Dagur - 01.02.1992, Blaðsíða 7

Laugardagur 1. febrúar 1992 - DAGUR - 7
Fréttir
Kröfluvirkjun:
„Spamaðurimi fólgiim í að fresta boninum"
- segir Birkir Fanndal, yfirvélstjóri
„Þegar menn vöknuðu upp af
þeim draumi að ekki yrði
byggt álver á næstunni, þá
standa menn uppi með allt of
mikið rafmagn í höndunum,“
sagði Birkir Fanndal Haralds-
son, yfirvélstjóri við Kröflu-
virkjun, er Dagur ræddi við
hann um iengingu sumarlok-
unar í Kröflu. Þar var einnig
hætt við að bora tvær holur til
orkuöflunar í sumar. Það er
verið að setja í gang þrjár vélar
í Blönduvirkjun og hver þeirra
er um 50 megavött, tvær vél-
anna hafa þegar verið gang-
settar og framleiða því um 100
megavött sem ekki var þörf
fyrir í landskerfínu. Krafla
framleiðir alls um 30 mega-
vött.
„Það er mjög mikið umfram-
framboð af raforku í landinu.
Gjaldskrár eru þannig uppbyggð-
ar, að allir sem einhvers mega sín
reyna að kaupa sér dísilvélar til
að framleiða sitt rafmagn sjálfir,
til að þurfa ekki að kaupa það af
Landsvirkjun. Þetta eröfugt, það
reyna allir að kaupa sem minnst
af rafmagni þegar nóg er til af
því,“ sagði Birkir.
Birkir sagði að samkvæmt
fréttum sem starfsmenn við
Kröflu hefðu fengið væri niður-
staðan sú að Krafla yrði stöðvuð í
5-6 mánuði yfir sumarið og hugs-
anlega yrði starfsmönnum fengið
verkefni annars staðar, þegar
verkefni yrðu ekki til staðar við
Kröflu. „Við höfum vissulega
ekkert við þetta að athuga. Við
erum á samningi sem gerir ráð
fyrir því að starfsmenn Lands-
virkjunar vinni á öðrum stöðvum
eftir því sem aðstæður kalla á
það. Þetta er ekkert nýtt, starfs-
menn frá Laxá hafa unnið hér og
starfsmenn héðan unnið við Laxá
og Búrfellsvirkjun.
Meiningin hjá okkur var að
stoppa í apríllok og vera stopp 4-
5 mánuði, þannig að þessi frétt
um 5-6 mánuði breytir ekki öllu
fyrir okkur.
Ég hef orðið var við töluvert
mikinn misskilning í þá átt að
hundruð milljóna sparist með því
að stoppa í þetta lengri tíma. Við
stoppið sparast ekki nema 10-20
milljónir en sparnaðurinn er fyrst
og fremst fólginn í því að borunum
sem átti að framkvæma, til að
afla gufu fyrir vél 2., er skotið á
frest. Þetta er mjög eðiilegt mið-
að við núverandi aðstæður, og
ekkert við því að segja.
„Það hefur fyrr andað köldu til
Kröflu. Það eru náttúruöflin sem
hafa valdið mestum vanda fram
að þessu, en nú virðist stefna í þá
áttina að mannlegur dugnaður í
raforkuöflun valdi því að menn
fari að hafa áhyggjur hér í
Kröflu. Ég vona að það fáist
kaupendur að þessu rafmagni
sem fyrst, því auðvitað er það
slæmt fyrir þjóðina að þurfa að
borga þær gífurlegu upphæðir
sem þessi nýjasta virkjun hefur
kostað, ef enginn kaupir raf-
magnið frá henni,“ sagði Birkir.
IM
Tryggingastofnun ríkisins:
Tekjutenging elli- og örorkulífeyris
almannatrygginga tekur gildi í dag
Greiðslur frá Tryggingastofnun ríkisins
í dag, 1. febrúar, tekur gildi
tekjutenging elli- og örorkulíf-
eyris almannatrygginga. Grunn-
Itfeyrir einstaklings er kr. 12.123
á mánuði. Skattskyldar tekjur
aðrar en lífeyrissjóðstekjur og
tryggingabætur skerða grunn-
lífeyri ef þær eru hærri en kr.
65.847 á mánuði hjá einstakl-
ingi. 25% af þeim tekjum sem
umfram eru skerða ellilífeyr-
inn þannig að lífeyririnn fellur
niður ef nettótekjur eru kr.
114.339 á mánuði eða hærri.
Ellilífeyrir hjóna
Ellilífeyrir hvors hjóna er 90% af
fullum grunnlífeyri einstaklings
og nemur í dag kr. 10.911 á mán-
uði. Þetta gildir ef bæði eru kom-
in á ellilífeyri. Sé aðeins annað
hjóna með ellilífeyri greiðist
grunnlífeyrir einstaklings þ.e. kr.
12.123 á mánuði. Lífeyririnn
skerðist við eigin tekjur einstakl-
ings (eigin tekjur hvors hjóna) en
ekki sameiginlegar tekjur hjón-
anna. Ellilífeyrir hvors hjóna
fellur niður ef nettótekjur ná kr.
109.491 á mánuði, vegna þess að
grunnlífeyrir þeirra er lægri en
einstaklings.
Tekjutrygging ellilffeyris-
þega og sjómanna
Óskert tekjutrygging ellilífeyris-
þega einstaklings og hvors hjóna
er óbreytt kr. 22.305 á mánuði.
Tekjutrygging skerðist um 45%
tekna sem eru umfiam ákveðið
frítekjumark sem er kr. 16.280
gagnvart atvinnu og leigutekjum,
kr. 23.650 gagnvart tekjum úr líf-
eyrissjóði hjá einstaklingi. Tekj-
ur maka eða sambýlings hafa
áhrif á upphæð tekjutryggingar.
Frítekjumark hjóna og sambýlis-
fólks er kr. 22.792 gagnvart
atvinnu- og leigutekjum og kr.
33.110 gagnvart tekjum úr lífeyr-
issjóði. Reglur varðandi tekju-
trygginguna eru óbreyttar frá því
sem var fyrir þessa lagabreyt-
ingu.
Ellilífeyrir hækkar ekki
við frestun töku hans
Ekki er lengur unnt að ávinna sér
hækkun ellilífeyris með því að
fresta töku hans eins og áður var.
Þeir sem hafa áunnið sér rétt til
hækkunar halda þeirri hækkun
sem áunnist hefur til 1. febrúar
1992. Hún skerðist ekki þó svo
að lífeyrir skerðist.
Örorku- og
endurhæfingarlífeyrir
Örorkulífeyrir einstaklings er kr.
12.123 á mánuði. Hann skerðist á
sama hátt og grunnlífeyrir ellilíf-
eyrisþega en skerðing örorkulíf-
eyris hefst ef skattskyldar tekjur
fara yfir kr. 67.236 á mánuði hjá
einstaklingi og fellur niður ef
nettótekjur eru kr. 115.728 eða
hærri. Skerðing er alltaf miðuð
við eigin tekjur öryrkjans, tekjur
maka breyta þar engu.
Örorkulífeyrir hjóna
Örorkulífeyrir hjóna sem bæði
eru öryrkjar er kr. 10.911 á mán-
uði. Skattskyldar tekjur aðrar en
greiðslur úr lífeyrissjóði og bætur
almannatrygginga, skerða örorku-
lífeyri, fari þær yfir kr. 67.236 á
mánuði en lífeyririnn fellur niður
ef nettótekjur eru kr. 110.880 á
mánuði eða hærri, því grunnlíf-
eyrir hjóna hvors um sig er lægri
en hjá einstaklingi.
Tekjutrygging öryrkja
Tekj utrygging örorkulífey risþega
hækkar úr kr. 22.305 á mánuði í
kr. 22.930 á mánuði. Tekjur sem
skerða tekjutrygginguna og regl-
ur um skerðingu eru þær sömu og
gilda um tekjutryggingu ellilíf-
eyrisþega.
Hver er ellilífeyrisþegi?
Ýmis hlunnindi og greiðslur úr
sjúkratryggingum eru tengdar
því hvort viðkomandi er ellilíf-
eyrisþegi eða ekki. Má þar nefna
t.d. hlutdeild í tannlæknakostn-
aði og lægri greiðslur fyrir læknis-
þjónustu og heilsugæslu. Sú
spurning hefur vaknað í kjölfar
þessara nýju laga hvort unnt sé
að skilgreina þann sem er 67 ára
eða eldri sem ellilífeyrisþega ef
hann er með það háar tekjur að
hann fær engan ellilífeyri.
Heilbrigðis- og tryggingamála-
ráðuneytið hefur staðfest að það
líti svo á að sá sem náð hefur 67
ára aldri, sé ellilífeyrisþegi (60
ára ef um sjómann er að ræða að
uppfylltum ákveðnum skilyrð-
um), óháð lífeyrisgreiðslum frá
Tryggingastofnun ríksins.
Frá og með 1. febrúar verða upphæðir helstu bótaflokka almanna-
trygginga sem hér segir:
Mánaðargreiöslur
Elli/örorkulífeyrir (grunnlífeyrir)..................... 12.123
1/2 hjónalífeyrir...................................... 10.911
Full tekjutrygging ellilífeyrisþega..................... 22.305
Full tekjutrygging örorkulífeyrisþega................... 22.930
Heimilisuppbót........................................... 7.582
Sérstök heimilisuppbót............................... 5.215
Barnalífeyrir vegna 1 barns.............................. 7.425
Meðlag vegna 1 barns..................................... 7.425
Mæðralaun/feðralaun vegna 1 barns........................ 4.653
Mæðralaun/feðralaun vegna 2ja barna.................... 12.191
Mæðralaun/feðralaun vegna 3ja barna eða fleiri....... 21.623
Ekkjubætur/ekkilsbætur 6 mánaða......................... 15.190
Ekkjubætur/ekkilsbætur 12 mánaða..................... 11.389
Fullur ekkjulífeyrir.................................... 12.123
Dánarbætur í 8 ár (vegna slysa)...................... 15.190
Fæðingarstyrkur........................................ 24.671
Vasapeningar vistmanna.................................. 10.000
Vasapeningar vegna sjúkratrygginga................... 10.000
Daggreiðslur
Fullir fæðingardagpeningar........................... 1.034,00
Sjúkradagpeningar einstaklings.......................... 517,40
Sjúkradagpeningar fyrir hvert barn á framfæri........ 140,40
Slysadagpeningar einstaklings........................... 654,60
Slysadagpeningar fyrir hvert barn á framfæri......... 140,40
hefst mánudaginn 3. febrúar kl. 9.00
(Skautar, skíðagallar, æfingaskór, dúnúlpur, íþrótta-
gallar, húfur, kuldaskór, krumpugallar og fl. og fl.
Góðar vörur á SporthúsRf
frábæru verði
Hafnarstræti 94 • Sími 24350