Morgunblaðið - 21.11.1984, Blaðsíða 25
MORGUNBLAÐIÐ, MIÐVIKUDAGUR 21. NÓVEMBER 1984
25
TN. Elliot
bókmenntaiðju. Ætlun mín var að
kynna íslenzkum lesendum
kveðskap eins frumlegasta skálds
þessarar aldar, skálds, sem hingað
til hefur verið Íítt kynnt á islenzku
máli, en mér finnst Pound eiga er-
indi við ljóðskáld Islands til ögun-
ar og örvunar, sem og við aðra
ljóðavini. Gætu fátæklegar þýð-
ingar mínar orðið til þess, að fleiri
en áður sneru sér að lestri kvæða
Pounds á frummálinu, væri vel
farið.“
Kristinn Björnsson kemur hér
vissulega að kjarna máls. Þýð-
ingar á ljóðum helstu skálda
hljóta að vera til ögunar og örvunar
í senn skáldum og lesendum. Þótt
deila meigi um árangur Kristins í
glímunni við Pound er bókin hin
þarfasta. Mig grunar samt að hún
hafi farið fyrir ofan garð og neðan
hjá mörgum.
Vegna þess að afmæli hafa verið
nokkuð á dagskrá má geta þess, að
á næsta ári, nánar tiltekið 30.
október, eru liðin hundrað ár frá
fæðingu Ezra Pounds. Hann lést
1972.
Jóhann Hjálmarsson
Hvers virði er lífið?
Leiklist
Jóhann Hjálmarsson
Þjóðleikhúsið:
GÓÐA NÓTT, MAMMA.
Ilöfundur: Marsha Norman.
Þýðandi: Olga Guðrún Árnadóttir.
Lýsing: Kristinn Daníelsson.
Leikmynd og búningar: Þorbjörg
Höskuldsdóttir.
Leikstjóri: Lárus Ýmir Óskarsson.
Góða nótt, mamma eftir
bandarískan leikritahöfund,
Marsha Norman, fjallar um
sjálfsmorð. Efnið er vissulega
tímabært.
Margir eru fullir örvæntingar,
sumir og reyndar æ fleiri koma
ekki auga á aðra leið en sjálfs-
morðið.
Leikrit Marsha Norman í að
mestu áheyrilegri þýðingu Olgu
Guðrúnar er þarft framlag til
umræðu um sjálfsmorð. Það er
óvenjulegt að því leyti að frá
upphafi veit áhorfandinn að
sjálfsmorð er yfirvofandi, Jessie
tjáir Thelmu móður sinni að hún
ætli að farga sér. Móðirin áttar
sig smám saman á því að dóttur-
inni er alvara. Og hún gerir sér
jafnvel grein fyrir að það er eng-
in undankoma önnur en sjálfs-
morð. Jessie hefur frjálst val og
á að fá að ráða því sjálf hvort
hún kýs að lifa áfram eða ekki.
Lífið er þrátt fyrir allt ekki mik-
ils virði. Jessie hefur orðið fyrir
mörgum skakkaföllum. Hún
saknar látins föður síns, hún
hefur verið leidd út í hjónaband
sem endaði með skilnaði og son-
ur hennar er eiturlyfjaneytandi.
Ýmislegt annað hrjáir hana.
Kristbjörg Kjeld og Guðbjörg Þorbjarnardóttir ( hhitverkum sínum í
Góða nótt, mamma, bandarísku leikriti sem fjallar um sjálfsmorð.
Jessie segist einfaldlega vera
orðin þreytt. Og hún telur sig
eiga rétt á að fara fyrr úr stræt-
isvagninum en venja er til. Lífið
er eins konar viðkomustaður og
allt skiptir harla litlu máli.
Samræður þeirra mæðgnanna
eru í senn ósköp hversdagslegar
og varpa ljósi á gjána sem er
milli þeirra og skýra þau vanda-
mál sem lífið hefur fært þeim og
valda því að önnur þeirra bug-
ast. Vinnubrögð Marsha Norm-
an eru í anda hógværðar. Hún
forðast að fara með miklum
bægslagangi að áhorfandanum,
misbjóða honum. Hún leitar eft-
ir trúnaðartrausti áhorfandans
og biður hann að dæma sjálfan.
Allt er þetta virðingarvert og
lýsir þroskuðum höfundi.
En textinn býr ekki yfir nægi-
lega skáldlegu lífi til að ná
sterkum tökum. Hann er skrif-
aður af kunnáttu og nokkrum
lærdómi. Það nægir ekki.
Lárus Ýmir Óskarsson hefur
leikstýrt í anda þess raunsæis
sem einkennir verkið. Ekki er
unnt að krefjast meira af hon-
um. Hann verður ekki sakaður
um neitt, en leikstjórn hans
bjargar ekki verkinu. Leikmynd
er eftir hefðbundinni uppskrift.
Kristbjörg Kjeld leikur Jessie,
Guðbjörg Þorbjarnardóttir
Thelmu. í leik þeirra beggja eru
góðir hlutir, á stöðu stað ágætir.
En það er of sjaldan sem þeim
tekst að sannfæra áhorfandann
um að hlutverkin séu annað og
meira en hlutverk. Auk þess
voru þær báðar óöruggar á
frumsýningu og víða tómahljóð í
túlkun þeirra. Þetta getur staðið
til bóta.
Athyglisvert leikrit varð ekki
annað og meira en athyglisvert
leikrit á Litla sviðinu. Það náði
ekki til áhorfenda þótti mér.
Maður hafði á tilfinningunni að
hér væri mikið og gott efni að
fara forgörðum.
Tilboö á pústkerfum og
ísetninsu.
hnA íor aI/I/i ^ milli mólo •
Það fer ekki á milli mála:
Volvohljóðkútarnir eru sérsmíðaðir af Volvosérfræðingum
fyrir Volvobíla til þess að ending og nýting þeirra sé
í samræmi við önnur Volvogæði.
Þess vegna kaupir þú aðeins Volvopústkerfi,
en ekki ódýrar eftirlíkingar!
Pakkwerb
KP.5850.-
(Volvo 240, B21, B23)
Tilboðsverð sem gildir fyrir þá sem panta tíma
fyrir 20. desember '84.
\7ZH
SUÐURLANDSBRAUT 16 - SÍMI 35200