Morgunblaðið - 15.10.1985, Blaðsíða 17

MORGUNBLAÐIÐ, ÞRIÐJUDAGUR15. OKTÓBER1985
17
Spegilpýramídi,
græn brú og þakhýsi
— tillögur Magnúsar Skúlasonar arkitekts og Magnúsar
Tómassonar myndlistarmanns sýndar í Svíþjóð
í september var opnuð sýning á maður og Magnús Skúlason arki
Magnús Tómasson myndlistarmaður og Magnús Skúlason arkitekt við gerð
tillagnanna.
breytingartillögum á hverfi í
Grimsta, úthverfi Stokkhólmsborg-
ar, sem unnar eru af listamönnum
og arkitektum. Að tillögunum unnu
myndlistarmaður og arkitekt frá
hverju Norðurlandanna, en verkefn-
ið var unnið að tilhlutan sænsku
deildar Norræna myndlistarbanda-
lagsins, með styrk frá Norræna
menningarmálasjóðnum.
Af Islands hálfu tóku þeir
Magnús Tómasson myndlistar-
Líkan af spegilpýramídanum, fjölþarfahúsi, sem m.a. hýsir kaffistofu, fundarsal, myndbandaver o.fl.
tekt þátt í tillögugerðinni, en verk-
efnið var hugsað sem hugmynda-
gefandi og áhugavekjandi fyrir
betra og manneskjulegra um-
hverfi. Tillögurnar voru sýndar á
sænskri byggingarsýningu, BO ’85
í mai, og eftir sýninguna í Hássel-
by-höll sér Norræna myndlistar-
miðstöðin á Sveaborg um farand-
sýningu á tillögunum um Norður-
löndin.
Verkefnið fólst í því að koma
fram með breytingartillögur á
hverfinu Grimsta, en það hverfi
var byggt milli 1950 og 1960. í
þessu hverfi er röð fjölbýlishúsa,
um 3 km löng röð húsa. Þeir félag-
ar byrjuðu á verkinu fyrir áramót,
fóru út og kynntu sér hverfið og
skýrslur félagsfræðinga í janúar,
og hófust svo handa um gerð breyt-
ingartillagnanna. Þeir sögðu
helstu galla hverfisins hafa verið
þá að ibúðir hafi verið of litlar,
skólabörnum hefur fækkað mjög í
hverfinu og skólinn þar stendur
svo til hálftómur. Að auki var
enginn miðbær eða miðpunktur í
hverfinu, félagsleg vandamál voru
vaxandi og afbrotum hafði fjölgað.
„Þegar við höfðum lesið skýrsl-
una og skoðað hverfið var það
einkum .tvennt sem við vildum
breyta. Við vildum stækka íbúðirn-
ar, það var hægt með því að sam-
eina tvær og tvær, setja lyftur í
húsin og byggja þakhýsi ofan á
þau. í öðru lagi vildum við búa til
einhverja þungamiðju í hverfinu,
þannig að fólkið gæti fundið að
það byggi í einhverskonar' þorpi."
Milli Grimsta og Vállingby, sem
er næsta hverfi við, liggur hrað-
braut, Bergslagsvágen, og í breyt-
ingartillögu þeirra félaga er gert
ráð fyrir að byggð sé brú yfir
veginn, „græn“ brú, fyrir gangandi
vegfarendur og hjólreiðafólk. Gert
er ráð fyrir að brúin verði um 20-30
metra breið, á henni verði gróður
af ýmsu tagi, tré, runnar og blóm.
Til að mynda þungamiðju hverf-
isins gera þeir ráð fyrir byggingu
pýramída, nokkurs konar fjöl-
þarfahús, með kaffistofu, sýning-
arsölum, myndbandaveri, bóka-
safni og fleiru. Pýramídinn er
klæddur spegilstáli og spegilgleri
á víxl, þannig að sólarljós, birta
og himinn speglast í honum. í
kring um hann er tjörn og með-
fram pýramídanum er stórgrýti,
líkt og pýramídinn hefði komið
upp úr iðrum jarðar og ýtt frá sér
stórgrýti og öðrum jarðvegi. I
kringum um píramídann verður
svo komið upp nokkrum listaverk-
um.
Aðspurðir sögðust þeir ekki vita
hvort tillögur þeirra kæmu til
framkvæmda, Svenska Bostáder
eiga flest húsin í Grimsta og bolt-
anum væri nú varpað til þeirra.
Þeir sem stóðu að tillögugerðinni
gerðu ráð fyrir að hægt væri að
nota þær víðar, t.d. í öðrum hverf-
um og því hugsanlegt að tillögur
þeirra verði notaðar einhvern
staðar á Norðurlöndum.
Samvinna listamanns og arki-
tekts á þennan hátt er ekki algeng,
og sögðu þeir Magnús Skúlason og
Magnús Tómasson að reynslan af
þessu samstarfi hefði verið góð,
og gæti það efiaust sparað tíma,
peninga og fyrirhöfn að hafa
sa'mráð milli þessara aðila frá því
hugmyndir og tillögur fæðast á
teikniborðinu.
RENAULT11
AST VIÐ FYRSTU KYNNI
Renault 11 hefiir fenglð margar viðurkenningar fyrir frábæra hönnun og flöðrunin er engu lík. Rými og þægindi koma öllum
i gott skap. Reyndu Renault, það verður ást við fyrstu kynni. Þú getur reitt þig á Renauft

KRISTINN GUDNASON
SUÐURLANDSBRAUT 20, SÍMI 686633
1