Dagblaðið Vísir - DV - 07.11.1994, Blaðsíða 14

14
MÁNUDAGUR 7. NÓVEMBER 1994
Útgáfufélag: FRJÁLS FJÖLMIÐLUN HF.
Stjórnarformaður og útgáfustjóri: SVEINN R. EYJÓLFSSON
Framkvæmdastjóri og útgáfustjóri: HÖRÐUR EINARSSON
Ritstjórar: JÓNAS KRISTJÁNSSON og ELLERT B. SCHRAM
Aðstoðarritstjóri: ELlAS SNÆLAND JÚNSSON
Fréttastjórar: JÓNAS HARALDSSON og GUÐMUNDUR MAGNÚSSON
Auglýsingastjórar: PÁLL STEFÁNSSON og INGÓLFUR P. STEINSSON
Ritstjórn, skrifstofur, auglýsingar, smáauglýsingar: ÞVERHOLTI 11,
blaðaafgreiðsla, áskrift: ÞVERHOLTI 14, 105 RVlK. SlMI (91)63 27 00
FAX: Auglýsingar: (91 )63 27 27 - aðrar deildir: (91 )63 29 99
GRÆN NÚMER: Auglýsingar: 99-6272 Áskrift: 99-6270
AKUREYRI: STRANDG. 25. SlMI: (96)25013. BLAÐAM.: (96)26613.
FAX: (96)11605
Setning, umbrot, mynda- og plötugerð:
ISAFOLDARPRENTSMIÐJA HF.
Prentun: ÁRVAKUR HF. - Áskriftarverð á mánuði 1550 kr. m/vsk.
Verð i lausasölu virka daga 150 kr. m/vsk. - Helgarblað 200 kr. m/vsk.
D V bætir þjónustuna
í dag er brotið blað í útgáfu DV. Þetta eintak, mánu-
dagsblað DV, kemur til langflestra áskrifenda strax í
morgunsárið og vonandi áður en fólk fer*að heiman frá
sér til vinnu. Það sama gerðist síðastliðinn laugardag.
Þá kom blaðið inn um bréfalúguna árla morguns.
Eins og alþjóð veit og man er DV afsprengi tveggja
síðdegisblaða, Vísis og Dagblaðsins. Vísir er elsta dagblað
landsins, sem enn kemur út, og var hefðbundið síðdegis-
blað. Þegar Dagblaðið hóf göngu sína var það sömuleiðis
stílað inn á eftirmiðdagsmarkaðinn. DV hefur fetað í
sömu fótspor enda má segja að markaðurinn hafi lengst
af verið fullmettaður af þeim blöðum sem út komu á
morgnana. Auk Morgunblaðsins voru Alþýðublaðið,
Tíminn og Þjóðviljinn öll blöð sem fóru í dreiíingu strax
árdegis.
Morgunblaðið bar og ber enn ægishjálm yfir þau blöð
sem út koma að morgni en Þjóðviljinn er aflagður og
bæði Alþýðublaðið og Tíminn hafa takmarkaða út-
breiðslu. Markaðurinn hefur að þessu leyti breyst.
Til viðbótar hefur sú venja skapast hér á landi að blöð
koma aðeins út sex daga vikunnar. Morgunblöðin hafa
verið gefm út á sunnudögum en ekki á mánudögum. DV
hefur á móti ekki komið út á sunnudögum en þess í stað
á mánudögum eins og bæði Vísir og Dagblaðið gerðu.
í raun og veru má jafnvel segja að ekkert blað komi
út frá laugardagskvöldi til mánudagshádegis, þar sem
sunnudagsblað Morgunblaðsins fer snemma í prentun
og er komið til lesenda sinna á höfuðborgarsvæðinu á
laugardagskvöldi.
Af öllu þessu leiðir að það er þörf fyrir morgunblað á
mánudögum og DV mun nú bæta úr því, með útkomu-
tíma árla morguns þann dag. Þetta þýðir að efnissöfnun
og vinnslu blaðsins lýkur um miðnætti á sunnudags-
kvöldi. Að einhverju leyti mun það koma niður á allra
nýjustu morgunfréttum mánudags, sem væntanlega
verða þó minniháttar óþægindi miðað við þá þjónustu
sem lesendum blaðsins býðst með því að fá blaðið í hend-
urnar í bítið á mánudagsmorgnum.
Dreifing DV er skipulögð með það fyrir augum að
áskrifendur allt frá Borgamesi til Stokkseyrar, að öllu
höfuðborgarsvæðinu meðtöldu, geti lesið DV heima hjá
sér strax upp úr klukkan sjö. Jafnframt á blaðið að vera
til kaups í lausasölu á öllu þessu svæði, jafnskjótt og
útsölustaðir em opnaðir.
Það sama gegnir um laugardagsblaðið sem hefur notið
mestra vinsælda og lesturs allra þeirra blaða sem DV
gefur út í viku hverri.
Aðrir landshlutar munu og fá blaðið mun fyrr en áður.
Þessar breytingar em mögulegar vegna nýs samnings
sem gerður hefur verið við prentsmiðju Morgunblaðsins,
en þar hefur DV verið prentað frá upphafi. Utgáfustjórn
DV hefur átt gott samstarf við forráðamenn Morgun-
blaðsins að þessu leyti. Vitaskuld ríkir samkeppni á milh
þessara tveggja stærstu blaða hér á landi en sú sam-
keppni er heiðarleg og jákvæð og er ekki til trafala þegar
kemur að skynsamlegri nýtingu á prentvél og sameigin-
legum hagsmunum beggja blaðanna um að haga rekstrin-
um með þeim hætti að það þjóni afkomu fyrirtækjanna
sem standa að blaðaútgáfunni og þörfum lesenda þeirra.
Hér skiptir það að sjálfsögðu mestu að lesendur DV
fá nú blaðið fyrr í hendur þann daginn, sem DV er eitt
í útgáfu, og ritstjóm DV gerir sér vonir um að sú þjón-
usta mæhst vel fyrir og verði til að styrkja lesendahópinn
og tengsl sín við þær þúsundir heimila sem vilja hafa
aðgang að frjálsu og óháðu dagblaði.
Ellert B. Schram
„Framsóknarflokkurinn leggur fram sína kosningastefnuskrá síðar í þessum mánuði þar sem kjarajöfnun og
ný atvinnustefna verða efst á blaði.“
Ríkisstjórnin hugsar
um þá ef nuðu
Alveg er það makalaust hvernig
ríkisstjórn Davíðs Oddssonar hefur
lagt drápsklyfjar á herðar launa-
fólki í sköttum og gjöldum. Nú er
svo komið að talsverður fjöldi fólks
rís ekki undir skuldum sinum og
táknrænt að einhver íjöldi telur
það einu leiöina að skila lyklunum
af íbúðum sínum yflr í húsbréfa-
deildina sem Jóhanna Sigurðar-
dóttir ber mesta ábyrgð á en hún
hefur farið með málefni Húsnæðis-
stofnunar og heimilanna í 7 ár.
- Ekki er ég undrandi þótt hún
segði af sér og forðaði sér þar með
frá vantrausti i vetur.
Voriðer komið
Nú boðar Davíö Oddsson að efna-
hagsbatinn sé aö koma. Fyrstu að-
gerðir ríkisstjórnarinnar eru ekki
bætt kjör til láglaunafólks eða
þeirra sem hafa verið að færa fórn-
ir.
Hátekju- og eignarskattar á ríka
fólkið skulu lækkaðir samkvæmt
flárlagafrumvarpinu um 1,1 millj-
arð en bætur skulu skertar til ör-
yrkja og atvinnulausra upp á 850
milljónir. Ég spyr, voru launamenn
að tala um að kjósa Alþýðu- og
Sjálfstæðisflokkinn í vor?
Heimilinað tapa
Afkoma íslensku fjölskyldunnar
er með þeim hætti að skuldir henn-
ar hafa aukist um 50% í forsætis-
ráðherratíð Davíðs Oddssonar, eru
nú 4,3 milljónir að meðaltali. Juk-
ust á fyrstu sex mánuðum þessa
árs um 6% og engin verðbólga til
staðar. Skuldirnar eru orðnar jafn-
miklar og ráðstöfunartekjurnar.
Hefði nú ekki verið nær hjá ríkis-
stjóminni að fara í kjarajöfnun og
KjaJIarinn
Guðni Ágústsson
alþingismaður
létta þeim lífsbaráttuna sem erfið-
ast eiga. - Nei, hlýtt hjarta fjár-
málaráðherra og félaga slær með
hátekju- og eignafólki, þar fannst
þeim ástæða til aö bæta peningum
í veskið. Er nokkur hissa þó að
þátttaka hafi verið lítil í prófkjöri
Sjálfstæðisflokksins í Reykja-
vik.
Lágu launin
Við höfum nú um sinn keyrt eftir
hagfræði frjálshyggjuþjóða.
Vandi ríkissjóðs og vandi fyrir-
tækjanna er leystur meö því að
þrengja belti láglauna- og meðal-
tekjufólks. Hversu stór hluti ís-
lendinga skyldi nú þannig staddur
að hann eða hún tekur engan þátt
í veltu þjóðfélagsins, kaupið nægir
vart fyrir nauðþurftum? Ég tel að
þessi hagfræði gangi ekki upp og
hér þurfi að styðjast við lágmarks-
laun. Einhvern tíma kvað Ólafur
heitinn Jóhannesson forsætisráð-
herra upp úr með það að lágmarks-
laun þyrftu að vera hundrað þús-
und á mánuði. Hvar ætti að setja
markið núna veit ég ekki en mér
finnst mannréttindum misboðið
með dagvinnu á lægstu töxtum,
jafnvel undir atvinnuleysisbótum.
Eg harma aö vísu stöðu atvinnu-
lausra sem er mesta vandamál
þessa þjóöfélags og verður að leysa.
Framsóknarflokkurinn leggur
fram sína kosningastefnuskrá síð-
ar í þessum mánuði þar sem kjara-
jöfnun og ný atvinnustefna veröa
efst á blaði.
Guðni Ágústsson
„Afkoma íslensku Qölskyldunnar er
með þeim hætti að skuldir hennar hafa
aukist um 50% í forsætisráðherratíð
Davíðs Oddssonar, eru nú 4,3 milljónir
að meðaltali. Jukust á fyrstu sex mán-
uðum þessa árs um 6% og engin verð-
bólga til staðar.“
Skoðanir aimarra
Kjarabætur með skattalækkun
„Skattar á einstaklinga hafa verið hækkaðir og
bætur skertar verulega. Launþegar eiga því siðferð-
islegan rétt á að kjör þeirra verði bætt. Hins vegar
er rétt að menn kanni hvort ekki séu aðrar aðferðir
betri til þess heldur en beinar launahækkanir. Lækk-
un tekjuskatts hefur gefist prýöilega hjá fyrirtækjum
í landinu, afkoma þeirra hefur batnað en engin lækk-
un orðið á tekjum ríkisins af tekjuskatti fyrirtækja.
Rétt er að athuga hvort ekki mætti beita svipaðri
aðferð hjá launafólki.“
Ur forystugren Viðskiptablaðsins 2. nóv.
Dagpeningar ráðherramaka
„Hér á landi eru reglur um feröalög maka með
ráðherrum augljóslega of slakar. Raunar segir í regl-
um um ferðalög opinberra starfsmanna að ekki eigi
að greiða kostnað vegna maka nema um sé að ræða
opinbera heimsókn eða mjög sérstakar aðstæð-
ur... Þegar svo makar eru með í fór, fá þeir geidda
hálfa dagpeninga... Ef spurt væri í hversu mörgum
tilfellum slíkt þjónaði beinlínis hagsmunum ríkisins
er hætt við að fátt yrði um svör.“
Úr forystugrein Mbl. 4. nóv.
Getuleysi stjórnarandstöðu
„Alþýðuflokkurinn hefur auðvitað sína djöfla að
draga þessa stundina, þannig að hraksmánarlegt
fylgi hans þarf ekki að vera nokkrum manni undrun-
arefni. Það hlýtur hins vegar aö vera stjómarand-
stöðuflokkunum ómælt áhyggjuefni að Sjálfstæðis-
flokkurinn virðist ekkert láta á sjá, og heldur svip-
uðu fylgi og hann hafði í síðustu kosningum. Þaö
segir ef til vill meira um getuleysi stjómarandstöð-
unnar en getu ríkisstjórnarinnar."
Páll Magnússon í leiðara Morgunpóstsins 3. nóv.