Morgunblaðið - 19.11.1994, Page 2
2 LAUGAEDAGUR 19. NÓVEMBER 1994
MORGUNBLAÐIÐ
FRETTIR
Beinir, færeyskur togari í eigu
Samherja, kom til Akureyrar í gær
Verkefnið spennandi
en bjartsýnin hófleg
Færeyskt-íslenskt
fiskiskip
BEINIR, tog’ari í eigu Fram-
heija í Færeyjum, kom til
Akureyrar í gær í fyrsta skipti.
Þorsteinn Vilhelmsson skip-
stjóri og einn eigenda Beinis
var auk tollvarða fyrsti maður
um borð í skipið eftir að það
„ VIÐ erum hóflega bjartsýnir á
að þetta geti gengið og lítum á
þetta sem spennandi verkefni,"
sagði Þorsteinn Már Baldvins-
son, framkvæmdasljóri Sam-
heija á Akureyri, en í gærdag
kom Beinir til hafnar á Akur-
eyri. Togarinn er í eigu Fram-
heija í Færeyjum sem Samheiji
er hluthafi í, en þeir keyptu hlut
í félaginu í síðustu viku. Beinir,
sem er tæplega 1.800 tonn að
stærð, var keyptur á uppboði
og verður skipið gert ót frá
Færeyjum. Hann verður við
veiðar í Barentshafi ogað hluta
til á Reykjaneshrygg. Ahöfnin
verður að mestu færeysk.
Þorsteinn Már sagði að fyrir
lægi að endurnýja vinnslubúnað
skipsins. „Við munum sjá um
það í fyrstu að koma vinnslubún-
aði í gott horf. Vandamálið við
útgerðina var vinnslubúnaður-
inn, þannig að við ætlum okkur
að koma honum í lag. Þá munum
við sjá um framleiðslu og sölu-
mál,“ sagði Þorsteinn Már.
Færeyingar
líkir okkur
„Það er spennandi fyrir okkur
að taka þátt í rekstri annars
staðar en á íslandi og við teljum
þetta ágætt tækifæri að taka
höndum saman við Færeyinga.
Þetta er fólk sem ekki er ósvip-
að okkur og hugsar á svipuðum
nótum. Vissulega hefur að hluta
til gengið illa hjá þeim, en við
teljum okkur geta stuðlað að því
að þetta skip verði gert betur
út en var og erum í raun sann-
færðir um það. Innan Samheija
liggur mikil þekking á vinnslu,
útgerð og sölumálum og með
því að leggja hana fram á þetta
að geta gengið upp í Færeyjum.“
Fjármálaráðherra um kjarasamning hjúkrunarfræðinga frá í vor
Ekki nothæfur sem við-
miðun fyrir sjúkraliða
FRIÐRIK Sophusson, fjármálaráðherra, segir að ekki sé hægt að bjóða
sjúkraliðum sambærilegar launahækkanir og hjúkrunarfræðingar hafa
fengið á síðustu árum, þar sem hjúkrunarfræðingastéttin hafí algera
sérstöðu hvað það snerti að menntunarkröfur hjúkrunarfræðingastétt-
arinnar hafí breyst úr því að vera þijú ár eftir gagnfræðanám í fjög-
urra ára háskólanám og þeir dregist í launum aftur úr stéttum með
sambærilega menntun. Samningurinn geti því ekki verið notaður sem
viðmiðun í kjarasamningum sjúkraliða, sem eru í verkfalli.
Friðrik sagði að hækkun hjúkr-
unarfræðinga hefði átt sér stað á
löngu tímabili og aðrar stéttir feng-
ið nokkra hækkun á sama tíma,
þar á meðal sjúkraiiðar árið 1992.
Að auki hefði samningurinn við
hjúkrunarfræðinga mikla sérstöðu.
„Þar var í raun verið að viðurkenna
í kjarasamningi samninga sem áður
höfðu verið gerðir af einstökum
sjúkrastofnunum. Jafnframt var
verið að samræma kjör tveggja
félaga sem sameinast höfðu í eitt.
í þeirri samræmingu var óhjá-
kvæmilegt að taka tillit til þess að
viðmiðun hjúkrunarfræðinga er
ekki lengur sótt í stéttir sem hafa
gagnfræðaskólamenntun og
þriggja ára nám eftir það, heldur
í fjögurra ára nám á háskólastigi,"
sagði Friðrik.
Samsvarandi launabreytingar
hjá kennurum áður
Hann sagði að slíkar breytingar
á launakerfínu hefðu stundum átt
sér stað áður eins og til dæmis
hvað varðaði kennara á árunum
1986 og 1987. „Þá verður einnig
að hafa í huga að hækkun hjúkrun-
arfræðinga er ákaflega misjöfn eft-
ir einstaklingum. í sumum tilvikum
er um enga hækkun að ræða en í
öðrum þar sem mest breytingin
varð er um verulega hækkun að
ræða,“ sagði Friðrik.
Hann sagði að hvað aðra kjara-
samninga snerti væri ekki hægt
að miða við þá hjúkrunarfræðinga
sem fengju mesta hækkun sam-
kvæmt þessum samningi, ekki
frekar en hægt væri að sækja viðm-
iðun til þeirra hjúkrunarfræðinga
sem enga launahækkun fengju.
■ Skýrsla um kostnaðarauka/26
Austurrískt fyrirtæki
lýsir áhuga á Sorpu
AUSTURRÍSKA fyrirtækið Rupert
Hofer hefur leitað til borgaryfirvalda
um möguleika á að taka beinan þátt
í rekstri Sorpu byggðasamlags.
Borgarstjóri segir að fyrirtækið hafi
séð urn og mótað sorphirðu í Austur-
ríki um áratuga skeið.
Að sögn Ingibjargar Sólrúnar
Gísladóttur borgarstjóra hefur aust-
urríska fyrirtækið lýst áhuga á
meirihlutaeign í Sorpu og jafnvel að
yfirtaka fyrirtækið. „Þetta er ekki
tilboð um kaup en áhugi á þátt-
töku,“ sagði hún. Óskað er eftir að
borgarstjóri kynnti sér þá þjónustu
sem fyrirtækið hefur uppá að bjóða
í Austurríki.
Hafa reynslu
„Þeir halda að það kerfí sem þeir
hafa við sorphirðu og endurvinnslu,
flokkun og förgun sorps, geti komið
að notum hér á landi," sagði Ingi-
björg. „Þeir hafí þá reynslu sem
þurfí til að reka þetta á hagkvæman
hátt.“ Borgarstjóri sagði að Reykja-
víkurborg, sem á meirihluta í Sorpu,
gæti óskað eftir endurskoðun á sam-
þykktum um fyrirtækið og jafnframt
óskað eftir að draga sig út úr því.
Samskip hf. o g Vinnslustöðin hf.
í Vestmannaeyjum
Stofna flutn-
ingamiðstöð
SAMSKIP hf. og Vinnslustöðin í
Vestmannaeyjum stofnuðu á
fimmtudaginn fyrirtækið Flutn-
ingamiðstöð Vestmannaeyja hf.,
þar sem Samskip eiga 70% hlut
og Vinnslustöðin 30%. Hlutafé i
fyrirtækinu er 5,5 milljónir króna.
Ólafur Ólafsson, forstjóri Sam-
skipa, verður stjórnarformaður
nýja félagsins. „Þetta er í samræmi
við það sem við gerðum á Akur-
eyri,“ sagði Ólafur í samtali við
Morgunblaðið. „Þar stofnuðum við
Flutningamiðstöð Norðurlands
með KEA sem 20% eiganda. Við
viljum byggja upp sjálfstæðar
flutningamiðstöðvar á helstu
byggðakjömunum og gerum það í
samvinnu við heimamenn."
Ólafur sagði að í samvinnu við
heimafólk og þá aðila sem væru
stærstu flutningaaðilarnir í þessu
vildi fyrirtækið byggja upp slíkar
flutningamiðstöðvar, því þannig
hefðu menn gagnkvæma hagsmuni
af slíkum miðstöðvum.
Möguleiki á fleiri aðilum
„Markmiðið hjá þessu fyrirtæki
í Vestmannaeyjum er að þjóna
Vestmannaeyjum og gera það
mjög vel. Þjóna þeim með flutn-
inga, hvort sem það er ferskur fisk-
ur sem flytja þarf til annarra staða
á landinu, eigin útflutningi og veita
þá löndunarþjónustu sem bátar og
fyrirtæki þurfa á að halda.“
Ólafur sagði að möguleiki væri
á því að fleiri aðilar í Vestmanna-
eyjum kæmu inn í fyrirtækið á
síðari stigum, þótt ekkert væri frá-
gengið í þeim efnum enn.
Fékk 10 millj.
gullpott .
31 ARS Kópavogsbúi vann 10,2
milljóna króna gullpott í GuIInám
Happdrættis Háskóla íslands síð-
astliðinn mánudag.
Maðurinn var spila á gullnámu-
kassi í veitingahúsinu Mömmu
Rósu í Kópavogi klukkan tæplega
hálfþrjú siðdegis þegar kassinn
tók skyndilega að spila lag og
blikka Ijósum því til staðfestingar
að maðurinn hefði unnið.
Þetta er, að sögn Guðmundar
Sigurbergssonar hjá HHÍ, þriðji
gullpotturinn sem gengur út í
gullnámunni; í hinum voru 9,5
miiyónir og 14,6 milljónir króna.
Vinningshafinn hefur óskað eft-
ir nafnleynd.
♦ « ♦
Víðir átti 42
milljónir
SKIPTUM er nýlega lokið í þrotabúi
Verslunarinnar Víðis sf. en fyrirtæk-
ið og eigendur þess voru teknir tÐ
gjaldþrotaskipta í apríl 1988. í búun-
um fundust eignir fyrir um 42 millj-
ónir króna til að greiða upp í kröfur
sem námu um 231 milljón króna.
Lýst var 6,4 milljóna króna for-
gangskröfum í þrotabú Víðis og
greiddust þær að fullu og einnig
greiddust 22,3 milljónir, eða um 10%i
upp í 224,4 milljóna almennar kröfur
í fyrirtækið.
Að auki runnu 6% í viðbót uppf
almennar kröfur með 13,7 milljó
eignum eins eiganda fyrirtækisim
en eignir annarra eigenda dugðj
aðeins til greiðslu á veðkröfum !
hlutaðeigandi fasteignum.
—----^---------
Byggingafél. Hamrar
124 millj. tap á
gjaldþrotinu
SKIPTUM er lokið í þrotabúi bygg
ingafélagsins Hamra sem varð gjald
þrota í nóvember 1988. í búinu funcj
ust eignir til að greiða rúmlega 3,í
milljón upp í forgangskröfur, en krö|
ur námu alls 127 millj. kr.
Forgangskröfur voru alls 17|
milljónir kr. og greiddust rúm 17f
þeirra, en ekkert er til í búinu til :
greiða almennar kröfur sem samta
var lýst fyrir 109,1 millj. kr.