Þjóðviljinn - 19.03.1983, Blaðsíða 32
DJOÐVIUINN
Helgin 19.-20. mars 1983
Aöalsími Þjóðviljans er 81333 kl. 9 - 20 mánudag til föstudags. Utan þess tíma er hægt aö ná í blaðamenn og aðra starfsmenn blaðsins i þessum símum: Ritstjórn Aðalsími Kvöldsími Helgarsími
81382, 81482 og 81527, umbrot 81285, Ijósmyndir 81257. Laugardaga ki. 9 - 12 er hægt að ná í afgreiðslu blaðsins í síma 81663. Prentsmiðjan Prent hefur sima 81348 og eru blaðamenn þar á vakt öll kvöld. 81333 81348 81663
Viðtal við 3 aðalleikar-
ana í Guðrúnu, nýju leik-
riti eftir Þórunni Sigurð-
ardóttur sem frumsýnt
verður í Iðnó á fimmtu-
dag.
Kjartan veginn
„Þeim var
ég verst”
Nýtt leikrit eftir nýjan höfund
verðurfrumsýnt hjá Leikfélagi
Reykjavíkur í Iðnó á
fimmtudaginn. Það heitir
Guðrún og er eftir Þórunni
Sigurðardótturog leikstýrirhún
verkinu sjálf. Leikritið er byggt á
Laxdælasögu og fjallar um hinn
fræga ástarþríhyrning
Guðrúnar Ósvífursdóttur,
Kjartans Ólafssonar og Bolla
Þorleikssonar. Blaðamaður
Þjóðviljans skundaði niður í
Iðnó ekki allsfyrirlönguog náði
tali af þremur aðalleikurunum
eftiræfingu. Þaueru
Ragnheiður E. Arnardóttir, sem
leikur Guðrúnu, Jóhann
Sigurðsson, sem leikur
Kjartan.og HaraldG.
Haraldsson sem leikur Bolla.
Ragnheiður er ein af hinum
ungu leikkonum okkar og leikur
um þessar mundir í tveimur
titilhlutverkum í Reykjavík,
Fröken Júlíu hjá
Gránufjelaginu og svo
Guðrúnu. Hún varfyrstspurð
um feril hennar til þessa.
- Ég útskrifaðist úr Leiklistar-
skóla ríkisins árið 1978 og hef síðan
verið viðloðandi Alþýðuleikhúsið,
Þjóðleikhúsið og Leikfélag Akur-
eyrar auk þess að hafa leikið agnar-
'ögn í sjónvarpi og útvarpi eins og
flestir leikarar. Þetta er hins vegar í
fyrsta sinn sem ég leik í Iðnó.
- Er ekki erfitt að leika svona tvær
sterkar kvenpersónur samtímis?
- Ég bjóst við því en það er samt
furðu lítið sem þær rekast á.
- Mig langar til að spyrja ykkur
um leikritið Guðrúnu. Er Éaxdæla-
sögu fylgt mjög nákvæmlega?
- Leikritið er saga þessara þriggja
persóna í meginatriðum eins og
hún er sögð í Laxdælu en þó eru
ýmsir aðrir áherslupunktar en þar.
Senurnar eru flestar byggðar á því
sem sagt er í sögunni.
- Er þá talað fornt mál í
leikritinu?
- Þar er farinn nokkur millivegur
milli nútímamáls og fornmáls og
teljum við að Þórunni hafi þar vel.
tekist að rata réttan veg. Margar
setningarnar úr Laxdælu eru
notaðar nokkurn veginn orðrétt þó
að samtölin séu flest frumsamin.
- Hvaða erindi á þessi forna saga
til nútímans?
- Leikritið fjallar um ástarþrí-
hyrning og valdabaráttu, klassískt
þema úr heimsbókmenntunum, og
á þess vegna jafnt erindi til okkar
og aðrar slíkar bókmenntir. Mjög
sterk örlagahyggja er ríkjandi og
blóðhefndin ræður úrslitum þó að
sögupersónur séu að taka kristni.
Það eru ættarböndin sem ráða auk
stolts, metnaðar og sterkra á-
stríðna. Fyrirgefningin er ekki til.
Það eru tilfinningarnar sem tala.
- Verðið þið ekki að vera mjög
kunnug fornsögum til að geta lifað
ykkur inn í þennan tíma?
- Við höfum lesið okkur heil-
mikið til í kringum Laxdælasögu og
fengið fólk með alls konar mennt-
un til að flytja erindi fyrir okkur um
þennan tíma svo að þetta hefur ver-
ið mjög spennandi. Gífurleg
áhersla hefur verið lögð einmitt á
þennan þátt án þess að við viljum
gera leikritið að þjóðháttalýsingu.
Við erum að búa til harmsögu, ekki
dæmisögu.
- Hvað segir þú um það Ragn-
heiður, er ekki erfitt að setja sig í
spor Guðrúnar? Getur þú sam-
samað þig henni?
- Ég þekki að vísu enga Guðrúnu
sjálf en við verðum að leika þetta
fólk út frá okkur sjálfum.
- Er leikritið naturalistískt?
- Nei, ekki er hægt að segja það.
Það er mjög stílfært og á það bæði
við um tjöld, búninga og uppfærsl-
una sjálfa. Reynt er að sníða öll
aukaatriði af, bæði í leik og leik-
munum. Svo er bara spurningin
hvort dramatíkin stendur undir
sér.
- Verður fólk að vera kunnugt
Laxdælasögu til að geta notið
leikritsins?
Jóhann Sigurðsson og Ragnheiður
Arnardóttir í hlutverkum Kjartans
og Guðrúnar.
- Nei, það á ekki að vera nauð-
synlegt. Leikritið ætti að standa
sjálfstætt án þess að fólk þekki sög-
una.
- Eigið þið von á því að leikritið
slái í gegn?
- Við erum bjartsýn eftir þessa
æfingu.
- Að lokunt. Við hvorn ykkar,
Jóhann eða Harald, á setningin:
Þeim var ég verst er ég unni mest?
- Harald: Hún á við mig.
- Jóhann: Nei, hún á við mig.
- Ragnheiður: Ég læt ekkert uppi
um það.
Jón Ásgeirsson semur tónlist við
verkið, Messíana Tómasdóttir ger-
ir búninga leiktjöld og David Walt-
ers annast lýsingu. Auk þeirra
þriggja leika í Guðrúnu Jón Hjart-
arson, Jón Júlíusson, Aðalsteinn
Bergdal, Soffía Jakobsdóttir,
Valgerður Dan og Hanna María
Karlsdóttir. -GFr
II
Veisla að Laugum. Kjartan, Guðrún og Bolli.