Skólablaðið - 01.05.1914, Blaðsíða 12
__76____________________SKOI.ABLAÐIÐ_____________________
Hentugust landafræði handa farskólum væri þannig:
Skýrt yfirlit yfir alt ísland t. d. svipað því, sem er í landa-
fræði K. F., og heildaryfirlit yfir álfurnar, sína í hverju lagi.
Evrópulöndin geta börnin lært að þekkja á kortinu.
Kortabók Morten Hansen verða þau að eiga. Eins og
nú standa sakir, verður heppilegast að láta lesa um ísland,
en kenna hitt að mestu leyti bókarlaust, með kortinu.
Sögukver Boga M. er sniðið eftir ákvæði fræðslulaganna
um nám í íslandssögu. Óþægilegt er að byrja ekki fyr en á
16. öld. Ómissandi að börnin viti eitthvað um fund íslands,
landnám, íslendingasögur o. fl. — verður þá að byrja á
munnlegri kenslu. Kvæðin eru vel valin, og mjög gott að
binda þau við sögukverið.
Ágrip B. M. mun víða notað. Sumir kaflarnir eru
samt lítt við barna hæfi t. d. um stjórn landsins og Jón
Sigurðsson.
Ekkert glæðir fremur ættjarðarást, og eflir dug og
manndáð, en sagan, og fögur kvæði; er því nauðsynlegt, að
börnin eigi kost á að lesa létta og skemtilega íslandssögu,
svo þau fái sem glöggvasta hugmynd um mennina, sem
dýpst spor hafa eftir skilið „við tímans sjá“.
í dýrafræði eru of mörg nöfn í náttúrufr. Bjarna Sæ-
mundssonar, væri betra að nefna færra, en lýsa nákvæmara.
Dýrasögur ættu helst að fylgja, og kennarinn að auka
við þær eftir mætti. Sögur gjöra alt nám skemtilegra.
Kenslukona.
J&ótasöJtt o$ lesVtarSéróa
Oftar en einu sinni hefur verið leitast við að vekja athygli
lesenda þessa blaðs á nauðsyn bókasafna í hverri sveit og stofn-
un lestrarfélaga, og nokkur rök hafa verið færð fyrir þeirri
nauðsyn. f 4. og 5; árgangi blaðsins má lesa greinar um þetta
efni, og verður það, sem þar er sagt ekki endurtekið hét.