Dagur - 01.12.1987, Blaðsíða 10

10 - DAGUR - 1. desember 1987
Bændasynir
stofna félag
Á fundi í Félaginu Bændasyn-
ir, sem haldinn var laugardag-
inn 14. nóvember, var undir-
búin stofnun hlutafélags um
þann rekstur sem félagið hefur
staðið að. Sem kunnugt er hef-
ur Félagið Bændasynir gefið út
Bændablaðið frá vori og eru
nú komin út 5 tölublöð. Með
hlutafélagsstofnuninni er ætl-
unin að koma fastara rekstrar-
formi á útgáfuna og jafnframt
að styrkja tengsl blaðsins við
bændur landsins og aðra
áhugamenn um landbúnað og
landsbyggðamál.
Hlutabréf verða seld á almenn-
um markaði og er áætlað að
hlutafjársöfnun standi fram í
janúar en eftir það tekur hið nýja
félag við rekstri blaðsins. Á fund-
inum í dag voru lagðir fram
reikningar fyrir rekstri blaðsins
það sem af er, drög að stofn-
samningi og stofnfélagar skráðu
sig fyrir 110 þúsund krónur í
hlutafé. Ætlunin er að með hluta-
fjársöfnun á almennum markaði
safnist ekki minna en 350.000 og
gæti orðið tvær milljónir króna.
Einkum verður reynt að höfða til
einstaklinga við söfnun hlutafjár
og ekki samþykkt að neinn einn
aðili kaupi meirihluta þess hluta-
fjár sem í boði er. Fram til þessa
hefur Bændablaðið státað af full-
komnu sjálfstæði gagnvart bæði
stjórnmálaflokkum og öllum
stofnunum og fyrirtækjum land-
búnaðarins. Svo mun áfram.
í stofnsamningi hins nýja
hlutafélags er sérstaklega tekið
fram að tilgangur félagsins sé
útgáfustarfsemi í þágu bænda og
landsbyggðar. Pað er staðföst trú
þeirra sem að félagi þessu standa
að full þörf sé á blaði sem tekur
málstað landsbyggðar og að
Bændablaðið hafi unnið sér þá
tiltrú og það traust meðal bænda
að vera þeim vanda vaxið. í því
skiptir miklu að stofnendur
félagsins eigi rætur á landsbyggð-
inni og ætlunin er að færa útgáfu
blaðsins í auknum mæli út á land
með stofnun umboðsskrifstofa í
sem flestum landsfjórðungum.
Nú þegar hefur blaðið opnað
skrifstofu í Eyjafirði og rekstur
hennar skilað góðum árangri. Ef
vel tekst til með söfnun hlutafjár
og reksturinn gengur ekki ver en
verið hefur er í bígerð að auka
útgáfu félagsins með útgáfu dreif-
býlisblaðs sem kæmi út mánaðar-
lega en áskrift að blöðunum yrði
sameiginleg.
Af reikningum þeim sem lagðir
voru fram á fundinum í dag kom
fram að rekstur Bændablaðsins
hefur gengið þokkalega vel það
sem af er og eru eignir nokkrar
umfram skuldir. Velta fyrirtækis-
ins þá fimm mánuði sem það hef-
ur starfað nemur rúmlega tveim-
ur milljónum króna.
Stofnendur hlutafélagsins eru
Jón Danfelsson, blaðamaður frá
Tannstöðum í Hrútafirði, Hrólf-
ur Ölvisson, nemi frá Pjórsár-
túni, Gylfi Gíslason, nemi frá
Kjarnholtum í Biskupstungum,
Einar Benediktsson, bóndi í
Hjarðarhaga, Eyjafirði, Ólafur
Hannibalsson, fyrrum bóndi í
Selárdal, Ketildalahr., Gunnar
Bender, ritstjóri Sportveiðiblaðs-
ins, Kristín Þóra Harðardóttir,
nemi frá Lyngási í Biskupstung-
um, Bjarni Harðarson, frá sama
stað og Anna Björk Sigurðar-
dóttir, frá Efra Lóni á Langanesi,
en þau tvö síðasttöldu eru starfs-
menn blaðsins.
Nánari upplýsingar má fá í
símum 91-17593 og 25814 og 96-
25930.
Vikan var nokkuð fjörug á
Alþingi og greinilegt að þing-
menn og ríkisstjórnin eru kom-
in á fullan skrið í vinnunni.
Eins og ætíð gerist þá var hart
deilt á báða bóga og hvergi
gefið eftir í röksemdafærslum í
ræðum.
Víða var komið við í efri og
neðri deild og í sameinuðu þingi.
f neðri deild tókst loksins að
koma bjórnum í nefnd, en þó
ekki þrautalaust. Á þriðjudaginn
töluðu þeir Ólafur Þ. Pórðarson
(F), og Steingrímur J. Sigfússon
(Abl.) lengi gegn bjórnum.
Steingrímur liefur nú tekið af
skarið í sambandi við afstöðu
sína og vill láta banna allan inn-
flutning á bjór til landsins. Einnig
tóku nokkrir aðrir þingmenn til
máls og þegar forseti neðri deild-
ar Óli P. Guðbjartsson (B) (í for-
föllum Jóns Kristjánssonar)
ákvað að fresta fundi vegna þess
að Stefán Valgeirsson var enn á
mælendaskrá mislíkaði Sighvati
Björgvinssyni (A) það mjög.
Sagði hann að með þessu væri
forsetinn að gefa slæmt fordæmi.
Daginn eftir tókst þó að Ijúka
umræðunni og er því málið kom-
ið í nefnd. Nú á frumvarpið eftir
að ganga í gegnum tvær umræður
til viðbótar í þingdeildinni, þegar
allsherjarnefnd hefur skilað áliti
sínu. Loks þarf það að hljóta
afgreiðslu og samjjykki við þrjár
umræður í efri deild ásamt skoð-
un í þingnefnd. Á þessu sést að
bjórinn á eftir langa og stranga
göngu á þingi, áður en hann kem-
ur til lokafgreiðsiu.
Guðmundur Bjarnason heil-
brigðis- og tryggingamálaráð-
herra mælti fyrir frumvarpi til
breytinga á læknalögum. Meðal
helstu nýjunga sagði ráðherrann
vera nýskipun á mati við veitingu
læknaleyfa. Frumvarpið hefur
fengið stuðning frá Læknafélagi
íslands og læknadeild Háskóla
íslands. Einnig tóku til máls
Guðrún Helgadóttir (Abl.) og
Alexander Stefánsson (F) og
gagnrýndu þann hluta frumvarps-
ins, sem lýtur að starfsemi
tryggingayfirlæknis og töldu þau
að hann fengi of mikið vald sam-
kvæmt þessu nýja frumvarpi.
í neðri deild hélt Sólveig Pét-
ursdóttir áfram umræðum um
frumvarp sitt um umboðsmann
barna. Lagði hún áherslu á að
brúa verði bilið milli mannrétt-
inda fullorðinna og barna.
Jón Baldvin Hannibalsson
fjármálaráðherra mælti fyrir
frumvarpi í efri deild til staðfest-
ingar á bráðabirgðalögum frá í
sumar um ráðstafanir í fjármál-
um. Til nokkurra orðahnippinga
kom á milli fjármálaráðherra og
flokksbróður hans, Karvels
Pálmasonar, um „matarskattinn“
svokallaða. Mælti Karvel gegn
þessum skatti, en ráðherra sagði
að undanþágum í söluskatti yrði
að fækka til að fylgja mætti betur
eftir skattaeftirliti og hamla gegn
skattsvikum.
í efri deild lagði Jón Sigurðs-
son viðskiptamálaráðherra fram
frumvarp um breytingar á lögum
um hlutafélög. Meðal helstu
breytinga sem frumvarpið gerir
ráð fyrir er að fjöldi manna sem
þarf til að stofna hlutafélag lækk-
ar úr fimm í tvo. Þeir Eyjólfur
Konráð Jónsson (S) og Guð-
mundur Ágústsson (B) tóku
einnig til máls um þetta
frumvarp.
Bæði Eyjólfur og Guðmundur
lýstu yfir andstöðu við viss
ákvæði þessara laga. Eyjólfur
fagnaði þó að frumvarpið skyldi
vera flutt og Guðmundur vildi
láta hækka stofnfé hlutafélaga,
enn meira en gert er ráð fyrir í
frumvarpinu.
í sameinuðu þingi fór fram
atkvæðagreiðsla á mánudaginn í
ýmsar nefndir. Þar má t.d. nefna
að kosið var í yfirkjörstjórn
Norðurlandskjördæmis vestra og
eystra. Fyrir Norðurland vestra
voru kosnir: Aðalmenn: Halldór
Þ. Jónsson, Bogi Sigurbjörnsson,
Gunnar Þ. Sveinsson, Sigurður
þessa vikuna
Hansen og Ásgerður Pálsdóttir.
Varamenn: Egill Gunnlaugsson,
Magnús Sigurjónsson, Stefán
Gunnarsson, Vignir Einarsson og
Inga Jóna Stefánsdóttir.
Fyrir Norðurland eystra voru
kosnir: Aðalmenn: RagnarStein-
bergsson, Jóhann Sigurjónsson,
Freyr Ófeigsson, Páll Hlöðves-
son og Sigríður Guðjónsdóttir.
Varamenn: Guðmundur Ben-
ediktsson, Magnús Þorvaldsson,
Ólafur Erlendsson, Gunnar Frí-
mannsson og Hólmfríður Jóns-
dóttir.
Hjörleifur Guttormsson (Abl.)
mælti fyrir frumvarpi, sem hann
flytur ásamt flokksbróður sínum
Steingrími J. Sigfússyni, um gerð
langtímaáætlunar um gerð jarð-
ganga. Samkvæmt tillögunni á
Alþingi að fela ríkisstjórninni að
leggja fyrir yfirstandandi þing
fullmótaða langtímaáætlun um
gerð jarðganga. Þeir Óli Þ. Guð-
bjartsson (B) og Karvel Pálma-
son (A), auk Steingríms, tóku til
máls um þetta mál og lýstu yfir
stuðningi við ályktunina.
Á fimmtudögum hefjast fundir
nú klukkan 10 að morgni og virð-
ast þingmenn kunna ágætlega við
það. Þá er fyrirspurnafundur í
sameinuðu þingi og síðasta
fimmtudag spunnust margar
fjörugar umræður út af fyrir-
spurnum. Þar má fyrst nefna að
Guðmundur H. Garðarsson (S)
gagnrýndi viðskiptaráðherra fyrir
að veita sex nýjum aðilum fiskút-
flutningsleyfi til Bandaríkjanna.
Kallaði Guðmundur veitinguna
„geðþóttaákvörðun“ og ekki til
bóta fyrir íslenskar afurðir. Jón
Sigurðsson svaraði honum fullum
hálsi og sagði að spurningin snér-
ist um frelsi eða einokun.
Einnig tóku til máls þeir Karl
Steinar Guðnason (A) og Stein-
grímur J. Sigfússon (Abl.) og
voru þeir einnig á öndverðum
meiði. Karl fagnaði ákvörðuninni
og sagði að tími væri til kominn
að brjóta upp þetta einokunar-
kerfi og myndi þetta styrkja
stöðu íslendinga á Bandaríkja-
markaði. Steingrímur var ekki á
sama máli og taldi að ræða þyrfti
„sérkennileg" vinnubrögð ráð-
herra.
Birgir ísleifur Gunnarsson
menntamálaráðherra svaraði
fyrirspurn frá Kristínu Halldórs-
dóttur (Kvl.) um veitingu em-
bættis þjóðgarðsvarðar í Skafta-
felli. Kvað ráðherra ekkert
ahugavert við þessa veitingu, en
eins og flestir vita var Stefáni
Benediktssyni arkitekt og fyrr-
verandi alþingismanni veitt
staðan. Hjörleifur Guttormsson
(Abl.) gagnrýndi þessa leyfisveit-
ingu og sagðist telja það eðlilegt
að náttúrufræðingi væri veitt
þessi staða. Tók þá flokkssystir
hans, Guðrún Helgadóttir, til
máls og benti á að Hjörleifur
Guttormsson ætti sæti í Þing-
vallanefnd og hún hefði ráðið
prest í embætti þjóðgarðsvarðar.
Lánasjóður íslenskra náms-
manna var nokkuð í sviðsljósinu
á Alþingi og m.a. lagði Stein-
grímur J. Sigfússon fram fyrir-
spurn um hvort menntamálaráð-
herra ætlaði að beita sér fyrir
endurskoðun á lögum um náms-
lán og námsstyrki. Svaraði ráð-
herra því til að hann gæti fallist á
að núverandi framfærsluviðmið-
anir LÍN kynnu að vera úreltar.
Hann kvaðst hafa ritað stjórn
sjóðsins bréf þar sem óskað væri
eftir því að hún tæki upp viðræð-
ur við Hagstofu íslands um leiðir
sem væru færar í þessu máli.
Finnur Ingólfsson (F), aðstoð-
armaður heilbrigðisráðherra, tók
sæti í fyrsta skipti á Alþingi í síð-
ustu viku. Hann lagði fram þings-
ályktunartillögu, ásamt fjórum
öðrum þingmönnum Framsókn-
arflokksins, um byggingarsjóð
námsmanna. f tillögunni er lagt
til að ríkisstjórninni verði falið að
stofna í samvinnu við náms-
mannasamtökin, þ.e. Stúdenta-
ráð Háskóla íslands, og Banda-
lag íslenskra sérskólanema, sér-
stakan byggingasjóð sem hafi það
hlutverk að fjármagna íbúðar-
byggingar fyrir námsmenn. Verði
þetta sjálfstæð stofnun með sér-
staka stjórn og í vörslu Seðla-
bankans.
Á almenna pólitíska sviðinu
viröist vera komin upp deila á
milli framsóknarmanna og al-
þýðuflokksmanna um stefnuna í
sjávarútvegsmálum. Alþýðu-
flokksmenn virðast ekki geta sætt
sig við frumvarpsdrög þau sem
Halldór Ásgrímsson sjávarút-
vegsmálaráðherra ætlar að leggja
fram í þessari viku á Alþingi
í viðtali við Tímann á föstu-
daginn sagði Halldór Ásgríms-
son, að enn væri eftir að halda
fundi með hagsmunaaðilum og
yrði það gert nú um helgina. Það
væri aðalástæðan fyrir því að
ekki er enn búið að leggja frum-
varpið fram.
Því er hvíslað að með þessu
vilji alþýðuflokksmenn hefna sín
fyrir alla þá fyrirvara sem fram-
sóknarmenn hafa komið með við
húsnæðismálafrumvarp Jóhönnu
Sigurðardóttur. Þetta og frjáls-
legar yfirlýsingar ýmissa þing-
manna Sjálfstæðisflokksins t.d
Eyjólfs Konráðs um fyrirvara við
fjárlagafrumvarpið hafa komið
sér illa fyrir Þorstein Pálsson
forsætisráðherra og virðist hann
eiga erfitt með að koma á full-
komnum friði á ríkisstjórnar-
heimilinu. Þetta leiddi til þess að
miðstjórn Sambands ungra fram-
sóknarmanna samþykkti stjórn-
málaályktun á laugardaginn þar
sem lýst er yfir fullum stuðningi
við sjávarútvegsmálaráðherra og
frumvarpsdrög hans um stjórnun
fiskveiða. Einnig var forsætisráð-
herra hvattur í ályktuninni til að
sýna festu og ákveðni í stjórnun-
arstörfum.
Á þessu sést að ýmislegt er að
gerast á pólitíska sviðinu og lík-
legt að fjörugar umræður verði á
Alþingi þessa vikuna um hin
ýmsu mál. AP