálsar hugar-
flugsteikningar með dulrænu ívafi.
Hvað sem öðru líður er fróðlegt
að skoða þessar myndir Jóhanns
Hjálmarssonar og víst er mikil
prýði að teikningum hans í bókinni
Fljúgandi næturlest.
Svo þakka ég sýninguna.
Myndlist
Valtýr Pétursson
I Listvinahúsinu við Lækjar-
götu stendur nú yfir afar sér-
stæð sýning. Það eru þrettán
konur, sem hér sýna brúður sín-
ar og ekki man ég eftir að hafa
séð álíka sýningu hér í borg áð-
ur. Brúðuleikhús hefur verið
starfandi hér um árabil og yngri
kynslóðir hefur vel kunnað að
meta þann skemmtistað, ef svo
mætti að orði kveða. Eg skal
játa, að mig óraði ekki fyrir, að
jafn margar konur legðu stund á
brúðugerð og hér kemur fram í
dagsljósið. É held það sé rétt hjá
mér, að mjög lítið hafi borið á
þessari listgrein, en það er mikil
og fjörleg Iist að búa til góða
brúðu. Þessi sýning í Listmuna-
húsinu sannar því, að það er líf
og fjör í þessari framleiðslu og
að það er mikil ánægja sem því
fylgir að gera góða og gaman-
sama brúðu.
Þarna kennir margra grasa,
og ekki vil ég taka ánægjuna af
fólki með því að tíunda og telja
hér upp alla þá ágætis menn og
konur, sem þarna sjást í margs
konar hlutverkum. Þarna er
kona að fá sér snaps eftir lögtak
og verkar afar hressileg í þreng-
ingum sínum. Bakkabræður
bera þarna sólina í pokum og
dansað er á jólum. Þarna eru
dekurbörn og sveinarnir þret-
tán. Þessir titlar ættu að nægja
til að sýna, hve ríkur þessi
heimur ævintýra og brúða er.
Maður kemst í gott og létt skap
við að kynnast þessu fólki, sem á
erindi til allra. Jafnt ungir sem
aldnir eiga sér það hugmynda-
flug, sem til þarf, svo að brúður
nái að gerast vinir og skemmta
þeim. Það er afar ferskur svipur
á þessari sýningu, og hver ein-
asti hlutur er þar á réttum stað.
Því vil ég fastlega ráða fólki til
að skoða og kynnast þessum
brúðuheimi, sem bæði býður
upp á fjölbreytni og sérstæða
persónuleika, brúður, gerðar af
listfengi og skilningi. Ékki veit
ég, hve lengi þessi listgrein hef-
ur verið stunduð hér á landi, en
það mætti segja mér að hún
væri ekki ný af nálinni. Það má
draga þá ályktun af trébrúðu
um hundrað ára gapialli, sem
höfð er með til skemmtunar.
Hér áður og fyrr voru brúður
oftlega heimatilbúnar og höfðu
ekki síður gildi fyrir eigandann
en þær talandi pissudúkkur
sem Japanir selja okkur í dag,
en það er nú önnur saga og kem-
ur ekki málinu við í sambandi
við þessa fjörugu og ágætu sýn-
ingu.
Það var mikið skemmtilegt
fyrir mig að líta á loftið hjá
Knúti Bruun í þetta sinn. Þarna
er atburður á ferð, sem allir
ættu að veita athygli, skemmti-
legur og fræðandi í senn. Ég
óska aðstandendum til ham-
ingju með þessa ágætu sýningu
og vonast til að fá að sjá slíkt
aftur, þegar skammdegið hrjáir
mann. Nú er sól og sumar, en
samt birtir af þessu fólki og það
er mikið gaman. Þakka fyrir
mig.
Ólíkar umbúbir,
civ sömu gæÖiiv
HARPA H/F framleiðir margar geröir utan- og innanhússmálningar,
olíumálningu og grunna, lökk, ryðvarnarefni og fylliefni.
öllum er það sameiginlegt að hafa staðist nákvæma gæðaprófun
á rannsóknastofu fyrirtækisins. Þar er jafnan fylgst með því að
þessi gæði haldist og stöðugt unnið við að endurbæta
það sem þegar er orðið gott.
GÆÐI SEM ENDAST