Frjáls verslun - 01.09.2000, Síða 51

Greinarhöfundur, Ásdís Jónsdóttir, er sérfrœðingur á sviði ráðninga hjá IMG og Mannafli, sameinaðri ráðningarþjónustu Gallups og Ráðgarðs.
bandi er að hlúa vel að þeim sem þegar starfa hjá fyrirtækinu.
Margir þættir skipta þar máli, svo sem laun, sveigjanleiki
vinnutíma, stjórnunarmáti og starfsþróunarmöguleikar.
Starfsauglýsingar Starfsauglýsingar eru öflugur miðill til að
koma skilaboðum um ímynd á framfæri. Rannsóknir hafa sýnt
að fólk í starfsleit er ekki í meirihluta þeirra sem lesa starfsaug-
lýsingar. Þeir sem hafa áhuga á atvinnu- og fyrirtækjamarkaðn-
um skoða einnig oft atvinnuauglýsingar. Meðal þeirra gætu
leynst hugsanlegir framtíðarstarfsmenn. Þess vegna skiptir
máli að byggja upp stefnu í starfsauglýsingum svo sjá megi
rauðan þráð í gegnum allar auglýsingar eins fyrirtækis. Það gef-
ur ímynd um festu og stöðugleika í starfsmannamálum. Nafn-
lausar auglýsingar ætti aðeins að nota í afmörkuðum tilfellum,
eins og þegar upp koma viðkvæmar aðstæður. Þær bera yfirleitt
ekki eins góðan ávöxt og þegar auglýst er undir nafni, auk þess
að hafa ekki burði til að byggja upp ímynd fyrirtækis.
Þótt góð kynning á fyrirtækinu og starfinu skipti miklu
máli verður að gæta vel að því að störf séu ekki „ofseld". Það
getur vakið ótímabærar væntingar hjá umsækjendum. Rann-
sóknir hafa sýnt að jafnvel þegar erfitt er að manna störf er
betra að draga upp raunsæja mynd af þeim fremur en að
reyna að fela gallana.
Það skiptir ennfremur miklu máli að taka vel á móti um-
sækjendum. Það að fólk fái svar og þvi sé sýndur áhugi, jafnvel
þegar því er hafnað, er mikilvægt. Til þess að tryggja að öllum
sé svarað þarf að hanna ferli fyrir umsóknir sem berast til fýr-
irtækis. Þeir sem sjá um ráðningar hjá fýrirtækjum þurfa að
vera færir um að taka hlýlega á móti umsækjendum, afla um þá
nauðsynlegra upplýsinga og vekja hjá þeim raunsæjan áhuga á
fyrirtækinu. Mörg fyrirtæki kjósa að láta ráðningarstofur sjá
um samskipti við umsækjendur. Þetta getur verið góður kost-
ur því þar er oft til staðar fagleg þekking sem starfsmenn fýrir-
tækis búa ekki yfir. Auk þess felst í því mikil vinna að svara um-
sækjendum og veita þeim upplýsingar um starfið og töluverð-
ur tími sparast hjá starfsmönnum fyrirtækis þegar ráðningar-
stofur sjá um þetta. Þó þarf að hafa gát við val ráðningarstofa,
bæði með tílliti til fagmennsku þeirra og hvort fyrirtækið sé til-
búið til að veita þeim nauðsynlegar upplýsingar. Þegar mynd-
ast hefur gagnkvæmt traust á milli fyrirtækis og ráðningar-
stofu getur stofan haft frumkvæði að því að benda áhugaverð-
um umsækjenduin á fyrirtækið.
Fólk sem hæfir umhverfinu
Það er ekki nóg að finna fólk sem uppfyllir hæfniskröfur starfsins.
Stjórnendur þurfa að þekkja menningu og ímynd fyrirtæksins til að
velja fólk sem hæfir vel umhverfinu.
51
I
I