Dagblaðið Vísir - DV - 20.12.2003, Qupperneq 44

44 LAUGARDAGUR 20. DESEMBER 2003
Sport DV
Myndasyrpa úr Hvergerði
Ungur nemur, gamall temur Þessi ungi piltur, kyrfilega merktur sínum mönnum iHamri,
fylgdist vel með slnum mönnum taka Þórsara I bakaríið
Alvörustemning Hamarsmenn náðu upp mikilli stemningu með Ijósasýningu þann tima
sem lið þeirra var kynnt til leiks.
Bóbó og froskurinn Þunglyndi apinn Bóbó og froskurinn, lukkudýrþeirra Hamarsmanna,
var með liflegasta móti á fimmtudaginn.
v
Takk fyrir leikinn Það var enginn rigur á milli leikmanna i leikslok og hér sést
Þorlákshafnarbúinn i Hamri, Hallgrimur Brynjóifsson, þakka mótherjum sinum fyrir leikinn.
Körfuboltaeinvígið um Suðurland fór fram í Hveragerði á fimmtr
deildinni, í fyrsta sinn í efstu deild, og er óhætt að segja að beðið
Leikurinn stóð hins vegar aldrei undir væntingum vegna þess að
Ég segi það satt! Mikið hefði ég gefið fyrir að sjá Hamar og
Þór Þorlákshöfn mætast í þriðju umferð Intersport-deildar-
innar í haust í staðinn fyrir á fimmtudagskvöldið. Þá var stað-
an önnur en hún er í dag því að Þórsarar unnu fyrstu tvo leiki
sína á meðan Hamar tapaði sínum tveimur fyrstu leikjum.
Stemningin var jafngóð þá í herbúðum Þórsara og hún er æv-
intýralega döpur þessa aagana. Þá voru þrír Bandaríkjamenn
að spila með Iiðinu og stóou sig vel en nú er aðeins einn að
spila, annar stýrir liðmu meidaur og hefur ákveðið að hætta
að þjálfa liðið en sá þriðji er farinn vestur um haf - þótti ekki
standa undir væntingum. Stuðningsmennirnir virðast líka
hafa yfirgefið sökkvandi skútu því eftir átta tapleiki í röð voru
fáir Þorlákshafnarbúar mættir í Hveragerði til að styðja sína
menn. Fimm ungir strákar með eina trommu gerðu sitt besta
til að halda uppi stemningunni Þorlákshafnarmegin í
stúkunni en þeim varð eKki, þrátt fyrir góðan vilja, mikið
ágengt. Hamarsmenn eru hins vegar á íjómandi fínum skriði.
Þar á bæ svífur andi sátta og samlyndis yfir vötnum og eins og
gefur að skilja var leikurinn heldur ójafn.
Það var völlur á Lárusi Inga Frið-
finnssyni, formanni körfuknattleiks-
deildar Hamars, fyrir leikinn þegar
undirritaður mætti í hús í Hvera-
gerði. „Þeir eru skíthræddir við okk-
ur og við vinnum þennan leik létt.
Allt minna en 25 stiga sigur er kurt-
eisi,“ sagði Lárus Ingi hógvær. Stór
orð en það gat enginn beðið hann að
éta þau ofan í sig eftir leikinn. Kurt-
eisi kostar ekki neitt en Hamars-
menn tóku það ekki til sín heldur
hreinlega óðu yfir gestina sem
vængbrotnir, eða öllu heldur væng-
lausir, áttu sér einskis ills von. Það
var ekki laust við að ég vorkenndi
aumingja Leon Brisport, Banda-
ríkjamanninum í liði Þórs. Hann bar
liðið á herðum sér aUan leikinn og
gafst ekki upp þrátt fyrir bólgna
ökkla og sár hné. Þegar upp var stað-
ið hafði hann skorað 40 stig og tekið
25 fráköst. Hann hafði hins vegar
ekki erindi sem erfiði að þessu sinni
enda voru félagar hans meira og
minna hálfmeðvitundarlausir aUan
leikinn. Af bekknum stjórnaði síðan
Billy Dreher sínum mönnum £ síð-
asta sinn, haltur eftir óhapp á æf-
ingu, og það rann upp fyrir mér að
sjaldan hefði máltækið bjagaða
„haltur leiðir blindan" átt betur við
en í þessu tilviki.
Það var aðeins rétt í byrjun sem
Þórsarar héldu í við Hamarsmenn.
Þeir leiddu 4-0 og 6-4 en eftir það
var leikurinn einstefna og Hamars-
menn drifnir áfram af góðum leik
Marvins Valdimarssonar, Lárusar
Jónssonar og Chris Dade, keyrðu
fram úr Þórsurum, keyrðu síðan yfir
þá og áttu aðeins eftir að bakka yfir
þá til að fullkomna allt þegar flautað
var til leiksloka.
Ekkert keppikefli
Það var þó ekki að heyra á Lárusi
Jónssyni, fyrirliða Hamars og ný-
bökuðum landsliðsmanni, að hann
væri eitthvað sérstaklega í skýjunum
yfir þessum sigri á grönnunum úr
Þorlákshöfn, þegar undirritaður
ræddi við hann í leikslok. „Það er í
sjálfu sér ekkert keppikefli hjá okkur
að rústa Þórsurum," sagði Lárus
þegar hann var spurður hvort það
hefði verið markmið liðsins að vinna
leikinn með meira en þrjátíu stigum.
„Ég vil sjá Þór áfram í úrvalsdeild-
inni og vona svo sannarlega að þeir
nái sér á strik. Það er fátt skemmti-
legra en spila svona leiki þar sem
húsið er fullt og alveg nauðsynlegt
fyrir körfuboltann á Suðurlandi að
það séu tvö lið í efstu deild frá þess-
um landshluta."
Framar björtustu vonum
Hann sagði jafnframt að hann
væri þokkalega ánægður með spila-
mennsku Hamars í leiknum en
ánægðari með gengið hjá liðinu.
„Það hefur gengið framar björtustu
vonum hjá okkur og ég sé ekki betur
en við eigum að geta bætt okkur enn
frekar eftir áramót. Þá eigum við
heimaleiki gegn þeim liðum sem eru
í kringum okkur og markmiðið er að
komast Iengra en í fyrstu umferð úr-
slitakeppninnar. Það hefur aldrei
tekist áður þannig að á það er
stefnt," sagði Lárus. Spurður um
landsliðssætið sem honum hlotnað-
ist í fyrsta skipti fyrr um daginn
sagðist Lárus vera mjög stoltur. „Ég
hef unnið markvisst að þessu í lang-
an tíma og það er gaman að sjá
mikla vinnu skila sér. Eg hlakka mik-
ið til að spila þennan leik.“
Áttum aldrei möguleika
Billy Dreher, þjálfari Þórsara, var
með böggum hildar eftir leikinn
enda ekki gaman að kveðja félagið
með 31 stigs tapi. „Við áttum aldrei
möguleika í þessum leik. Ef við get-
um ekki stillt upp þremur Banda-
ríkjamönnum þá erum við í vand-
ræðum. Þeir voru miklu grimmari í
fráköstum og höfðu einfaldlega
meiri áhuga á því að vinna þennan
leik,“ sagði Dreher sem ætlar að
hætta að þjálfa liðið þar sem hann er
meiddur en hann telur að liðið verði
að hafa spilandi þjálfara. „Ég hefði
getað haldið áfram að þjálfa en mér
þykir vænt um félagið, ber hag þess
fyrir brjósti og veit að það þarf á
spilandi þjálfara að halda. Það kem-
ur spilandi þjálfari á næstu dögum
og með honum leikstjórnandi og ég

hef fulla trú á að liðið spjari sig eftir
áramót. Það verða hins vegar að vera
þrír Bandaríkjamenn í liðinu því að
það er ungt að árum og reynslu-
laust,“ sagði Dreher.
Hamarsmenn eiga heiður skilinn
fyrir að hafa búið til frábæra um-
gjörð í kringum leikinn. Lifandi tón-
list fyrir leik, tvö lukkudýr, rúgbrauð
með laxi fyrir blaðamenn og ljósa-
sýning fyrir leik. Það eina sem vant-
aði var meiri stemning Þorlákshafn-
armegin, bæði inni á vellinum og
uppi £ stúku en Hamarsmenn verða
ekki dregnir til saka fyrir það - þeir
stóðu sfna vakt á meðan Þórsarar
voru úti á þekju. oskar@dv.is
Af bekknum stjórnaði síðan Billy Drehersín-
um mönnum í síðasta sinn, haltur eftir óhapp
á æfingu, og það rann upp fyrir mér að sjaldan
hefði máltækið bjagaða „haltur leiðir blindan"
átt betur við en í þessu tilviki.