Þjóðviljinn - 11.11.1987, Blaðsíða 2

FRETTIP
"SPURKINGIIf""
Verslunarfólk í Kringlunni spurt:
Er vinnutíminn of lang-
ur?
Anna Steinsdóttir:
Að sjálfsögðu, allt of langur.
Eflaust gæti maður unnið
skemur, en fyrst maður á kost á
vinnu þá getur maður ekki neitað.
Jón Ragnarsson:
Vinnutíminn er aldrei of langur
fyrir mig. Þegar menn standa í því
að byggja þá þurfa þeir að vinna
sem mest.
Thelma Sigurðardóttir:
Já hann er of langur og ekki
batnar það ef það á að fara að
lengja hann enn frekar. Ég held
að ég myndi samt vinna alla þá
vinnu sem ég gæti fengið vegna
peninganna.
Eygló Jónsdóttir:
Vinnutíminn er allt of langur og
kaupið er allt of lágt. Sjálf vinn ég
ekki á laugardögum og ég er al-
farið á móti því að opnunartíminn
um helgar verði lengdur.
Guðmundur Norðdahl:
Svarið er eitt stórt já. Sem
verslunarstjóri verð ég að vinna
mjög langan vinnudag og mér
finnst ótækt að fara að lengja
opnunartímann um helgar nema
komið verði á vaktafyrirkomulagi.
Verslunarfólk verður að átta sig á
því að aukin yfirvinna gerir lítið
annað en að halda dagvinnu-
laununum niðri.
Fjárlagafarumvarpið
Hnífur í bakið
Niðurskurður áfjárlögum til rannsókna íþágu atvinnuveganna nemur allt að 25%.
Uppsagnir starfsfólks sem starfar við rannsóknir framundan. Margra ára vinna
talin fara forgörðum
Sú afmælisgjöf sem fjármála-
ráðherra gefur á 50 ára af-
mæli rannsókna í þágu atvinnu-
veganna er í hæsta máta óvið-
eigandi svo ekki sé sterkara að
orði kveðið, sagði Unnur
Steingrímsdóttir formaður Fé-
lags íslenskra náttúrufræðinga á
blaðamannafundi í gær, en fé-
lagið hefur harðlega gagnrýnt
stórtækan niðurskurð fjármála-
ráðherra á fjárveitingum til
rannsókna, ráðgjafarþjónustu og
faglegs eftirlits í þágu undirstöðu-
atvinnugreinanna. A sumum
sviðum nemur niðurskurðurinn
allt að 25%.
Mest er skerðing útgjaldaliða
fjárlagafrumvarpsins til Búnað-
arfélags fslands, Orkustofnunar
og Rannsóknastofnunar land-
búnaðarins, en skerðingin til
þessara stofnana er á bilinu 20-
25%. Að sögn talsmanna þessara
stofnana verður reynt að mæta
þessum niðurskurði með upp-
sögnum starfsmanna. Afleiðing-
arnar verði þær að verulegur
samdráttur komi til með að verða
í rannsóknum og þá bæði í grund-
vallarrannsóknum og hagnýtum
rannsóknum. Það sé ljóst að
hætta verði við ýmis rannsókna-
verkefni sem langt eru á veg kom-
in og í mörgum tilfellum fari þar
margra ára vinna forgörðum. Þá
er reiknað með því að starfsemi
tilraunastöðva leggist niður
vegna niðurskurðarins. „Þessi
gífurlega aðför ríkisvaldsins að
rannsóknum, hefur ekki aðeins í
för með sér samdrátt í viðkom-
andi rannsóknum heldur mun
hún leiða til samdráttar á öllum
sviðum þjóðfélagsins á fáeinum
árum,“ sagði Ólafur Karvel Páls-
son á fundinum og vísaði í niður-
stöður Nóbelsverðlaunahafans í
hagfræði, Roberts Solow, sem
hefur m.a. sýnt fram á að 60-70%
hagvaxtar megi rekja til
rannsókna- og þróunarstarfsemi.
Að sögn talsmanna Orkustofn-
unar, Búnaðarfélagsins og
Rannsóknastofnunar landbúnað-
arins var ekki leitað eftir faglegu
áliti áður en niðurskurðurinn var
metinn. Þá var heldur ekki óskað
eftir því hjá forráðamönnum
þeirra stofnana sem um ræðir að
leitað yrði leiða til hagræðinga
áður en niðurskurður kæmi til
framkvæmda. „Þetta hefur því
komið eins og hnífur í bakið á
okkur,“ sagði Unnur Steingríms-
dóttir.
- K.Ol.
Myndin er tekin á blaðamannafundi Félags íslenskra náttúrufræðinga. Fv. Guðmundur Guðmundsson, Unnur
Steingrímsdóttir, Ólafur Dýrmundsson, Sigurbjörg Gísladóttir og Freysteinn Sigurðsson. Á myndina vantar Olaf Karvel
Pálsson og Sigurgeir Ólafsson. Mynd. E.ÓI.
Verðlaunasamkeppni
Manmrist í þéttbýli
Hugmyndasamkeppni í tilefni 75 ára afmœlis Lœknablaðsins
r
Itilefni afmælis Læknablaðsins
og til heiðurs fyrsta ritstjóra
þess, Guðmundi Hannessyni pró-
fessor, hefur ritstjórn blaðsins
ákveðið að efna til hugmyndas-
amkeppni sem er ætluð til að
hvetja fólk til umhugsunar um
þau mál sem geta stuðlað að betra
mannlífí.
Samkeppninni er ætlað að
leiða fram nýjar hugmyndir um-
umbætur í húsnæðis-, skipulags-
og umhverfismálum en keppend-
um er einnig heimilt að taka fyrir
aðra málaflokka, s.s. uppeldis-
mál, skólamál, fþrótta- og útivist-
armál, félagslega þjónustu,
heilbrigðismál, tómstunda- og
menningarmál svo eitthvað sé
nefnt.
Kynningarbæklingur um sam-
keppnina liggur frammi á skrif-
stofu læknafélaganna og er hægt
að fá hann sendan. Ritari dóm-
nefndar er Zóphanías Pálsson og
skal beina fyrirspurnum til hans
en úrlausnum skal skila eigi síðar
en 29. febrúar n.k. til útgáfu-
stjórnar læknafélaganna, Domus
Medica. í dómnefnd eiga sæti
þau: Þórður Harðarson, Guðrún
Agnarsdóttir og Sveinn Einars-
son.
Landsfundur AB
Frakki
í óskilum
Á landsfundi AB s.l. helgi var
frakki tekinn í misgripum í fata-
henginu i Rúgbrauðsgerðinni.
Frakkinn er Ijósbrúnn með belti
og auðþekktur á því að hanki á
hálsmáli er keðja slitin öðru
megin.
Sá sem tók frakkann er beðinn
að hafa samband við húsvörðinn í
Borgartúni 6, en þar er hans
frakki.
/upingi
Breyttir starfshættir
Fundartíma á Alþingi hefur verið breytt og var breytingin tilkynntá
fundi sameinaðs þings í gœr
Helstu breytingar eru þær að
sameinað þing verður á mán-
udögum og lengist fundartíminn
til 17. Deildarfundir verða svo á
þriðjudögum og miðvikudögum.
Sameinað þing verður aftur á
fimmtudögum og verða fyrir-
spurnarfundir fyrir hádegi og
hefjast þeir kl. 10. í framhaldi af
þeim verða svo venjulegir þing-
fundir sameinaðs þings.
Sú nýbreytni er tekin upp að
þriðja hvern fimmtudag heils
starfsmánaðar falla þingfundir
niður, en á föstudegi næstu viku
verða fundir í sameinuðu þingi
sem hefjast kl. 14. Fundur í sam-
einuðu þingi fellur því niður
fimmtudaginn 19. nóvember en í
stað þess verður þingfundur
föstudaginn 27. nóvember. Þessu
verður hinsvegar ekki til að
dreifa í desember og janúar þar
sem Alþingi situr ekki að störfum
þá mánuði alla.
Þá hefur verið ákveðið að taka
upp ný vinnubrögð við dagskrár-
gerð. Verður leitast við að hafa á
dagskrá einungis þau þingmál
sem ætla má að hægt sé að taka til
umræðu. Einnig hefst nú notkun
svokallaðs dagskrárskjals, en í
því er prentuð dagskrá hvers
þingfundar og það efni þingskjala
sem er til afgreiðslu á fundinum.
- sáf
2 SÍÐA — ÞJÓÐVILJINN Mlövikudagur 11. nóvember 1987