Dagblaðið Vísir - DV - 09.11.2001, Blaðsíða 11

FÖSTUDAGUR 9. NÓVEMBER 2001
DV
11
Fréttir
Húsvitjanir sérfræðings í heimilislækningum án niðurgreiðslu frá Tryggingastofnun:
Heilbrigðisþjónustu
skipt eftir efnahag
- Landlæknisembættið telur að framtakið muni hrista upp í heilbrigðiskerfinu
Landlæknisembættinu var ekki
kunnugt um að íslenskur sérfræð-
ingur í heimilislækningum hygðist
bjóða einkaheim-
sóknir á heimili
án íhlutunar
Tryggingastofn-
xmar. Embættið
segir blað brotið
með þessu en tel-
ur engar reglur
standa í veginum
fyrir framtakinu.
Engu að siður ótt-
ast embættið að
þetta kunni að boða breytta tíma
þar sem landsmenn sitji ekki aliir
við sama borð í aðgengi að læknis-
þjónustu.
I umræðum um einkavæðingu á
sjúkrahúsum hefur heilbrigðisráðu-
neytið boðað með eindregnum hætti
að allir landsmenn skuli sitja við
sama borð, burtséð frá efnahag.
Haukur Valdimarsson aðstoðar-
landlæknir segir: „Fram til þessa
hefur það byggst á samningum við
Tryggingastofnun hvort læknar
hafa fengið leyfi til að opna stofur
en í sjálfu sér geta allir læknar með
sérfræðileyfi opnað stofur, hvort
um sem um er að ræða geðlækna,
bæklunarskurðlækna, kvensjúk-
dómalækna eða aðra. Ég sé ekkert
sem getur stoppað þetta. Þarna er
sérfræðingur í heimilislækningum
að verki og það er ekki hægt að
stöðva hann en ekki einhverja
aðra.“
Haukur segir aði;vo geti farið að
þessi dýra þjónusta muni breiðast
út en bendir á að Landlæknisemb-
ættið hafi verið á svipaðri línu og
ráðuneytið varðandi það að ekki sé
heppilegt að hafa tvenns konar form
á aðgengi sjúklinga að þjónustu.
„Við höfum alltaf talið að tryggja
beri að allir landsmenn hafi sama
aðgang að heilbrigðisþjónustunni
en sjálfsagt verður erfitt að fylgja
því eftir ef menn geta keypt sig fram
í biðröðum og svo framvegis."
- En er þetta ekki sambærilegur
hlutur? Þarna geta vel stœóir tslend-
ingar keypt sér heimilisþjónustu um-
fram þá sem eru illa staddir?
„Jú, við erum svolítið hræddir
um að þetta geti orði vísbending um
það. Það er a.m.k. klárt að þetta
mun hrista upp í öllu kerfmu og
mér fmnst líklegt að þetta sé bein-
línis gert til þess aö hluta.“
Haukur bendir á að mikil óá-
nægja hafi rikt hjá heimilislæknum
um skeið. Þeim hafi fundist sem
þeim hafi verið haldið í fjötrum á
meðan aðrir sérfræðingar hafi feng-
ið að stunda sitt starf með frjálsari
hætti. Þannig tekur hann sem
dæmi að tveir læknar fari til út-
landa í nám. Annar læri heimilis-
lækningar en hinn taugaskurð-
lækningar. Báðir snúi heim en að-
eins annar þeirra verði að starfa á
ríkisrekinni stofnun, þ.e.a.s. heim-
ilislæknirinn. Hinn hafi val um
einkaframtakið einnig.
Haukur segir að landlæknisemb-
ættinu sé ekki kunnugt um að fleiri
heimilislæknar hyggist taka upp
þessa einkaþjónustu og hann er
óviss um hvaða markaður sé fyrir
þetta. í því sambandi segir hann að
trúnaðarsambönd hafi ávallt verið
talin mikilvægur liður í heimilis-
lækningum. „Það er svolítið sér-
stakt að fara i vitjanir til einhverra
sem maður þekkir ekki neitt,“ segir
Haukur. „Ég hugsa líka að margir
heimilislæknar telji ekki beinlínis
að þetta flokkist undir heimilis-
lækningar." -BÞ
Ljósleiðari
Fjarska
kominn tii
Akureyrar
„Lagningu leiðarans frá Vatnsfells-
virkjun til Akureyrar er nú lokið og
unnið að tengingu. Við erum í sam-
starfi við Norðurorku á Akureyri og
strengurinn kemur þar inn. Við höf-
um svo samstarf við Norðurorku um
framhaldið, s.s. tengingar við stofnan-
ir og fyrirtæki í bænum,“ segir Krist-
ján Gunnarsson, stjórnarformaður
Fjarska ehf., sem er dótturfyrirtæki
Landsvirkjunar og sér m.a. um öll
fjarskiptamál Landsvirkjunar.
Fjarski lét leggja ljósleiðara frá
Reykjavík að Vatnsfellsvirkjun og í
sumar var svo ljósleiðarastrengurinn
lagður yfir hálendið og um Eyjafjörð
til Akureyrar, alls um 200 km leið.
Gert er ráð fyrir að önnur fjarskipta-
fyrirtæki á Akureyri sjái sér hag i því
að auka flutningsgetu sína suður fyr-
ir heiðar og einnig á hinn veginn, að
fyrirtæki og stofnanir í Reykjavík
noti sér þennan nýja flutningsmögu-
leika.
Kristján Gunnarsson segir verkið
hafa gengið vel og á næstu dögum
verði fyrstu aðilarnir á Akureyri
tengdir við ljósleiðarakerfið, s.s. Há-
skólinn á Akureyri, og fleiri fylgi í
kjölfarið. -gk
Karlinn á klettinum
Úthafsaldan buldi á Mýrdalssandi þegar hann Gunnar Halldórsson (sonur heimspekingsins Gunnars Dal), vinsæll
kennari í Vík, stökk upp á klett og ögraöi náttúruöflunum, kannski hélt hann smátölu út í hvítfyssandi sævarlöörið,
hver veit. Fréttaritari DV var skammt undan og náöi þessari mynd af Gunnari sunnan undir Reynisfjalli. Gunnar náöi
síöan landi á einu útsoginu - ekki alveg þurr en sæll og glaöur eins og vera ber.
Útvarpsráð
í ferðalag
Gissur Pétursson, meðlimur í Út-
varpsráði, lagði til á fundi ráðsins á
þriðjudag að næsti eða þarnæsti
fundur ráðsins
færi fram á Akur-
eyri. Tillagan
hlaut góðar við-
tökur og eru allar
líkur á að ráðið
muna bregða
undir sig faralds-
fætinum.
í samtali við
DV sagði Gissur
að tilgangurinn
með þessari hugmynd væri m.a. að
treysta böndin við svæðisstöð RÚV
á Akureyri. Ráðið hefði áður heim-
sótt Austlendinga ekki alls fyrir
löngu og sú heimsókn hefði gefist
vel.
Rætt hefur verið um að flytja Rás
2 til Akureyrar eða koma þar upp
miðstöð svæðisútvarpa. Líkur eru á
að þau mál beri á góma í heimsókn-
inni til Akureyrar. -BÞ
Jólabærinn
Akureyri
„Jólabærinn Akureyri verður
væntanlega stærri og skemmtilegri
en hingaö til og nú ætlum við að
huga sérstaklega að hinum sanna
jólaanda," segir Ingþór Ásgeirsson
hjá Miðbæjarsamtökunum á Akur-
eyri en bærinn verður sérstaklega
„dubbaður upp“ sem jólabær i ár
eins og undanfarin ár.
Ingþór segist vonast til að allir
bæjarbúar taki þátt í að gera Akur-
eyri að jólabænum með miklum
skreytingum utandyra við híbýli
sín. „Þá útvíkkum við þessa hátíð
meðal kaupmanna frá því sem verið
hefur. Jólabærinn hefur til þessa
fyrst og fremst tengst miðbænum en
nú vonum við til að fleiri komi að
þessu, s.s. verslunarmiðstöðvarnar i
Sunnuhlíð og á Gleráreyrum."
Ingþór segir að hátíð Jólabæjar-
ins heflist formiega þegar kveikt er
á ljósum jólatrésins við kirkjutröpp-
umar og annar fastur liður er heim-
sókn jólasveina á svalir Bókvals í
miðbænum þegar kveikt er á jóla-
trénu á Ráðhústorgi. „Annars verða
ýmsar uppákomur á hverjum degi
um allan bæ en mest þó um helgarn-
ar á föstudögum og laugardögum,"
segir Ingþór. -gk
Miðstjórn ASÍ:
Styður stóriðju-
framkvæmdir
á Austurlandi
Miðstjórn Alþýðusambands Is-
lands styður áform um byggingu
álvers við Reyöarfjörð og virkjan-
framkvæmdir á Austurlandi. Þetta
kemur fram í ályktun frá sam-
bandinu sem samþykkt var á
fundi þess á miðvikudag. Mið-
stjórn telur að forsenda aukins
hagvaxtar- og bættra lífskjara á
næstu árum séu stöðug ig viðvar-
andi aukning útflutningstekna.
Vegna þess er mikilvægt að nýta
allar auðlindir til lands og sjávar
með skynsamlegum hætti.
I samræmi við þessa grundvall-
arskoðun sé einnig mikilvægt að
nýta þá orku sem landsmenn búa
að til uppbyggingar á samkeppnis-
hæfu atvinnulífi.
Þá telur miðstjórnin að fyrir-
hugaðar stóriöjuframkvæmdir á
Austurlandi séu afar mikilvægar
fyrir uppbyggingu atvinnu- og lífs-
kjara launarfólks bæði á Austur-
landi og um land allt.
Við mat á umhverfisáhrifum
þeirra verði að fara að lögum og
leikreglum sem gilda um slíkt
mat.
-MA

----------------------------------------------------------------------------------------------------------------------
C® HljóðfseraC®

20-50 %
afsláttur
Ýmis hljóðfæri
og fylgihlutir
ÍUÍWBUÐIN
Rauðarárstíg
552 4515

- '■■■■■ -■:■ '::'v '
'