Morgunblaðið - 03.09.2004, Blaðsíða 24
MINNSTAÐUR
24 FÖSTUDAGUR 3. SEPTEMBER 2004 MORGUNBLAÐIÐ
www.gimli.is - ww.mbl.is/gimli
Árni Stefánsson viðskiptafræðingur og lögg. fasteignasali
FASTEIGNASALAN
GIMLI GRENSÁSVEGI 13,SÍMI 570 4800 - FAX 570 4810
Traust þjónusta í 20 ár
OPIÐ HÚS Í DAG FRÁ KL. 18-19
DALALAND 9 - 2. HÆÐ - LAUS STRAX
Nýtt á skrá, 4ra herb. íbúð á 2.
hæð (miðhæð) í 3ja hæða fjölbýli.
Þrjú svefnherb., rúmgóð stofa og
stórar flísalagðar suðursvalir.
Íbúðin þarfnast endurbóta s.s.
gólfefni og innréttingar.
Verð 14,6 millj. Ekkert áhv.
Sölumenn verða á staðnum í
dag.
Um er að ræða mjög glæsilegt fullinnréttað ca 340-600 fm skrifstofu-
húsnæði á 2. hæð í þessu vel staðsetta húsi. Mikið af bílastæðum.
Til leigu í Mörkinni 4
í Reykjavík á 2. hæð
Upplýsingar gefur Gunnar í síma 693 7310,
tölvupóstur gunnar@bygg.is og sölumenn
Fjárfestingar fasteignasölu í síma 562 4250.
FJÁRFESTING
FASTEIGNASALA ehf.
Sími 562 4250 • Borgartúni 31 • www.fjarfest.is
Hilmar Óskarsson, Guðjón Sigurjónsson,
Rósa Guðmundsdóttir, Benedikt G. Grímsson.
Lögfr.: Pétur Þ. Sigurðsson hrl.
LANDIÐ
Eyrarbakki | Fuglavernd og Árborg
reka saman fuglafriðland á Flóa-
gaflsengjum á bökkum Ölfusár, sem
tilheyrði Eyrarbakkahreppi fyrir
sameiningu sveitarfélaga í vest-
anverðum Flóa árið 1999. Gengur
það undir nafninu Friðlandið í Flóa.
Þar er fjölskrúðugt fuglalíf og hefur
það aukist eftir að mokað var ofaní
skurði og hluti votlendisins end-
urheimtur. Þessar frjósömu flæði-
engjar fóru illa útúr framræslunni
um miðja síðustu öld, eins og svo
mörg önnur votlendi.
Fjölmargar tjarnir eru í friðland-
inu, svonefndar dælir og skipta þær
hundruðum. Skurðir höfðu verið
grafnir á milli þeirra stærstu og þær
spillst af mýrarauða og framburði úr
mýrum innar í Flóanum. Eftir að
fyllt hafði verið uppí skurði á tjarn-
arsvæðinu, urðu þær tærar á ný og
fuglalíf jókst til muna. Og end-
urheimtin stendur enn yfir.
Meðal annars fjölgaði lómi og er
hann nú einkennisfugl í friðlandinu
og setur mikinn svip á það með sín-
um háværu köllum og væli, sér-
staklega þegar hann er á flugi til og
frá varpstaðnum og fæðusvæðinu.
Lómspar finnst á flestum tjörnum
sem eru nógu stórar til að fuglarnir
geti hafið sig til flugs á þeim. Lóm-
urinn er þungur til flugs og þarf
nokkurn vatnsflöt til að hlaupa eftir
til að ná sér á flug og einnig þarf
hann svæði til að lenda á, líkt og
flugvél þarf flugbraut. Varptíminn
er langur hjá lómunum og halda
lómar til í friðlandinu frá því í apríl
og frammí september.
Lómarnir leita til sjávar eða á Ölf-
usá eftir æti. Þótt hornsíli og smásil-
ungur sé í tjörnunum, nægir það
ekki til að framfleyta ungunum og er
stórt og feitt síli ekki ónýtur biti of-
aní sísvanga, nærri fullvaxna unga.
Lómurinn færir björg í bú
Morgunblaðið/Jóhann Óli
Matur: Unginn þiggur stórt feitt síli sem lómurinn færir honum og ekki veitir af fyrir nærri fullvaxinn fugl.
Magalending: Gusurnar ganga af lómnum þegar hann lendir á tjörninni.
AUSTURLAND
Fáskrúðsfjörður | Ásgeir Loftsson, verk-
fræðingur og staðarhaldari í Fáskrúðsfjarð-
argöngum, sagði í samtali við Morgunblaðið
að skrifað hefði verið und-
ir verksamning um göngin
í mars árið 2003 og fyrsta
sprengingin framkvæmd
20. maí það ár.
Hann segir verkið um
einum og hálfum mánuði á
undan áætlun, en verklok
eru áætluð haustið 2005.
Verktakahlutinn nemur
3,2 milljörðum króna og er
nú búið að framkvæma um
70% af honum. Inni í
þeirri upphæð er þó ekki umsjón verkkaupa
og hönnun.
Að sögn Ásgeirs hefur ekki komið fram
ósk um að verkinu verði flýtt í heild, en slíkt
sé mögulegt eins og nú horfi. Væntingar
íbúa beggja vegna ganga séu miklar og fólk
bíði þess með óþreyju að göngin verði opnuð
fyrir umferð.
Sömu munnamót notuð
og í Hvalfjarðargöngum
Sprengingar hafa gengið vel, sérstaklega
Fáskrúðsfjarðarmegin og voru sprengdir
þar um 500 metrar umfram það sem ráð var
fyrir gert. Undirvertakar eru nú við vega-
gerð, en það er Myllan á Egilsstöðum sem
leggur vegina báðum megin gangamunnanna
og er gert ráð fyrir
að því ljúki að mestu í vetur. B.M. Vallá
hefur séð um steypuvinnu, bæði við fóðrun
ganganna og gerð gangamunna, en nú er
langt komið að steypa gangamunnann Fá-
skrúðsfjarðarmegin. Mótin sem notuð eru
við að steypa gangamunnana eru þau sömu
og notuð voru við gerð Hvalfjarðargang-
anna. Eru það sjálfkeyrandi stálmót með
vökvatjökkum sem opna þeim og lyfta.
Steypt er á þriggja daga fresti, 12 metrar í
senn.
Rafmiðlun í Reykjavík annast allar raf-
lagnir og Hlaðbak-Hólar sjá um malbikun en
ráðgert er að hún hefjist næsta vor.
Hitnar í mönnum í fjallinu
Næsta verk er að ljúka styrkingum í
göngunum og koma fyrir vatnsrörum, en lít-
ils háttar leki er í göngunum og fer sá leki í
drenlagnir. Ásgeir segir lekann þann
minnsta sem vitað sé um í gangagerð hér á
landi. Hann segir allmikinn hita hafa verið í
göngunum og mest mælst í útblæstri 40
gráður, en ekki hefur orðið vart við heitt
vatn.
Um 90 manns hafa starfað við göngin, en
nú verða tilfærslur og nýjir aðilar koma að
framhaldinu. Ásgeir segir uppsagnir á fólki
ekki hafa komið til en nokkrir hafi hætt og
aðrir farið í önnur verkefni. Þegar lokið
verður við skálann Fáskrúðsfjarðarmegin
flyst öll starfsemi í búðirnar við Reyðarfjörð.
Í samtali við Björgvin Guðjónsson fram-
leiðslustjóra kom fram að bergið Fáskrúðs-
fjarðarmegin hafi verið mjög gott, en Reyð-
arfjarðarmegin verið mjög erfiðir kaflar.
Hann segir og vissa erfiðleika hafa falist í
hversu hátt fjallið er og þrýstingur því mik-
ill. Vildi flagna úr berginu vegna þrýstings.
Þá segir Guðjón hitann við stafnana hafa
verið óþægilegan og farið í 40 til 50 gráður.
Sá sem mestar þrautir hefur haft af því að
stýra bortækjunum, svo að göngin kæmu ná-
kvæmlega saman í fjallinu, er Hafsteinn
Gunnarsson. Hann setur stefnuna sam-
kvæmt teikningum, sem síðan eru útfærðar
með leysigeislum.
Hafsteinn segir að búið sé að bora í gegn-
um síðasta haftið sem er þriggja metra
langt, en samt sé hann ekki alveg öruggur
um að ekki sé einhver skekkja og aldrei sé
hægt að útiloka slíkt. Alltaf megi reikna með
nokkurri skekkju og því verði gleðin meiri,
því minni sem skekkjan sé.
Þónokkur spenna er samfara mælingum
sem þessum og þarf að gera leiðréttingar á
meðan á verkinu stendur, en allnokkur
hreyfing er í berginu svo spennan er mikil.
Það kemur í ljós seinnipartinn á morgun
hversu nákvæmar mælingarnar hafa verið
og hvernig „mætingin“ verður.
Aðalverktakar við Fáskrúðsfjarðargöng
eru Ístak hf. og E. Phil & Son AS.
Allt að 50 gráðna hiti inni í fjallinu hefur velgt mönnum heldur um of við gangagerðina
Síðasta haftið sprengt
í Fáskrúðsfjarðar-
göngum á morgun
Morgunblaðið/Albert Kemp
Mikill áfangi að nást í Fáskrúðsfjarðargöngum: Ásgeir Loftsson staðarhaldari og Björgvin
Guðjónsson framleiðslustjóri eru ánægðir með framgang verksins.
Á laugardag verður síðasta haftið sprengt í Fáskrúðsfjarð-
argöngum og því komið að verklokum við sprengingar í
göngunum. Þau eru alls 5,9 km löng og munu í heild sinni,
ásamt nýjum 14,4 km löngum tengivegi, kosta vel á fjórða
milljarð króna.
Hafsteinn
Gunnarsson
Unnið að uppsteypu við gangamunna
Fáskrúðsfjarðarganga.