Morgunblaðið - 14.07.1995, Blaðsíða 13
MORGUNBLAÐIÐ
FÖSTUDAGUR 14. JÚLÍ 1995 13
LANDIÐ
Út vil ek
Borgarnesi - Bjarni Jóhans-
en og Óli Jennason lögðu
um helgina af stað frá Borg-
arnesi á seglskútunni Para-
dís. Ferðinni er heitið til
Skotlands og áætlaði Bjarni
að þeir yrðu um fimm til sex
daga á leiðinni út, en ferðin
ætti að taka um þijár vikur
alls.
Þetta er ekki í fyrsta
skipti sem Bjarni siglir utan
á skútunni sinni Paradís,
sem er aðeins 25 fet á lengd,
um 8 metrar. Hann sigldi til
Færeyja 1988 og til Noregs
árið 1989. Skútuna setti
Bjarni saman sjálfur úr til-
búnum pörtum sem hann
keypti frá Englandi.
Aðspurður kvaðst Bjarni
vera vel tækjum búinn, auk
áttavita og talstöðva hefði
hann GPS-staðsetningar-
tæki og miðunarstöð. Þá
væri skútan búin 9 hestafla
vél sem hægt væri að grípa
til „ef hann brysti á með
logni“.
Álíka stór og skip Egils
Skallagrímssonar?
Vindur var að norðaustan
um fjögur til fimm vindstig
er Paradís lagði úr höfn í
Borgarnesi og fékk skútan
því gott leiði út Borgarfjörð-
inn. Trúlega eru ekki marg-
ar seglskútur af þessari
stærð i millilandasiglingum
á norðurhöfum í dag. Lík-
legra er að skútan Paradís
sé af svipaðri stærð og þau
kaupskip er Egill Skalla-
Grímsson sigidi út frá Di-
granesi og á milli landa á
sínum tíma.
Morgunblaðið/Theodór Þórðarson
SEGLSKÚTAN Paradís leggur af stað til Skotlands
frá Borgarneshöfn.
ÓLI Jennason og Bjarni Jóhansen hagræða seglum á skút-
unni Paradís við brottför frá Borgarneshöfn.
Húnavaka 35. árgangur
Stærsta ritsafnið
um húnvetnskt efni
Blönduósi - Húnavaka, rit Ung-
mennasambands Austur-Húnvetn-
inga (USAH), 35. árgangur er
komin út. Efni ritsins er fjölbreytt
að vanda og má þar nefna viðtöl,
ferðaþætti, ljóð, fréttir og hvers-
konar fróðleik. Húnavakan er 300
blaðsíður að stærð og ritstjóri þess
hefur verið frá upphafi Stefán Á.
Jónsson frá Kagaðarhóli.
í þessum árgangi Húnavöku
hefur verið tekin saman ný og og
fyllri nafnaskrá yfir látið fólk sem
ritað hefur verið um í Húnavöku.
Þetta auðveldar að sögn Stefáns
Á. Jónssonar leit að upplýsingum
um ættfræði og sögu héraðsins.
Húnavökuritið frá upphafi er nú
er orðið stærsta ritsafn um hún-
vetnskt efni sem gefið hefur verið
út til þessa og þeir árgangar rits-
ins sem voru uppseldir hafa nú
verið endurprentaðir að sögn Stef-
áns.
Auk margra athyglisverðra
greina prýða ritið margar ljós-
myndir allt frá Ketubjargi í norðri
til Melbourne í suðri.
Mikil aðsókn að Byggða-
safni Þingeyinga
Laxamýri - Mjög margir gestir
hafa heimsótt Byggðasafn Þingey-
inga á Grenjaðarstað það sem af er
sumri og er aðsóknin mun betri en
á sama tíma í fyrra.
Um helgina var sérstakur safnda-
gur og komu margir til þess að skoða
safnið enda tilgangur þessa dags að
vekja áhuga fólks á gömlum munum
og liðnum tíma. Af þessu tilefni var
boðið upp á kaffiveitingar í safnað-
arheimilinu sem er í kjallara prests-
bústaðarins.
Á Grenjaðarstað hefur verið mikið
um framkvæmdir á liðnum árum og
í sumar er verið að laga og hlaða
upp búrið í gamla bænum og endur-
bæta hleðslur í kirkjugarðinum. Við
þetta verk starfa íjórir menn í fullu
starfi. Hugmyndir hafa komið fram
um að efla enn frekar starfsemi
byggðasafnsins og efna til lifandi
daga þar sem höfðað yrði til eldri
búskaparhátta og verkmenningu til
sveita. Safnvörður í sumar er Heiða
Guðmundsdóttir frá Fagranesi.
Morgunblaðið/Atli Vigfússon
HEIÐA Guðmundsdóttir safn-
vörður á Grenjaðarstað.
KRISTIN VE 40 komin til Siglufjarðar.
Síldarflotinn stækkar
Siglufirði - Síldarminjasafninu á
Siglufirði hefur nú bæst „nýtt“ skip
í safnið, það er Kristín VE 40.
Bátur þessi er fyrir margra sakir
merkilegur, en kannski ekki síst út
af byggingarlagi sínu, þvi hann er
byggður eftir gömlu skútulagi með
lóðstefni og skuturinn kemur inn-
undir sig að aftan. Þessi bátur er
líklega einn af örfáum bátum sem
til eru í upprunalegri mynd og eru
m.a. stýrishúsið og möstrin upp-
runaleg.
Báturinn var smíðaður 1954 á
Hauganesi við Eyjafjörð og var
lengi gerður þaðan út. Síðan var
hann seldur til Þórshafnar og þaðan
til Vestmannaeyja. Meðan báturinn
var gerður út frá Norðurlandi hét
hann Draupnir og mun hann nú
aftur hljóta það nafn.
Að sögn Sveins Björnssonar
„flotaforingja" síldarminjasafnsins
er þessi bátur sá sjötti sem síldar-
minjasafnið á Siglufirði eignast og
var hann valinn til safnsins vegna
þess hve upprunalegur hann er og
sáralítið þarf að gera til að koma
honum í upprunalegt horf. Hann
mun verða sýndur hjá síldarminja-
safninu sem dæmigerður rekneta-
bátur með viðeigandi veiðarfærum
enda er hann af sömu gerð og þeir
fjölmörgu bátar er stunduðu síld-
veiðar í reknet á fyrri hluta aldar-
innar, t.d. gerðu þeir frægu síldar-
saltendur Óskar Halldórsson og
Skapti Stefánsson á Nöf út marga
svona reknetabáta frá Siglufirði á
sínum tíma.
Sveinn lét þess getið að lokum
að þótt þessi bátur sé kominn i höfn
þá sé það draumur áhugamanna um
safnið að eignast stórt síldveiðiskip
eins og þau voru hér áður fyrr, en
þau fara að verða vandfundin.
IIMA
-fierra-
GARÐURINN
Kringlunni