Morgunblaðið - 03.09.2004, Blaðsíða 57

MORGUNBLAÐIÐ FÖSTUDAGUR 3. SEPTEMBER 2004 57
ILLUGI Gunnarsson, aðstoðar-
maður forsætisráðherra, og Katrín
Jakobsdóttir, varaformaður Vinstri-
grænna, stjórna umræðuþætti um
pólitísk málefni sem hefur göngu
sína á Skjá einum í október. Þátt-
urinn heitir Sunnudagsþátturinn og
verður á dagskrá í beinni útsend-
ingu kl. 12 á hádegi á sunnudögum.
„Þessir þættir verða allt öðruvísi
en stjórnmálaumræðuþættir hafa
verið hingað til,“ segir Helgi Her-
mannsson, dagskrárstjóri á Skjá
einum. „Þarna eru stjórnendur póli-
tískir og þeir munu láta sínar skoð-
anir í ljós í stað þess að reyna að
vera hlutlausir. Þeir verða því í
kappræðum við viðmælendur sína,
sem væntanlega verða af öndverð-
um pólitískum meiði – Illugi mun fá
viðmælendur af vinsti hliðinni og
Katrín af þeirri hægri.“
Tveir blaðamenn munu aukin-
heldur sjá um fréttaskýringar í
þáttunum, þar sem tekið verður á
málefnum líðandi stundar. Helgi
segir þáttastjórnendur hafa frjálsar
hendur um hvaða mál verði tekin
fyrir. „Ég tel ekkert ólíklegt að
þarna gætu komið fram upplýsingar
sem eru meira á bakvið tjöldin og að
útfærslan yrði öðruvísi en hjá
fréttastofunum sem reyna að segja
frá á hlutlausan hátt. Menn geti
þannig túlkað ýmislegt fleira úr
þáttunum en venjulegum fréttaþátt-
um eins og Kastljósinu eða Íslandi í
dag.“
Ógjörningur að vera hlutlaus
„Mér finnst þetta mjög spennandi
verkefni, bæði er viðfangsefnið
skemmtilegt og svo held ég að þetta
geti orðið áhugavert sjónvarpsefni,“
segir Illugi Gunnarsson. Að sögn
líst honum vel á pólitískan andstæð-
ing sinn, Katrínu Jakobsdóttur, sem
meðþáttastjóranda enda leikurinn
til þess gerður að þar séu á ferðinni
einstaklingar með ólík sjónarmið
sem þeir komi á framfæri í þátt-
unum. „Þess er gætt að jafnvægi sé
milli pólitískra sjónarmiða.“
Illugi segist ekki vera búinn að
ákveða sérstök málefni sem hann
hyggst taka fyrir. „Auðvitað verða
fyrst og fremst tekin fyrir mál sem
ber hæst á hverjum tíma.“
Eru engir gamlir syndaselir sem
Illugi vill takast á við? „Nei, nei,“
svarar hann og hlær. „Aðalatriðið er
að þetta verði áhugavert og
skemmtilegt, og gagnlegt fyrir þá
sem á horfa.“
Þáttastjórnendastarfið mun Illugi
reyna að samræma starfi sínu sem
aðstoðarmaður Davíðs Oddssonar,
sem hættir sem forsætisráðherra
15. september nk. og tekur við starfi
utanríkisráðherra. „Þessi tvö störf
ættu að geta samrýmst ágætlega,
því ég er auðvitað pólitískur aðstoð-
armaður ráðherrans og er því ekki í
sömu stöðu og til dæmis embætt-
ismenn sem vinna í ráðuneytunum. Í
þáttunum verð ég að ræða mínar
pólitísku skoðanir, sem voru vel ljós-
ar þegar ég var ráðinn þangað. Það
ætti ekki að myndast neitt ósam-
ræmi þar á milli. Hins vegar hefði
verið ógjörningur fyrir mig að eiga
að vera hlutlaus þáttastjórnandi.“
Allir eru hlutdrægir
„Mér fannst þetta spennandi hug-
mynd, sérstaklega vegna þess að
það er alltaf verið að tala um hvort
blaðamenn, sérstaklega þáttastjórn-
endur, séu hlutdrægir eða ekki og
allir að þykjast vera hlutlausir. En
auðvitað er fólk alltaf mishlut-
drægt,“ segir Katrín Jakobsdóttir.
„Þessi þáttur segir að það sé
kannski bara allt í lagi að vera ekk-
ert hlutlaus og þá vita allir að hverju
þeir ganga.“
Hún segist ekki telja að þátturinn
eigi að snúast um argaþras milli
hennar og viðmælendanna, í anda
Hannesar og Marðar, heldur að hún
komi með beittar spurningar þar
sem vitað er hvaða stjórnmálaskoð-
anir hún aðhyllist. „Enda finnst mér
hundleiðinlegt þegar fólk situr bara
og gargar hvort á annað. En þetta
hlýtur fyrst og fremst að ráðast af
stjórnanda og viðmælanda.“
Katrín er ekki búin að setja niður
málefni til að taka fyrir í þættinum,
en segist þó eflaust munu taka fyrir
mál sem standa henni nærri, auk
þeirra sem eru efst á baugi hverju
sinni. „Auðvitað verður þingið mjög
spennandi núna í haust, til dæmis
vegna mannabreytinga í ríkisstjórn-
inni. En síðan sé ég fyrir mér að það
gæti verið gaman að taka fyrir um-
hverfismál, verandi vinstri-græn, og
skólamál sem ég hef sjálf mikinn
áhuga á.“
Það vill svo skemmtilega til að Ill-
ugi Gunnarsson, meðþáttastjórn-
andi Katrínar, ber að nokkru leyti
ábyrgð á því að hún hellti sér út í
stjórnmál. „Í fyrsta skipti sem ég
fór á ræðumennskunámskeið var
hann kennari minn. Hann kenndi
mér nokkur lykilatriði í ræðu-
mennsku,“ segir Katrín og hlær.
„Við erum auðvitað með algjörlega
öndverðar skoðanir, en ég held ekki
að það verði neitt erfitt að vinna
saman. Okkur samdi mjög vel á
námskeiðinu, og ég á von á að svo
verði líka núna.“
Sjónvarp | Nýr pólitískur umræðuþáttur hefur göngu sína á
Skjá einum í október
Stjórnendur með skoðanir
Katrín
Jakobsdóttir
Illugi
Gunnarsson
ÁLFABAKKI
Sýnd kl. 4, 6, og 8.
KRINGLAN
kl. 4. Ísl tal.
KRINGLAN
kl. 8 og 10.20. Ísl tal.
KRINGLAN
kl. 5.50.
KRINGLAN
Sýnd kl. 4, 6, 8 og 10. b.i. 12 ára
KEFLAVÍK
Sýnd kl. 6.
KEFLAVÍK
Sýnd kl. 8 og 10.15. B.i 14 ára.
Þeir hefðu átt að láta
hann í friði.
ir f tt l t
í fri i.
Sló rækilega í gegn í USA
ÁLFABAKKI
Sýnd kl. 3.50 og 6. Ísl tal.
ÁLFABAKKI
Sýnd kl. 8 og 10.20.
ÁLFABAKKI
Sýnd kl. 4 og 6.
KRINGLAN
Sýnd kl. 4, 6 og 8.
AKUREYRI
Sýnd kl. 6.
AKUREYRI
Sýnd kl. 8 og 10. B.i 14 ára.
KEFLAVÍK
Sýnd kl. 6, 8 og 10. b.i. 12 ára
AKUREYRI
Sýnd kl. 6, 8 og 10.b.i. 12 ára
MEÐ ÍS
LENSKU
TALI
Jason Bourne er kominn aftur og leitar
hefnda í frábærum hasartrylli.
Meiri hraði, meiri spenna og ofsafengin
átakaatriði.
S.V. Mbl.

HP. Kvikmyndir.com
Kemur steiktasta grínmynd ársins
Kemur steiktasta grínmynd ársins
Fréttasíminn 904 1100