Morgunblaðið - 10.01.1986, Qupperneq 13
MORGUNBLAÐIÐ, FÖSTUDAGUR 10. JANÚAR 1986
13
Islenzkt sjó-
mannaalmanak
komið út í
61. skipti
7 ára drengur teikn-
aði forsíðu þess
ÍSLENZKT sjómannaalmanak
fyrir árið 1986 er nú komið út
og er þetta 61. útgáfa þess frá
því það kpm fyrst út árið 1914.
I almanakinu er að finna flestar
upplýsingar, sem nauðsynlegar
geta talizt íslenzkum sjófarend-
um og er skylda að hafa það um
borð i hveiju skipi. Fiskifélag
Islands gefur almanakið út.
I tilefni árs æskunnar er forsíða
almanaksins teiknuð af 7 ára dreng,
Gunnari Friðrikssyni, og sýnir húr
kaupskip, bát og togara. Meginmá!
almanaksins er unnið í tölvu Fiski-
félags íslands og fiskimálastjóri,
Þorsteinn Gíslason, segir í formála,
að af því sé mikið hagræði og auk
þess ætti skipaskrá almanaksins og
töflur henni viðkomandi að vera
réttari en ella. Nýlunda í almanak-
inu að þessu sinni er listi yfir trún-
aðarmenn Fiskiféiagsins á öllu
landinu.
íslenzk skip eru nú talin 936,
samtals 186.656 rúmlestir að
stærð, þar af 826 fiskiskip. Vél-
bátar eru flestir, 719, skuttogarar
107, vöruflutningaskip 41 og olíu-
skip 8. Skemmtibátar eru taldir 7.
Elzta skip flotans er enn Nakkur
SU 380 frá Djúpavogi, en hann var
byggður í Færeyjum árið 1912.
Flest skip, 64, eru frá árinu 1972.
í almanakinu eru að finna mjög
margvíslegan fróðleik auk reglu-
gerða af ýmsu tagi. Má þar nefna
fjarlægðir milli staða bæði við ís-
land og til erlendra hafna, fískaheiti
á ýmsum tungumálum, yrfírlit yfir
ræðismenn íslands erlendis og for-
vitnilegt yfirlit um gamalt mál. Má
af því tilefni nefna mælieininguna
ámu, sem samsvarar eftirfarandi
mælieininguni: 1 áma = 6 uxahöfð-
uð = 36 anker =12 lagertunnur =
1.440 pottar.
íslenskt sjómanna
Fróðleikur og
skemmtun
fyrirháa semlága!
Hollandspistill/Eggert H. Kjartansson
Garðyrkjuskóli ríkisins
í heimsókn í Hollandi
Fyrir skömmu voru nemendur,
skólastjóri og sérfræðingar Garð-
yrkjuskóla ríkisins að Reykjum í
Ólfusi á ferð í Hollandi. Að sögn
Grétars Unnsteinssonar skóla-
stjórá, sem var fararstjóri í ferðinni,
var tilgangur Hollandsferðarinnar
m.a. „ ... að kynna sér það allra
nýjasta á sviði hollensks garðyrkju-
iðnaðar, jafnframt því að komast í
ný sambönd og styrkja þau sem
fyrir voru.“ Undirritaður fylgdi
hópnum á ferð hans um Holland.
Frá mánudegi
til föstudags
Fyrst á dagskrá var heimsókn í
fræframleiðslufyrirtækið Royal
Sluis, sem er eitt stærsta fyrirtæki
Hollands á sínu sviði. Að sögn Grét-
ars Unnsteinssonar og Magnúsar Á.
Magnússonar, tilraunatjóra Garð-
yrkjuskólans, er það eitt af hlut-
verkum Garðyrkjuskólans að að-
stoða og leiðbeina garðyrkjubænd-
um við tegundaval til ræktunar. Til
þess að geta sinnt því starfi sem
skyldi, er nauðsynlegt að halda
uppi góðu samstarfi við fræfram-
leiðendur og tryggja á þann hátt
streymi upplýsinga og fræsýna til
íslands. i Garðyrkjuskólanum eru
síðan fræin og upplýsingamar
kannaðar, áður en farið er að mæla
með þeim við garðyrkjubændur.
Eftir að hafa gengið og skoðað
fræfyrirtækið var boðið upp á
brauðmáltíð. Síðan var farið í Flevo-
hof-garðinn, sem er einskonar sýn-
ishorn af hollenskum landbúnaði
og garðyrkjuiðnaði og hann skoðað-
ur, en þá haldið til Wageningen. í
Wageningen biðu nokkrir hollenskir
stúdentar, sem höfðu verið í starfs-
þjálfun á íslandi, komu hópsins.
Sem þakklætisvott fyrir þá gest-
risni, sem þeim hafði verið sýnd
þegar þeir dvöldust á íslandi, höfðu
þeir boðist til þess að vera bílstjórar
hópsins þann tíma sem valist yrði
í Hollandi að þessu sinni.
Næsta dag var móttaka á vegum
Landbúnaðarháskóla Hollands í
Wageningen, sem hafði aðstoðað
við skipulagningu ferðarinnar. Frú
Eva van Drie hjá upplýsingadeild
háskólans hélt stuttan fyrirlestur
og sýndi skyggnimyndir, skýrði hún
frá hlutverki háskólans í hollensku
menntakerfi og þeirri tilraunastarf-
semi sem þar fer fram. Fyrirlestur
frú Evu van Drie, var síðasta
sameiginlega dagskráratriði ferða-
langanna. Eftir það skiptust þeir í
þtjá hópa eftir námsbrautum, Garð-
plöntubraut, Ylræktarbraut og
Skrúðgarðyrkjubraut. Á þann hátt
nýttist best sá tími sem til stefnu
var.
Hópurinn á Garðplöntubraut var
undir leiðsögn Ólafs Njálssonar.
Hann fór þennan dag m.a. í heim-
sókn til Skógræktardeilda háskól-
ans. Fjórir af helstu sérfræðingum
deildanna héldu fyrirlestra þar sem
rakin var þróun skógræktar í Hol-
landi, jafnframt því sem fram kom
var ýmislegt athyglisvert, sem taka
verður tillit til við skógrækt. Eftir
fyrirlestrana gafst ágætis tækifæri
til þess að leggja spumingar fyrir
Blóma- og grænmetismarkaður.
Trj ár ótartilraun við háskólann í Wageningen.
þessa sérfræðinga, og var rætt
saman dijúga stund. Síðan var farið
út í gróðurhús þar sem gerðar eru
rannsóknir á samlífí sveppa og rót-
arhárra tijáa.
Á sama tíma var tekið á móti
Ylræktarbraut hjá Garðyrkjudeild
háskólans. Þar var tilraunastaða
deildarinnar m.a. skoðuð og ný
aðferð við framleiðslu Rósa-græðl-
inga kynnt.
Skrúðgarðyrkjubraut, sem var
undir leiðsögn Guðmundar R. Sig-
urðssonar, heimsótti þennan dag
m.a. trjá- og plöntugarð, auk þess
sem komið var við í „Sjúkdóma-
garði“, þar sem sjúkdómum er
eingöngu haldið við í þeim tiigangi
að kynnast áhrifum þeirra á plöntur
og grænmeti sem þeir leggjast á.
Á þriðja degi var risið árla úr
rekkju og haldið á blóma- og græn-
metismarkaði sem eru frá klukkan
5—7.30 á morgnana. Þennan dag
var grænmetinu og blómunum fylgt
frá því salan fór fram á mörkuðun-
um og þar til varan var komin á
útimarkaði eða í verslanir. í beinu
framhaldi af skoðunarferðinni í
verslanir, var síðan farið í heimsókn
til Sprenger-stofnunarinnar.
Sprenger-stofnunin er mjög vel
þekkt af rannsóknum og því braut-
ryðjendastarfi sem þar hefur verið
unnið varðandi gevmslu og flutn-
inga á grænmeti og blómum. Við
komuna þangað ávarpaði Ing. Jan
de Maaker-hópinn á íslensku. Það
kom skemmtilega á óvart og skýr-
ingin lét ekki á sér standa. Jan
hafði ásamt eiginkonu sinni verið
búsettur í nokkur ár á íslandi. Síðan
var hlýtt á fyrirlestur um geymslu
á grænmeti, þar sem sérstök
áhersla var lögð á það hvaða græn-
metistegundir 'er ekki hægt að
geyma saman án þess að þær hafí
neikvæð áhrif hvor á aðra.
Eftir kvöldverð mættu nokkrir
af stjórnarmönnum Hollands í Al-
þjóðasamtökum landbúnaðar- og
garðyrkjustúdenta (IAAS) og
kynntu starfsemi samtakanna. I
framhaldi af því ræddu þeir við
Garðyrkjuskólanema um það hvort
ísland hefði ekki áhuga á að gerast
félagi í samtökunum. Á fundum
samtakanna í Sviss og Austurríki
síðastliðið sumar hafí verið lagður
grunnur að því að ísland gæti gerst
félagi í IAAS. Niðurstaðan varð að
stofnuð var undirbúningsnefnd sem
vinna skyldi að því að koma íslands-
deild samtakanna á laggirnar.
Fimmtudagurinn var einnig mjög
áskipaður frá morgni til kvölds. Það
virtist þó Iítil áhrif hafa á ferðalang-
ana. Sá áhugi sem nemendur sýndu
vakti óskipta athygli þeirra sem
tóku á móti þeim, hvort heldur það
var í tilraunastöðinni í Naaldwijk,
sem er aðalmiðstöð hollensks gróð-
urhúsaiðnaðar, eða í Wageningen,
þar sem fræðileg störf eru unnin.
Ný tengsl komust á og skipst var
á upplýsingum. Sem dæmi má
nefna upplýsingaskipti milli til-
raunastöðvarinnar PAGV (Proef-
station voor de akkerbouw en de
grouententeelt in de vollegrond)
hjá Lelystad annarsvegar, þar sem
síðustu árin hefur verið unnið að
tilraunum með upphitun jarðvegs
og áhrifum þess á vöxt nokkurra
grænmetistegunda, og Garðyrkju-
skóla ríkisins hinsvegar, þar sem
svipaðar tilraunir hafa verið gerðar.
Garðar R. Árnason hefur unnið að
þeim rannsóknum við Garðyrkju-
skóla ríkisins.
Leið nú að lokum ferðarinnar.
Lokaverkefni hópsins var hönnun,
skipulagning, útfærsla og þó fyrst
og fremst uppræktun nýrra land-
svæða sem höfðu verið unnið frá
sjó. Þegar við komum til Amster-
dam var farið að bregða birtu.
Næsta dag skyldi haldið til íslands.
Árangursríkri ferð Garðyrkjuskóla
ríkisins til Hollands var lokið.