Morgunblaðið - 22.06.1993, Blaðsíða 22

22
MORGUNBLAÐIÐ ÞRIÐJUDAGUR 22. JÚNÍ 1993
William
Golding
látinn
BRESKI rithöf-
un3urinn Will-
am Golding lést
síðastliðinn
laugardag, 81
árs að aldri.
Golding er án
efa þekktastur
fyrir skáldsög-
SngiTnX 5=7
Lord of the Flies“, sem kom út
árið 1963 og fjallar um ill-
mennsku sem upp kemur meðal
drengja sem verða skipreka á
eyðieyju. Golding sagði í viðtali
að í stríðinu hefði honum orðið
ljós sú illska sem býr í mönnun-
um. „Ég vildi segja við Englend-
inga, þið þykist hafa unnið stríð-
ið og sigrast á nasismanum og
séuð því öll gott og heiðvirt fólk.
En varið ykkur. Hið illa býr í
okkur öllum.“
Kraftsjúk o g
Kúsjma
þrátta enn
FORSETINN og forsætisráð-
herrann í Úkraínu deila enn
harðlega um hvor þeirra skuli
hafa æðsta vald í ríkisstjórn
landsins. Leonid Kraftsjúk, for-
seti, gerði sjálfan sig með tilskip-
un að æðsta yfirvaldi, og sagði
Leonid Kúsjma, forsætisráð-
herra, að slíkt jafngilti því að
leggja af embætti forsætisráð-
herra. Þingheimur kémur saman
í dag, og er talið líklegt að deil-
an nái þá hámarki.
Scharping
gegn Kohl
RUDOLF Scharping tilkynnti í
gær að hann yrði kanslaraefni
Sósíaldemókrata í kosningunum
sem fram fara í Þýskalandi á
næsta ári. Oskar Lafontaine,
sem varð að lúta í lægra haldi
fyrir Helmut Kohl kanslara í
kosningunum 1990, hefur hætt
við áform um að verða kanslara-
efni Sósíaldemókrata. Lafont-
aine gekkst inn á að hætta við
framboð eftir að hafa fundað
með Scharping á sunnudags-
kvöld. Dagblöð í Þýskalandi
segja Scharping hafa boðið La-
fontaine embætti „ofur-ráð-
herra“, bæði fjár- og efnahags-
mála, ef flokkurinn ber sigur úr
býtum í kosningunum á næsta
ári.
IRA inn úr
kuldanum?
MARY Robinson, forseti Irlands,
segist alls ekki iðrast þess að
hafa átt fund með Gerry Ad-
ams, leiðtoga Sinn Fein, stjór-
málasamtaka írska lýðveldis-
hersins. Dagblöð á írlandi
brugðust ókvæða við tíðindum
af fundinum, og dálkahöfundur
Sunday Independent sagði að
forsetinn hefði brugðist þjóð
sinni. „Morðingjamir eru nú
boðnir velkomnir inn úr kuldan-
um.“ Sjálf lagði Robinson
áherslu á að hún væri skilyrðis-
laust andsnúin ofbeldi.
Fyrsta ferðin
undir Ermar-
sund
FRANSKA ofurhraðlestin fór
hægt í gegnum göngin undir
Ermarsund í fyrsta skipti sl.
sunnudag. Um var að ræða til-
raunaferð, þá fyrstu af nokkrum
áætluðum, áður en göngin verða
formlega tekin í notkun á næsta
ári. Ofurhraðlestin franska
(TGV), fer allajafna á um 300
km hraða í Frakklandi, en mun
fara gegnum göngin á um 160
km hraða og á ferðin þá að taka
um hálfa klukkustund.
Clinton eignast hálfbróður
Washington, Los Angeles. The Daily Telegraph.
FJÖLSKYLDUSAGA Bills Clintons Bandaríkjaforseta varð all-
nokkru flóknari á sunnudag þegar skýrt var frá því að hann
ætti annan hálfbróður sem hann virðist ekki hafa vitað um.
Keuter
Fjölskylda forsetans stækkar
BILL Clinton, forseti Bandaríkjanna, ásamt dóttur sinni, Chelsea,
og konu, Hillary. Komið hefur í ljós að forsetinn á 55 ára gamlan
hálfbróður sem hann mun ekki hafa vitað um.
Hálfbróðirinn heitir Henry
Leon Ritzenthaler, er 55 ára gam-
all og rak útfararþjónustu en er
að setjast í helgan stein af heilsu-
farsástæðum. Kona hans, Judith,
sagði á sunnudag að hún vonaðist
til að geta hitt Clinton forseta.
„Maðurinn minn er með hjarta-
sjúkdóm og vill fá að vita hvort
veikin fylgi ættinni."
Clinton sagði í viðtali við út-
varpsstöð í gær að hann væri að
reyna að komast í samband við
manninn. Hann gæti ekki tjáð sig
um málið fyrr en hann ræddi við
Ritzenthaler.
Clinton svaraði ekki
Það var bandaríska dagblaðið
Washington Post sem uppgötvaði
hálfbróðurinn, sem býr í Paradise
í Kaliforníu. Blaðið birti langa
grein um málið og sagði að Ritz-
-enthaler hefði skrifað Clinton í
kosningabaráttunni í fyrra til að
kynna sig fyrir honum og látið
fylgja afrit af fæðingarvottorði
sínu. Hann fékk hins vegar aldrei
svar frá forsetanum.
Washington Post sagði að Ritz-
enthaler hefði fæðst fjórum árum
áður en faðir hans, William J.
Blythe, kvæntist móður Clintons.
Ritzenthaler og kona hans upp-
götvuðu tengslin í fyrra þegar þau
báru saman það sem þau vissu
um foður hans, sem var þá löngu
dáinn, og upplýsingar í fjölmiðlum
um föður forsetans. „Þeir dóu
báðir í bílslysi á sama stað og á
aldrinum 29 ára. Þeir störfuðu
báðir sem sölumenn hjá bílaparta-
fyrirtæki. W.J. Blythe var frá
Sherman í Texas og þar fæddist
maðurinn minn. Við lögðum sam-
an tvo og tvo,“ sagði Frú Ritzent-
haler. „Maðurinn minn var aðeins
átta ára gamall þegar faðir hans
dó og lögreglustjórinn í Brawley
í Kalifomíu ól hann upp. Þar sem
maðurinn leit • á hann sem sem
föður sinn tók hann upp eftirnafn
hans.“
Faðirinn þríkvæntur
Fjölskyldusagan minnir á hand-
rit fyrir sápuóperu. Adele Gash
Coffelt, 75 ára kona sem býr nú
í Kaliforníu, segist hafa gifst
Blythe í Texas árið 1935 þegar
þau voru bæði 17 ára gömul.
Henry Leon fæddist árið 1938,
löngu eftir að þau voru skilin.
Opinber gögn, svo sem gifting-
ar- og fæðingarvottorð, staðfesta
frásögn konunnar. Frú Coffelt
skýrði ennfremur frá því að
Blythe hefði verið í skammvinnu
hjónabandi með yngri systur
hennar áður en hann kvæntist
móður Clintons.
Blythe, sem var farandsölu-
maður, kvæntist móður Clintons,
Virginiu Cassidy, árið 1942. Hann
beið bana sumarið 1946, þá 28
ára, þegar hann ók bíl sínum út
í skurð á leið heim til konu sinn-
ar, sem var með barni. Sonur
þeirra William (kallaður Bill) Jeff-
erson fæddist fjórum mánuðum
síðar í bænum Hope í Arkansas.
Þegar Bill var fjögurra ára gift-
ist ekkjan Roger Clinton, sem
seldi Buick-bíla. Þau eignuðust
son, Roger yngri.
William Blythe tók upp eftir-
nafn stjúpföður síns og varð Will-
iam Jefferson Clinton. Eftir að
Roger Clinton lést árið 1968 gift-
ist ekkja hans tvisvar og hún er
nú sjötug.
Sprengingar í Madrid
TALIÐ er að baskneskir öfgamenn hafi staðið fyrir tveimur sprengingum í miðborg Madrid í gærmorg-
un. Sprengjusérfræðingar lögreglunnar kanna verksummerkin eftir sprengjuna sem sprakk við banda-
ríska sendiráðið.
Bílsprengjur bana
sjö manns í Madrid
Madrid. Reuter.
TVÆR bílsprengjur sprungu í miðborg Madrid í
gærmorgun með þeim afleiðingum að sjö manns
létust, þar af fimm hermenn. Einnig slösuðust fjöl-
margir óbreyttir borgarar. Talið er að baskneska
aðskilnaðarhreyfingin ETA hafi staðið fyrir tilræð-
inu þótt hún hafi ekki lýst því á hendur sér. Eng-
in viðvörun var gefin fyrir sprengingarnar sem
urðu á háannatíma. Þykir nú sýnt að þrátt fyrir
þverrandi stuðning, handtökur og pólitískan ósigur
geti ETA-hreyfingin enn valdið usla og dauðsföll-
um og er talið að árásin hafi verið gerð til að
mótmæla fangelsisdómum yfir háttsettum liðs-
mönnum hennar.
Fyrsta sprengjan sprakk undir brú þegar herflutn-
ingabíll átti leið yflr. Fimm hermenn og tveir óbreytt-
ir borgarar létust samstundis. Að minnsta kosti átta
manns særðust, þar af átta ára drengur og fimmtán
ára systir hans, sem bæði eru á gjörgæslu. Seinni
sprengjan sprakk klukkutíma síðar um 200 metra frá
bandaríska sendiráðinu. Kona nokkur missti báða fæt-
ur og fjölmargir aðrir urðu fyrir meiðslum.
Þótt baskneska aðskilnaðarhreyfingin hafi ekki lýst
tilræðinu á hendur sér er talið að sprengingamar hafi
verið gerðar til þess að mótmæla 10 ára fangelsisdómi
yfir ETA leiðtoganum Francesco Mugica Garmendia
sem handtekinn var í Frakklandi á síðasta ári. Einnig
voru tveir aðrir háttsettir liðsmenn hreyfingarinnar,
sem handteknir voru við sama tækifæri, dæmdir til
sex og átta ára fangelsisvistar.
Felipe Gonzales forsætisráðherra, sem er í Kaup-
mannahöfn á leiðtogafundi Evrópubandalagsins, for-
dæmdi tilræðin og sagðist fullviss að þau væru verkn-
aður basknesku aðskilnaðarhreyfingarinnar ETA. Hins
vegar hefur Baskneski þjóðemisflokkurinn lýst því
yfir að sprengingarnar megi skýra með slæmu gengi
öfgaflokksins Herri Batasuna, sem styður ETA-hreyf-
inguna, í nýafstöðnum kosningum en flokkurinn tap-
aði tveimur þingsætum af fjórum. Hinir róttæku að-
skilnaðarsinnar njóta nú þverrandi stuðnings í Baska-
landi og jafnan mótmæla þúsundir manna á götum
úti ofbeldisverkum þeirra.
Kosningar á Ítalíu
Norður-
samband-
ið sigrar
í Mílanó
Mílanó. Reuter. The Daily Telegraph.
NORÐURSAMBANDIÐ, sem að-
hyllist skiptingu Ítalíu í þrjú
sjálfstjórnarhéruð, vann einn
áfangasigurinn enn er fulltrúi
úr röðum þess var valinn borgar-
stjóri Mílanó á sunnudag. Yið því
var búist að Norðursambandið
ynni sigur í borginni enda hafa
sljórnarliðar, einkum Kristilegir
demókratar, goldið afhroð að
undanförnu.
Sigur Marcos
Formentinis, sem
er 63 ára, markar
upphafið að raun-
verulegum póli-
tískum ítökum
Norðursam-
bandsins á Ítalíu
enda er Mílanó
önnur stærsta
borg landsins og
þar er miðstöð
efnahagslífsins.
Varla var Formentini
nokkur frambjóð-
andi Kristilega demókrataflokksins
eftir þegar fyrri umferð kosning-
anna hafði farið fram. Borgar-
stjórakjörið, sem fram fór í 145
borgum og bæjum, stóð því einkum
milli fulltrúa Norðursambandsins
og Lýðræðislega vinstriflokksins.
Sá síðarnefndi virðist ætla standa
vel áð vígi, einkum í miðhluta lands-
ins. Umberto Bossi, leiðtogi Norður-
sambandsins, sagði úrslitin knýja
enn frekar á um umbætur á kosn-
ingalöggjöfinni. Kosningabarátta
sanibandsliða hefur einkennst af
nokkurri hörku og hefur Bossi ver-
ið sakaður um rógburð. Fullyrti
hann t.d. að Nando Dalla Chiesa,
sem var í framboði gegn Forment-
ini í Mílanó, væri í tengslum við
mafíuna. Þótti það nokkuð ósmekk-
legt á Ítalíu enda myrti mafían föð-
ur hans, Carlo Alberto Dalla Chi-
esa, árið 1982.