Morgunblaðið - 24.01.1993, Blaðsíða 6

6 FRETTIR/INNLEIMT
MORGUNBLAÐIÐ SUNNUDAGUR 24. JANÚAR 1993
Morgunblaðið/Júlíus
Ný og öflug stöð
Nýja slökkvistöðin við Tunguháls verður nánast jafn öflug og aðalstöðin í Öskjuhlíð. Á myndinni eru Oddgeir
Sveinsson, Sumarliði Jónsson, Bergsveinn Alfonsson, G. Óttar Sigurðsson, Jóhann V. Jónsson, Höskuldur Einars-
son, Magnús Helgason, Jón V. Matthíasson varaslökkviliðsstjóri og Hrólfur Jónsson,
Slökkviliðið í Reykjavík flytur í nýja stöð við Tunguháls
Gjörbreytir aðstöð-
unni í austurborginni
- segir Hróifur Jónsson, slökkviliðsstjóri
SLOKKVILIÐIÐ í Reykjavík tek-
ur nýja slökkvistöð í notkun í
maí, í stað lítillar stöðvar sem
er við Bildshöfða. Þessi nýja stöð,
sem verður við Tunguháls 13,
gjörbreytir allri aðstöðu slökkvi-
liðsins í austurhluta borgarinnar,
því þar verður fullkominn út-
kallsfloti, að sögn Hrólfs Jóns-
sonar, slökkviliðsstjóra.
Reykjavíkurborg keypti húsið við
Tunguháls í lok ársins 1991, af
Kjörís. Unnið var að því að breyta
húsinu úr ísafgreiðslu í slökkvistöð
á síðasta ári og kostuðu þær breyt-
ingar 18 milljónir króna. Að sögn
Hrólfs Jónssonar var ákveðið að
vinna að málinu af skynsemd og
hægð og því frestað að taka húsið
í notkun fyrr en í maí nk. Á þessu
ári kosta framkvæmdir við húsið
24 milljónir króna, svo hægt verði
að flytja inn, en frágangi verður
ekki að fullu lokið fyrr en á næsta
ári.
Tvær öflugar stöðvar
„Nýja stöðin gjörbreytir aðstöðu
okkar í austurhluta borgarinnar,"
sagði Hrólfur. „í stað 200 fermetra
húss við Bíldshöfða, með einum
sjúkrabíl og einum slökkvibíl, þá
verður þama fullkominn útkalls-
floti, svo stöðin verður nánast jafn
öflug aðalstöðinni í Öskjuhlíð. Við
miðum við að fjölga í liðinu á næstu
ámm, en til að byija með verða
fímm á hverri vakt þar. Síðar verða
þeir sjö, auk aðalvarðstjóra, líkt og
hér á aðalstöðinni."
Hrólfur sagði að nýja stöðin
myndi styrkja sjúkraflutninga jafnt
sem slökkviliðið. „Almennir sjúkra-
flutningar hafa allir verið af aðal-
stöðinni og vaktin i Árbæ aðeins
sinnt brýnustu slysaútköllum og
sjúkraflutningum. Nú eru 4-5 menn
á aðalstöðinni á hverri vakt, sem
em sérþjálfaðir sem áhöfn neyðar-
bíls, en þeir munu skipta vöktum
þannig að það verði alltaf fullmann-
að á neyðarbíl í Árbæ. Þar verða
því alltaf sérþjálfaðir sjúkraflutn-
ingamenn, sem er ekki raunin
núna.“
Búnaður endurnýjaður
Hrólfur sagði að endurnýja þyrfti
ýmsan búnað slökkviliðsins. „Við
eigum til dæmis tvo körfubíla, ann-
an nýlegan og hinn 20 ára gamlan,
en hann hefur verið varabíll. Nú
verður hann hins vegar aðalbíll á
Árbæjarstöð og þá höfum við engan
varabíl. Við leggjum fljótlega áætl-
un um endurnýjun búnaðarins fyrir
borgarráð. Borgaryfirvöld hafa sýnt
slökkviliðinu mikinn skilning og við
höfum fengið það fjármagn sem við
þurfum til að geta staðið vel að
verki. í fyrra orsökuðu ýmsar breyt-
ingar og fjárfestingar að við fómm
36 milljónir fram úr fjárlögum.
Rekstrarkostnaður var tæpar 244
milljónir, til allra sjúkraflutninga
og slökkviliðs. Þá hafa ýmsar breyt-
ingar verið gerðar til hagræðingar
hjá slökkviliðinu. Við höfum tekið
okkur tak og endurskoðað skipulag-
ið hjá okkur, því það var óneitan-
lega komin dálítil þreyta í mann-
skapinn. Við ákváðum því að stokka
upp spilin og hrintum ýmsum hug-
myndum okkar í framkvæmd. Sem
dæmi um breytingar má nefna, að
aðalvarðstjóri á hverri vakt er á
sérstakri bifreið, svo hann er fyrst-
ur í útköll og hefur tíma til að skipu-
leggja hvernig bregðast skuli við.
Þá eru núna tveir varðstjórar á
hverri vakt og stjórnar hvor sex
mönnum í útkalli. Áður var einn
varðstjóri og hann hafði þá ekki
nógu góða yfirsýn."
1.400 kr. á borgarbúa
Hrólfur sagði að mikill sparnaður
fælist í því að slökkviliðið sæi jafn-
framt um sjúkraflutninga. „Það
væri mjög dýrt að hafa ijórtán
manna lið á sjúkravakt eingöngu,
en okkur nýtast mennirnir jafnt í
brunaútköll sem sjúkraflutninga,"
sagði hann. „Kostnaðurinn við
Slökkvilið Reykjavíkur er alls ekki
hár, eða um 1.400 krónur á íbúa
höfuðborgarinnar á ári. Þessar 275
milljónir, sem fóru í rekstrarkostnað
og fjárfestingar á síðasta ári, skipt-
ast þannig að Reykjavík greiðir
mest, eða 190 milljónir, en þar af
endurgreiða Húsatryggingar 25%,
svo hlutur borgarinnar er 142 millj-
ónir. Kópavogur, Seltjamarnes og
Mosfellsbær greiða það sem upp á
vantar. Þar sem Húsatryggingar
endurgreiða þeim kaupstöðum ekki
hlut, þá er kostnaðurinn fyrir hvern
íbúa í þessum bæjum 2.200 krónur,
eða 1.900 krónur á mann, ef aðeins
er litið á rekstrarkostnað, en fjár-
festingu sleppt. Sjúkraflutningar
taka um 48% af heildarrekstrar-
kostnaðinum, svo starfsemi
slökkviliðsins sjálfs kostar hvern
íbúa í Reykjavík ekki nema tæpar
800 krónur á ári.“
Dýrara hjá nágrannaþj óðum
Á fundi, sem slökkviliðsstjórar
höfuðborga Norðurlandanna héldu
fyrir nokkru kom fram, að þar er
kostnaður við slökkvilið mun hærri
en hér. „í Kaupmannahöfn búa
600.000 manns og kostnaður við
slökkviliðið þar nemur 2,3 milljörð-
um á ári, svo kostnaðurinn á hvern
íbúa þar er hátt í 4 þúsund krónur
á ári,“ sagði Hrólfur Jónsson,
slökkviliðsstjóri í Reykjavík.
Félagsvísindastofnun Háskóla íslands hefur gert könnun
fyrir Morgunblaðið, þar sem spurt er um viðhorf almenn-
ings til blaðsins. Könnunin náði til úrtaks 1.000 íslendinga
á aldrinum 16 til 75 ára um allt land. Meðal annars voru
settar fram nokkrar fullyrðingar í könnuninni og svarend-
ur beðnir um að svara því til hvort þeir væru þeim sam-
mála eða ósammála.
Fullyrðing:
Morgunblaðið er skemmtilegt blað
Morgunblaðið er skemmtilegt blað
59,1% sammála
- 30,1% ósammála
í KÖNNUN Félagsvísindastofn-
unar var sett fram fullyrðingin:
„Morgunblaðið er skemmtilegt
blað.“ Þeir, sem sögðust henni
mjög eða frekar sammála, voru
59,1% en ósammála voru 30,1%.
Þeir, sem voru mjög sammála
því að Morgunblaðið væri skemmti-
legt blað, voru 10,6% svarenda.
Frekar sammála voru 48,5%. Tæp
11% gátu ekki gert upp hug sinn,
en 24,2% sögðust frekar ósammála
og 5,9% mjög ósammála.
Fullyrðing:
Morgunblaðið er leiðinlegt blað
724 svöruðu 46,2% nnn
Morgunblaðið er leiðinlegt blað
16,2% sammála -
80,3% ósammála
„MORGUNBLAÐIÐ er leiðin-
legt blað,“ er fullyrðing, sem
sett var fram í könnun Félagsvís-
indastofnunar. Alls sögðust
16,2% svarenda henni frekar eða
mjög sammála, en ósammála
voru 80,3%.
Mjög ósammála því að Morgun-
blaðið væri leiðinlegt sögðust 34,1%
og frekar ósammála 46,2%. „Hvorki
né“ eða „bæði og“ var svar 3,5%.
Mjög sammála því að blaðið væri
leiðinlegt sögðust 3,6%, en 12,6%
lýstu sig frekar sammála.
4 á slysa-
deild eftir
árekstur
HARÐUR árekstur varð milli
tveggja bíla á gatnamótum
Reykjanesbrautar og Lækjar-
götu í Hafnarfirði klukkan hálf
fimm í fyrrinótt.
Varð að flytja fjóra á slysadeild
en þeir reyndust ekki aívarlega
slasaðir.
Bílarnir skemmdust mikið við
áreksturinn og voru dregnir burt
af kranabílum.
Norræna húsið
Fyrirlestrar um sögu skoskrar tónlistar
PRÓFESSOR John Purser, tónskáld og
víðkunnur fyrirlesari, heldur fyrirlestra
á vegum Tónlistarskólans í Reykjavík í
Norræna húsinu mánudaginn 25. janúar
og miðvikudaginn 27. janúar og hefjast
þeir kl. 20.00 báða dagana. Fyrri fyrir-
Iesturinn fjallar um sögu skoskrar tónlist-
ar frá upphafi til nútímans og ber nafnið
„A Cry of Prayer, a Shout of War, a
Wisper of Love.“ Sá síðari fjallar um
skoska nútímatónlist og ber nafnið „The
Kilted Appollo".
John Purser, sem fæddist í Glasgow, er
af írskum ættum. Hann stundaði nám við
Konunglega háskólann í Glasgow hjá Frank
Spedding og síðar hjá sir Michael Tippet og
dr. Hans Gal. Á námsárum sínum vann hann
til margra verðlauna, svo sem Royal Phil-
harmonic Socicty-verðlaunanna og írsku út-
varpsverðlaunanna. Meðal margra tónsmíða
hans er að finna tvær óperur, nokkur hljóm-
sveitarverk, kammerverk, einsöngsverk og
fleira.
Hann hefur einnig fengist við ritstörf,
samið þijár ljóðabækur, skrifað sögu skosku
BBC-hljómsveitarinnar og ljögur leikrit sem
hann samdi fyrir BBC-útvarpið í Skotlandi.
Síðasta leikrit hans, Carver, hlaut gullverð-
laun sem besta leikrit á alþjóðlegu útvarpshá-
tíðinni í New York 1991.
Purser á að baki yfir 30 ára feril sem
fyrirlesari um tónlist í háskólum og ýmsum
útvarpsstöðvum. Fyrirlestraröð hans „A
Change of Tune“ hlaut Sony-verðlaun. Fyrir
bók sína, Tónlist Skotlands, fékk hann Mc
Vitie’s-verðlaunin 1992. Á meðan á dvöl
Purser stendur hér á landi mun hann vinna
að útvarpsþáttum fyrir BBC um íslenska
tónlist.
Fyrirlestrarnir eru opnir öllum sem áhuga
hafa og er aðgangur ókeypis. Nemendur úr
Tónlistarskólanum í Reykjavík leika skosk
tónverk að loknu hléi.