Dagur - 01.12.1987, Blaðsíða 6

6 - DAG'UR - 1. desember 1987
Ullariðnaður Sambandsins
Unnið við spunavél í verksiniðjusal gömlu ullariðnaðardeildarinnar.
Nú um mánaðamótin tekur til
starfa nýtt og öflugt ullariðn-
aðarfyrirtæki, Alafoss h.f..
Tekur það við rekstri Ullariðn-
aðar Sambandsins á Akureyri
og Alafoss h.f.. Hinn nýi Ala-
foss h.f., sem formlega er
stofnaður í dag, 1. desember,
verður með ullarvörufram-
leiðslu á Akureyri, í Mosfells-
bæ og í Hveragerði. Auk þess
rekur fyrirtækið verslunina
Álafoss í Reykjavík. Hér verð-
ur um að ræða stærsta ullar-
vinnslufyrirtæki þjóðarinnar
og mun það leggja höfuð-
áherslu á framleiðslu ullar-
varnings til útflutnings og
verða starfsmenn um 550.
Helstu markaðssvæði verða
Bandaríkin, Sovétríkin, V.-Evr-
ópa og Japan. Forstjóri hins nýja
fyrirtækis er Jón Sigurðarson, en
aðstoðarforstjóri Aðalsteinn
Helgason.
Gamalt nafn á
nýju fyrirtæki
Hið nýja fyrirtæki hefur hlotið
nafnið Álafoss h.f., m.a. vegna
þess að það nafn er þegar vel
þekkt yíða um lönd sem tákn fyr-
ir gott ullarvörufyrirtæki, auk
þess myndi það kosta milljónir
eða milijónatugi að auglýsa nýtt
nafn á mikilvægum erlendum
ullarmörkuðum. Stjórn félagsins
var einróma samþykk nafngift-
inni. Sérfróðir erlendir markaðs-
ráðgjafar telja þetta nafn vænsta
kostinn, bæði hvað varðar sparn-
að í auglýsinga- og kynningar-
kostnaði og einföldun í markaðs-
og sölumálum.
í samkomulagi eigenda hluta-
fétagsins nýja segir m.a.: „Félag-
ið yfirtekur rekstur, eignir og
skuldir Álafoss h.f. og Ullariðn-
aðar Sambandsins og miðast yfir-
takan við 31. des 1987. Stofnend-
ur munu tryggja að frá 1. des
1987 fari forstjóri félagsins jafn-
framt með framkvæmdastjórn
Álafoss h.f. og Ullariðnaðar
Sambandsins. Samkomulag er
um að framkvæmdavald varðandi
rekstur fyrirtækjanna verði í
höndum stjórnar félagsins og for-
stjóra frá 1. des. 1987 og þar til
yfirtakan fer fram.“
Dreifð starfsemi
Hlutafé hins nýja Álafoss h.f.
verður 700 milljónir króna og á
Framkvæmdasjóður íslands
helming þess, en Samband ísl.
samvinnufélaga hinn helminginn.
í stjórn hins nýja iðnfyrirtækis
eiga sæti Sigurður Helgason,
stjórnarformaður, Valur Arn-
þórsson, varaformaður, Brynj-
ólfur Bjarnason, Guðjón B.
Ólafsson og dr. Gylfi Þ. Gísla-
son. Heimili hins nýja Álafoss
h.f., varnarþing og höfuðstöðvar
verða á Akureyri.
Ákveðið hefur verið að band-
deild verði starfrækt í verksmiðj-
unni í Mosfellsbæ, en vefnaðar-
framleiðsla verður í verksmiðj-
unni á Akureyri. Prjónavarning-
ur verður framleiddur bæði í
Mosfellsbæ og á Akureyri, en
ullarþvotturinn verður í Hvera-
gerði. Álafossverslunin verður
áfram starfrækt að Vesturgötu 2 í
Reykjavík. Pað má því segja að
hér sé um að ræða iðnfyrirtæki,
sem er með starfsemi sína í fjór-
um sveitarfélögum víða um land
og stóran hluta hráefnisins, ull-
ina, kaupir það frá bændum um
allt land. Pví til viðbótar munu
prjóna- og saumastofur víðs veg-
ar um landið verða undirverktak-
ar hjá hinu nýja fyrirtæki.
Hæft starfsfólk
og vönduð vara
Tilgangur með rekstri hins nýja
fyrirtækis er m.a. sá að bæta hag
eigendanna með öflugri markaðs-
færslu og framleiðslu á „textilvör-
um“. Hagnaðarsjónarmið munu
ráða ríkjum þegar frá upphafi, en
hagnaðurinn mun fremur ráðast
af markaðsstarfi en framleiðslu og
þarf fyrirtækið heldur ekki sjálft
að framleiða allt það sem það
mun selja í framtíðinni. Nýjum
Álafossi h.f. eru ekki settar þær
skorður að vinna einvörðungu úr
ull, heldur einnig varning úr
hvaða trefjaefnum sem er, jafnt
gerviefnum sem og náttúrulegum.
Mikil áhersla verður lögð á
hönnun og vöruþróun, samhliða
markvissum markaðsaðgerðum í
þeim heimshlutum eða landsvæð-
um þar sem markaður er fyrir
umræddan varning. Það er stefna
fyrirtækisins að hafa á að skipa
hæfara og jákvæðara starfsfólki en
helstu keppinautarnir. Auk þess
að bjóða vandaða og sérstæða
vöru, sem gefur hátt verð og full-
nægir þörfum vel skilgreindra
markaðsbrota betur en vörur
keppinauta. Einnig verður stefnt
að þvf að veita betri þjónustu og
meiri vörugæði en þeir hinir
sömu. Lögð verður mikil áhersla á
sem lægstan mögulegan rekstrar-
kostnað, sem þó stangast ekki á
við framleiðslu- og gæðastefnu
fyrirtækisins.
Eiginleikar
ullarinnar nýttir
Álafoss h.f. mun reyna að nýta
sérstaka eiginleika íslenskrar ull-
ar til að sérgreina vöru sínar Til
að vernda þá samkeppnisyfir-
burði, sem það hefur vegna
íslenskrar ullar á ákveðnum
mörkuðum, mun fyrirtækið
reyna að vera í forystu í ullar-
söfnun og þvotti og beita sér fyrir
að ullarhirða á íslandi batni.
Ullariðnaður landsmanna á rætur
sínar í þeirri viðleitni okkar að
vilja auka verðmæti íslenskra
hráefna með úrvinnslu þeirra
innanlands. íslensk ullarfyrirtæki
starfa á alþjóðlegum markaði
hvað varðar hráefnisaðföng og
afurðasölu. Hár innlendur fram-
leiðslukostnaður og lega landins
leyfir ekki að ullariðnaðarfyrir-
tækin hérlendis geti lifað af því
að bjóða vörur sínar lægra verði
en keppinautarnir. Slíkt stangast
einnig á við bjóðarhag. Þess
vegna mun nýi Álafoss h.f. mark-
visst stefna að því að ná háu verði
fyrir framleiðslu sína vegna yfir-
burða á sviði markaðsfærslu,
vörugæða og þjónustu.
Bréf forstjóra tíl
starfsmanna
Af hverju eanialt natii?
Kæru samstarfsmenn.
Okkar bíður vandasamt verk.
Samruna keppinautanna, Ála-
foss h.f. og Ullariðnaðar Sam-
bandsins, fylgir eðlilega að marg-
ar ákvarðanir verður að taka og
sumar munu þær valda sársauka
hjá starfsmönnum hinna gömlu
fyrirtækja.
Bæði hafa fyrirtækin verið rek-
in með verulegum halla að
undanförnu. Framtíð hins nýja
fyrirtækis mun að mestu ráðast af
því hvernig til tekst um mark-
aðsmál, en einnig verður að ráð-
ast gegn hallarekstri með niður-
skurði á kostnaði hvar sem það er
gerlegt.
Það er mjög leitt, en óhjá-
kvæmilegt, að þurfa að afþakka
þjónustu stórs hóps, ágætis fólks,
sem vann hinum gömlu fyrirtækj-
um af dugnaði og trúmennsku.
Valkosturinn var sá, að annað
tveggja eða bæði fyrirtækin hefðu
lagt niður starfsemi sína með
hörmulegum afleiðingum fyrir
alla þá sem að ullariðnaði starfa á
íslandi.
Undirritaður biður alla sem
starfað hafa hjá hinum gömlu
fyrirtækjum, bæði þá sem verða
hjá hinum nýja Álafossi h.f. og
einnig þá sem því miður fara á
önnur atvinnumið, að hjálpa til
við að gera samruna fyrirtækj-
anna sem auðveldastan og árang-
ursríkastan.
Takist vel til verður þessi sam-
runi upphaf nýs blómaskeiðs í
íslenskum ullariðnaði.
Þetta er ekki auðvelt verk, en
vel gerlegt, ef allir leggjast á eitt
og horfa til framtíðar í stað þess
að harma það sem liðið er.
Verkefnið er spennandi og
þess vonandi skammt að bíða að
árangur skili sér í stórlega bættri
afkomu þessarar iðngreinar,
starfsmönnum hins nýja fyrirtæk-
is, viðskiptavinum þess og ís-
lenskri þjóð til hagsbóta.
Stefna, markmið og árangur
hins nýja fyrirtækis munu verða
kynnt starfsmönnum i fréttabréfi
sem kemur út mánaðarlega,
Stefna þess mun byggjast á þess-
um fimm höfuðatriðum:
- Að hafa á að skipa hæfara og
jákvæðara ytarfsfólki en keppi-
nautarnir
- að bjóða sérstæða vöru sem
gefur hátt verð og fullnægir þörf-
um vel skilgreindra markaðs-
brota, betur en sambærilegar
vörur keppinautanna
Jón Sigurðarson, forstjóri Álafoss
hf.
- að veita betri þjónustu en
keppinautarnir
- að vera þekkt fyrir meiri
vörugæði en keppinautarnir
- að hafa lægsta mögulegan
kostnað þó þannig að það stang-
ist ekki á við stefnu fyrirtækisins
að öðru leyti.
Við starfsmenn hins nýja fyrir-
tækis getum litið á okkur sem
hluta af landsliði íslendinga í
útflutningi ullarvara. Okkur ber
að stilla saman strengi og keppa
af dug og djörfung að því mark-
miði að hinn nýi Álafoss h.f.
verði arðbært fyrirtæki sem
starfsmenn og viðskiptavinir geta
verið stoltir af.
Jón Sigurðarson
Mörgum hefur án efa komið á
óvart að nýja fýrirtækið skyldi
hljóta nafnið Alafoss, í höfuð-
ið á öðru af þeim tveimur
ullarfyrirtækjum sem verið er
að leggja niður í kjölfar sam-
runans.
Ástæður fyrir þessari ákvörðun
eru margar og vógu þær allar
þungt í lokaákvörðun stjómarinn-
ar um framtíðarnafn fyrirtækis-
ins. Ein aðalástæðan er sú að
Álafoss nafnið er vel þekkt er-
lendis og það myndi kosta tugi
milljóna að auglýsa upp nýtt nafn
í harðri samkeppni á heims-
mörkuðum.
Sambands-nafn eða nafn sem
tengdist Sambandinu á einhvern
hátt kom aldrei til greina þar sem
Samband íslenskra samvinnufé-
laga notar „Samband“ nafnið á
útflutningsvörur sínar eins og t.d.
sjávarafurðir, iðnaðarvörur og
landbúnaðarafurðir.
Erlendir markaðsráðgjafar
sem fengnir voru til að sicoða
ýmsa valkosti í þessum efnum
töldu að áhrifaríkast væri að nota
Álafoss-nafnið áfram. Bæði væri
það vel þekkt og auðvelt á er-
lendum tungum. Þá yrði of dýrt
að byrja að kynna og nota nýtt
fyrirtækisnafn erlendis. Ráðgjaf-
arnir töldu ennfremur að vöru-
merki, eins og t.d. Icewool,
LOPI og Hekla skiptu mun meira
máli en nafn framleiðandans.
Vörumerkið Hekla er mjög
þekkt í Sovétríkjunum og verður
notað þar áfram. Einnig er bent á
að mörg fyrirtæki hafa brennt sig
illilega á því að skipta um nafn í
harðri alþjóðlegri samkeppni.
Enn einn kostur sem sjáanleg-
ur er við að nota Álafossnafnið
áfram er skattalegt hagræði
vegna yfirfæranlegs taps gamla
Álafoss h.f. sem fylgir með.
Úr vefsal ullariðnaðardeildar Sambandsins sem í gær hét en heitir nú vefsal-
ur Álafoss hf.