Morgunblaðið - 30.01.1990, Síða 18
18
MORGUNBLAÐIÐ ÞRIÐJUDAGUR 30. JANÚAR 1990
Ráðgjafarnefnd um fiskveiðiírumvarpið:
Stjórnarflokkar bóka ým-
ist andstöðu eða sérálit
Þó er samstaða um grundvallarbreytingar eins
og afiiám sóknarmarks og sérstakt fiskveiðiár
RÁÐGJAFARNEFND um stjórnun fískveiða hefur skilað af sér til
sjávarútvegsráðherra og leggur hún til að drög að frumvarpi til
laga um stjórnun fískveiða verði lögð fram á Alþingi í núverandi
mynd. Mikið er þó um bókanir nefndarmanna og sérálit. Fulltrúar
allra sljórnmálaflokkanna nema Framsóknarflokksins bóka allir
sérálit og eða andstöðu við fram komin frumvarpsdrög að lögum
um stjórnun fískveiða. Bókanir hagsmunaaðilanna eru færri og
styðja margir þeirra frumvarpsdrögin án athugasemda. Alþýðu-
flokkur og Alþýðubandalag bóka andstöðu við ákveðna grundvallar-
þætti svo sem úthlutun aflaheimilda til tiltekinna fískisskipa. Borg-
araflokkur og Samtök um jafhrétti og félagshyggju hafna frum-
varpsdrögunum einnig á svipuðum forsendum. Ljóst virðist því að
frumvarpið taki breytingum í meðförum þingsins, enda nýtur það
ekki stuðnings sljórnarflokkanna í þeirri mynd, sem það kemur
frá ráðgjafamefndinm.
Skúli Alexandersson, fulltrúi
Alþýðubandalagsins, skrifar undir
með fyrirvara um skerðingu botn-
fiskaf lamarks vegna sérveiða, álag
og vigtun á fiski, sem fluttur er
óunninn á markað og að aflahlut-
deild fylgi skipum við sölu. Hann
áskilur sér rétt til að fylgja breyt-
ingartillögum, sem fram kunni að
koma í meðförum þingsins.
Guttormur Einarsson, fulltrúi
Borgaraflokksins, hafnar frum-
varpsdrögunum. Hann segist
munu beita áhrifum sínum á öðrum
vettvangi til lagfæringa á þeim,
enda geti hann ekki tekið ábyrgð
á þeim afleiðingum, sem þau muni
skapa allri þjóðinni og þó sérstak-
lega landsbyggðinni, verði þau að
lögum.
Fulltrúar Kvennalistans, Unnur
Steingrímsdóttir og Kristín Hall-
dórsdóttir, hafna frumvarpsdrög-
unum og nefna þar ýmislegt til.
Þau séu í algjörri mótsögn við það
markmið að stuðla að vemdun og
hagkvæmri nýtingu nytjastofna á
íslandsmiðum. Kvennalistinn telur
affarasælast að úthluta veiðiheim-
ildum til byggðarlaga, vill efla
verulega rannsóknir á auðlindinni
og hafnar því að íslenzk útgerð
haldi uppi erlendri fiskvinnslu á
kostnað okkar eigin.
Eiður Guðnason, fulltrúi Al-
þýðuflokksins, telur að við mótun
fiskveiðistefnu beri að taka meira
tillit til byggðarsjónarmiða, sem
gert sé í fyrirliggjandi frumvarps-
drögum. í bókun sinni segir hann
að ljóst sé að málið eigi eftir að
taka breytingum í meðförum Al-
þingis og þingmenn Alþýðuf lokks-
ins áskilji sér rétt til að flytja og
fylgja breytingartillögum, sem þar
kunni fram að koma.
Bókun Guðmundar H. Garðars-
sonar, fulltrúa Sjálfstæðisflokks-
ins er svo hljóðandi: „Þrátt fyrir
það, að ekki hefur tekizt heildar-
samkomulag í ráðgjafamefndinni
um tillögur að frumvarpi til laga
um fiskveiðistjómun, er núgildandi
lög falla úr gildi, get ég fallizt á
að afgreiða málið úr nefndinni.
Nauðsynlegt er að sjávarútvegs-
ráðherra leggi fram á Alþingi
frumvarp til laga um fiskveiði-
stjómun sem fyrst. Sjálfstæðis-
flokkurinn mun taka afstöðu til
þess frumvarps, sem ráðherra mun
væntanlega leggja fram á Alþingi,
þegar þar að kemur.“
Fulltrúi Samtaka um jafnrétti
og félagshyggju, Jóhann A. Jóns-
son, segist ekki geta samþykkt
frumvarpsdrögin eins og þau liggi
fyrir og tekið þannig ábyrgð á
þeim afleiðingum sem þau muni
skapa þjóðinni allri og þó sérstak-
lega landsbyggðinni. Hann segir
afleiðingu stefnu þeirrar, sem í
frumvarpsdrögunum felist, skapa
stjórrivöldum mikla erfiðleika og
leiða af sér fólksf lutninga samfara
Starfsmannafélag Reykjavíkurborgar:
Framboð tilkynnt í gær
gegn núverandi formanni
STARFSMANNAFÉLAG
Reykjavíkurborgar hefur dregið
sig út úr samningaviðræðum
vinnuveitenda og launþega
vegna væntanlegs stjómar- og
formannskjörs í félaginu. Guð-
mundur Vignir Oskarsson,
slökkviliðsmaður, hefúr ákveðið
að bjóða sig fram gegn Haraldi
Hannessyni, núverandi formanni,
í kosningum 10. febrúar næst-
komandi.
Guðmundur Vignir Óskarsson,
mótframbjóðandi Haralds í for-
mannskjöri, kvaðst hafa verið
hvattur til þess af félagsmönnum
að gefa kost á sér í formannskjör-
inu. Sagði hann helstu ástæðu fyrir
framboði sínu vera þá að hann teldi
að margt mætti fara á betri veg í
félagsmálum Starfsmannafélags-
ins, einkum að því er lýtur samn-
ingagerð og félagsmálum. „Starfs-
mannafélag Reykjavíkurborgar er
lægst launaða stéttarfélagið innan
BSRB og ég tel að full reynsla sé
komin á vinnubrögð fyrri stjórnar,"
sagði Guðmundur.
„Ástæðan fyrir því að við drógum
okkur út úr samningaviðræðunum
er einfaldlega sú að við áttum von
á mótframboði í formannskjöri. Það
er ærið verkefni að standa í samn-
ingagerð og ekki á það bætandi að
vera jafnframt í slag um stöðu
formanns,“ sagði Haraldur Hannes-
son, sem vinnur þó að samnings-
gerðinni á öðrum vettvangi því hann
er 1. varaformaður Bandalags
starfsmanna ríkis og bæja. Taldi
hann óeðlilegt að sitjandi stjórn
ynni að gerð kjarasamnings fyrir
stjóm sem hugsanlega tæki við inn-
an skamms.
„Við teljum okkur geta gengið
inn í þá kjarasamninga sem gerðir
Haraldur Hannesson.
verða þó svo við tökum ekki þátt í
sjálfri samningsgerðinni, sagði Har-
aldur.
„Það gerðist nokkuð skyndilega
að félagið dró sig út úr samninga-
viðræðunum á þeim forsendum að
stjómarkjör væri framundan. Þá
hafði ekki verið tilkynnt um neitt
framboð. Mér finnst ekkert óeðli-
legt við það að fólk vilji hafa um
einhveija kosti að velja í formanns-
kjörinu," sagði Guðmundur Vignir
í samtali við Morgunblaðið.
í ■ lögum Starfsmannafélags
Reykjavíkurborgar er gert ráð fyrir
að uppstillingamefnd sé skipuð í
upphafi árs og hefur hún því hlut-
verki að gegna að fylgjast með
hverjir eiga að ganga úr stjóm og
hveijir gefa kost á sér áfram.
Nefndin á að ljúka störfum í síðasta
lagi í byijun febrúar og að því lok-
nu er öðrum félagsmönnum gefínn
kostur á að tilkynna um framboð,
Guðmundur Vignir Óskarsson.
en 75 meðmæli verða að fylgja
hveijum frambjóðanda. Kjörtíma-
bilið er tvö ár.
Guðmundur Vignir sagði að hann
hefði verið beðinn um að bjóða sig
fram gegn formanni félagsins innan
uppstillingamefndarinnar en þá
hefði hann talið að framboðið þarfn-
ast meiri íhugunar. Þá lá fyrir
ákvörðun formanns að hann gæfí
kost á sér áfram og sömuleiðis fjög-
urra af fimm stjórnarmönnum sem
nú áttu að ganga úr stjóm. Þijú
framboð bárust uppstillingamefnd-
inni til stjórnarkjörsins þannig að
efna varð til kosninga. Kosningam-
ar fóru á þann veg að þeir fjórir
einstaklingar sem gáfu áfram kost
á sér náðu kosningu kjör og voru
þar með inni á lista uppstillingar-
nefndar. Ekki munaði þó nema einu
atkvæði að varaformaður félagsins,
Sjöfn Ingólfsdóttir, félli út af lista
uppstillingarnefndar.
Morgunblaðið/J6n Páll Ásgeirsson
Meðan fiskveiðilöggjöfin er í brennidepli í landi, halda sjómenn veið-
unum áfram og moka upp loðnunni.
eignatjóni og félagslegum hör-
mungum.
Hreggviður Jónsson, fulltrúi
Fijálslynda hægri flokksins, segir
brýnt að frumvarp um stjómun
fiskveiða verði lagt fram á Alþingi
hið fyrsta. Flokkur hans muni þá
taka endanlega afstöðu til fmm-
varpsins.
Farmanna- og fiskimannasam-
band íslands hafnar fmmvarps-
drögunum, fyrst og fremst vegna
þess að í þeim er gert ráð fyrir
sölu á óveiddum fiski. FFSÍ lýsir
jafnframt yfir eindregnum vilja
sínum til að finna lausn á því
vandamáli, sem sala á óveiddum
fiski sé í dag. Félag sambandsfisk-
framleiðenda skrifar undir drögin
með fyrirvara um að úr verði bætt
í einstökum atriðum. Er þar nefnd-
ur skortur á jafnræði milli greina
innan sjávarútvegsins og sé það
einkum hlutur fiskvinnslu og fisk-
vinnslufólks, sem sé fyrir borð
borinn. Þá sé í drögunum ekkert
að finna, sem geti hamlað gegn
hraðri og skipulagslausri röskun
byggðar. Landssamband smábáta-
eigenda fellst í megin dráttum á
texta frumvarpsdraganna í trausti
þess að tveimur atriðum verði kippt
í liðinn. Þar er annars vegar tekið
til grásleppubáta og málefna þeirra
og hins vegar að nýjir bátar undir
9,9 tonnum skerði ekki aflaheim-
ildir þeirra, sem fyrir eru.
Sjómannasamband íslands telur
frumvarpsdrögin málamiðlun.
Fulltrúi þeirra segist þó tilbúinn
til að standa að drögunum, þó svo
að ýmislegt í þeim falli ekki að
þeim skoðunum, sem ríkjandi séu
innan Sjómannasambandsins. Full-
trúi Félags rækju- og hörpudisk-
framleiðenda bókar sérálit þar sem
hann ítrekar tillögu sína um að
veiðikvótar á úthafsrækju skiptist
milli veiða og vinnslu. Verka-
mannasamband íslands lýsir and-
stöðu sinni við drögin, sem lög-
festi um ófyrirséða framtíð eignar-
hald útgerðar á þessari þýðingar-
mestu auðlind þjóðarinnar. Verka-
mannasambandið leggur til nokkr-
ar breytingar á frumvarpsdrögun-
um og er þar helzt að nefna ákvæði
um fiskvinnslukvóta og að komið
verði í veg fyrir sölu á óveiddum
fiski.
Fulltrúar Framsóknarflokksins,
LÍÚ, Fiskfélagsins, Hafrannsókna-
stofnunar, SH, SÍF, Þjóðhags-
stofnunar og sjávarútvegsráðu-
neytisins, skrifa undir skilabréf
með frumvarpsdrögunum án at-
hugasemda.
Neitar að borga hest sem ekið var á:
Alít að hesturinn hafi
ekki átt að vera þarna
- segir Magnús Svavarsson eigandi bílsins
MAGNUS Svavarsson, eigandi
Vöruflutninga Magnúsar Sva-
varssonar á Sauðárkróki, hefúr
ákveðið að láta reyna á fyrir
dómstólum, hvort hann er bóta-
skyldur fyrir að bíll fyrirtækis
hans ók á hross, sem varð að
afiífa. „Ég álít að hesturinn hafi
ekki átt að vera þarna, og þess
vegna neita ég að borga,“ sagði
Magnús í gær í samtali við Morg-
unblaðið.
Atburðurinn varð að morgni
síðastliðins fimmtudags, um sjö-
leytið, á Sauðárkróksbraut, sem er
milli Varmahlíðar og Sauðárkróks.
Magnús segir að alla þá leið, sem
er um 23 kílómetrar, sé vegurinn
afgirtur og eigi Vegagerð ríkisins
það svæði. „Það er margbúið að
kvarta undan hrossum á þessaari
leið,“ segir Magnús og hann kveðst
hafa eftir lögreglu að þangað'hafi
um 100 kvartanir borist.
„Hrossin eru þarna bara fyrir
það, að hliðin heim að bæjunum
eru skilin eftir opin. Ég ákvað það
fyrir löngu að ef ég lenti í þessu,
skyldi ég neita að borga hrossið.
Ég álít að næsta skref verði að
eigandi hestsins komi með bótakr-
öfu og þá legg ég fram bótakröfu
á móti fyrir tjón á bílnum, því að
ég álít að hrossin eigi ekki að vera
þarna,“ segir Magnús.
Hann hafði þegar samband við
tryggingafélag sitt og fór fram á
að tjónið yrði ekki greitt, nema
fulljóst væri að svo bæri að gera.
Hann kveðst vera reiðubúinn til að
láta málið fara fyrir dómstólana,
enda sé nauðsynlegt að fá úr því
skorið hver réttur manna sé í þess-
um efnum.
Magnús segir að slysið virðist
ekki hafa haft mikil áhrif á lausa-
göngu hesta við þennan vegar-
spotta. „Seinna sama dag, um fjög-
urleytið, voru hestar á veginum á
svipuðum stað og á laugardaginn
var maður frá þessum slóðum að
temja á veginum, þannig að þeir
virðast ekki hafa miklar áhyggjur,“
sagði Magnús Svavarsson.