Fréttablaðið - 24.05.2003, Blaðsíða 2
2 24. maí 2003 LAUGARDAGUR
„Jú, ég er mjög stoltur af honum
og hef lengi vitað að hann ætti er-
indi í póltík.“
Páll Magnússon er yngri bróðir Árna Magnússonar
félagsmálaráðherra.
Spurningdagsins
Páll, ert þú ekki stoltur af
stóra bróður?
Skeljungur:
Forstjóri
hættir
VIÐSKIPTI Kristinn Björnsson
hættir sem forstjóri Skeljungs
1. september í haust.
Í tilkynningu frá Skeljungi
segir að Kristinn láti af störfum
að eigin ósk. Hann hafi verið í
forsvari félagsins frá því í júlí
1990 og eigi stóran þátt í vel-
gengi þess.
Gunnar Karl Guðmundsson
hefur þegar verið ráðinn sem
nýr forstjóri Skeljungs frá
næstu mánaðamótum og mun
starfa við hlið Kristins fram á
haust. Gunnar hefur verið að-
stoðarforstjóri Skeljungs frá ár-
inu 2001. ■
Íslenska alþjóðabjörgunarsveitin:
Farnir til Alsírs
HAMFARIR Íslenska alþjóðabjörg-
unarsveitin hélt í gær áleiðis til
Alsírs, þar sem hún mun veita
aðstoð vegna jarðskjálftanna
sem urðu þar á fimmtudaginn.
Björgunarsveitin fór í loftið
klukkan fjögur síðdegis. Flogið
var til Lundúna, Rómar og þaðan
til Algeirsborgar. Á annan tug
ríkja hafa sent björgunarsveit-
arlið til Alsírs.
Sautján Íslendingar, sem
skipa alþjóðabjörgunarsveitina,
voru í viðbragðsstöðu frá því
jarðskjálftinn reið yfir. Stjórn-
andi sveitarinnar, Ásgeir Böðv-
arsson, var á fullu í undirbún-
ingi þegar Fréttablaðið hafði
samband. Hann sagði að að
mörgu væri að huga og gat þess
að búnaður sveitarinar mældist
2,3 tonn. Meðal þess sem sveitin
tæki með sér væru nauðþurftir
til 14 daga.
Að minnsta kosti 1.600 manns
létu lífið í jarðskjálftanum og
nærri 7.000 slösuðust. Er talið að
tala látinna eigi enn eftir að
hækka. Gera má ráð fyrir að
mikið álag verði á íslensku sveit-
inni, sem hefur sérhæft sig í
tæknilegri leit í hrundum bygg-
ingum og notar til þess hljóðleit-
artæki og myndavél. ■
LÖGREGLUMÁL Þrír menn eru grun-
aðir um aðild að stórfelldum fjár-
drætti frá Landssímanum.
Sveinbjörn Kristjánsson, aðal-
féhirðir hjá Landssímanum, var
kærður til ríkislögreglustjóra á
fimmtudag og leystur frá störf-
um. Hann var í gær úrskurðaður í
tveggja vikna gæsluvarðhald.
Einnig voru tveir kunnir
athafnamenn á þrítugsaldri
úrskurðaðir í 10
daga gæslu-
varðhald vegna
tengsla sinna við
málið. Það eru þeir
Árni Þór Vigfússon
og Kristján Ra
Kristjánsson, sem
er bróðir aðalgjaldkerans.
Samkvæmt heimildum Frétta-
blaðsins er fjárdrátturinn tugir
milljóna króna, jafnvel yfir 100
milljónir. Athugun innan Lands-
símans sjálfs tók aðeins til áranna
1999 og 2000. Það er nú hlutverk
ríkislögreglustjóra að kanna
hugsanlegt misferli á árunum
2001 til 2003.
„Rökstuddur grunur er um
kerfisbundnar rangfærslur í bók-
haldshugbúnaði fyrirtækisins,“
segir í tilkynningu frá Landssím-
anum.
Heiðrún Jónsdóttir, upplýsinga-
fulltrúi Landssímans, segist ekki
geta upplýst hversu há upphæðin
sé sem talið er að maðurinn hafi
dregið sér. Málið sé ekki fullkann-
að og það hafi verið falið í hendur
lögreglu. Hún segir hinn meinta
fjárdrátt hafa komið í ljós við innri
skoðun í fyrirtækinu. Ekkert hafi
komið fram sem bendi til þess að
fleiri starfsmenn Landssímans séu
viðriðnir málin. Ljóst sé að brotin
hafi beinst að fyrirtækinu sjálfu
en ekki viðskiptavinum þess.
Aðalgjaldkerinn, sem er 36 ára
gamall, er menntaður sem múrari.
Hann hóf störf hjá Landssímanum
fyrir rúmum fimm árum.
Jón H. Snorrason, yfirmaður
efnahagsbrotadeildar ríkislög-
reglustjóra, er í útlöndum og feng-
ust þær upplýsingar hjá embætt-
inu að enginn þar muni tjá sig nán-
ar um málið fyrr en Jón er kominn
heim.
gar@frettabladid.is
Netsalan
Garðatorgi 3, 210 Garðabær Símar: 565 6241/ 544 4210 Fax: 544 4211
Netfang: netsalan@itn.is Heimasíða: www.itn.is/netsalan www.itn.is/netsalan
GRAND CHEROKEE LIMITED
Opið laugardag 10 -16 og sunnudag 11 -16
SÉRTILBOÐ kr. 5.100.000 staðgreitt
aðeins tveir bílar til
l
Norska utanríkisráðuneytið:
Varar við ferðalögum erlendis
OSLÓ, AP Norska utanríkisráðu-
neytið hefur bætt þremur löndum
á lista yfir þau lönd sem Norð-
menn eru varaðir við að heim-
sækja vegna hryðjverkaógnar.
Löndin eru Kenýa, Tansanía og
Afganistan.
Áður hafði ráðuneytið m.a. var-
að við ferðalögum til svæða í Ísr-
ael og Palestínu, Íraks, Sádi-Arab-
íu, Kúvæt, Indlands og Pakistans.
Norðmenn velta um þessar
mundir fyrir sér hvers vegna þeim
var hótað hryðjuverkaaðgerðum
af hálfu al Kaída í myndbandi sem
var birt í vikunni. Talið er að bar-
átta Noregs fyrir friði í Mið-Aust-
urlöndum og þátttaka landsins í
hernaðaraðgerðum Bandaríkjanna
í Afganistan útskýri hótanirnar.
Einnig er talið að rannsókn
norskra yfirvalda á kúrdískum
flóttamanni, Mullah Krekar, sem
er grunaður um tengsl við al
Kaída-samtökin, hafi vakið litla
hrifningu hryðjuverkamanna.
„Það er ólíklegt að minnst hafi
verið á Noreg í myndbandinu
fyrir mistök,“ sagði starfsmaður
norsku leyniþjónustunnar, en
orðrómur hefur verið uppi um að
liðsmenn al Kaída hafi ruglast á
Noregi og Danmörku í hótunum
sínum. „Noregur er eitt af mörg-
um löndum sem liðsmenn al
Kaída líta á sem stuðningsaðila
Bandaríkjanna og um leið sem
óvin sinn.“ ■
KOMINN TIL NEPALS
Sir Edmund Hillary hlaut hlýjar móttökur
við komu sína til Nepals í gær. Þann 29.
maí verða liðin 50 ár síðan Hillary og
Sherpinn Tenzing Norgay klifu Everest-
tind fyrstir manna árið 1953.
Everest-fjall:
Á toppinn
á 12 tímum
KATMANDU, NEPAL, AP Sherpinn
Pembe Djorjie setti nýtt hraðamet
í gær með því að klífa Everest-
fjall, hæsta tind veraldar, á aðeins
12 klukkustundum og 45 mínútum.
Venjulega tekur það fjall-
göngumenn fjóra daga að klífa
tindinn.
Djorjie, sem er 25 ára gamall
leiðsögumaður, sló met Sherpans
Babu Chhiri sem kleif tindinn á 16
klukkustundum og 56 mínútum
fyrir þremur árum.
Ekki er þó víst að Djorjie haldi
metinu lengi því annar Sherpi,
Lakba Gelu, segist ætla að slá
metið í næstu viku. ■
Dalabyggð:
Vilja hærri
gjaldskrá
SVEITASTJÓRNARMÁL Borgarafundur
sem haldinn var í Búðardal vegna
deilna um Hitaveitu Dalamanna
lagði fram ýmsar hugmyndir til
að leysa fjárhagsvanda hitaveit-
unnar. Meðal tillagna er að gjald-
skrá hitaveitunnar verði hækkuð
um 20 prósent.
Á VERÐI
Vopnaður lögreglumaður stendur vörð fyrir
utan breska þinghúsið í Lundúnum.
Breska þinghúsið:
Óttast
hryðjuverk
LUNDÚNIR, AP Lögreglan í Bretlandi
hefur komið upp sérstökum vega-
tálmum fyrir utan þinghús landsins
vegna hugsanlegra hryðjuverka-
árása.
Að sögn Scotland Yard er um að
ræða fyrirbyggjandi aðgerð í ljósi
þeirra atburða sem hafa átt sér stað
í heiminum undanfarið.
Ströng öryggisgæsla hefur verið
við þinghúsið síðan hryðjuverka-
árásirnar á Bandaríkin voru gerðar
þann 11. september 2001. Á nýrri
myndbandsspólu frá al Kaída eru
Bretar á meðal þeirra sem hótað er
hryðjuverkaárásum. ■
Bryti Díönu prinsessu:
Endurheimti
gjafirnar
LUNDÚNIR, AP Breska lögreglan hef-
ur skilað hátt í 200 munum, sem
voru í eigu Díönu prinsessu, aftur
til fyrrum bryta hennar, Paul
Burrel. Í nóvember á síðasta ári var
Burrel sýknaður af ákærum um að
hafa stolið mununum.
„Ég hef endurheimt það sem er
mitt með réttu, það sem prinsessan
gaf mér sem vini,“ sagði Burrel.
Skömmu eftir að prinsessan lést var
Burrell ásakaður um að hafa stolið
munum úr dánarbúi hennar. Lög-
reglan hald á hátt í 300 muni í
vörslu brytans. ■
AP/M
YN
D
FERÐIN TIL ALSÍRS UNDIRBÚIN
Aðalsteinn Maack og Styrmir Steingríms-
son voru í óða önn að undirbúa ferð
björgunarsveitarinnar til Alsírs. Báðir eru
meðlimir í sveitinni. Alþjóðabjörgunarsveit-
in er mönnuð sjálfboðaliðum úr björgun-
arsveitum Slysavarnafélagsins Landsbjarg-
ar, Slökkviliði höfuðborgarsvæðisins og
Landspítala - háskólasjúkrahúss.
AP
/M
YN
D
Á HEIMLEIÐ
Michael og Leisha Huskinson frá Englandi undirbúa brottför sína frá Kenýa sl. mánudag.
Auk Norðmanna hafa Bretar hvatt fólk til að hugsa sig tvisvar um áður en það ákveður að
sækja landið heim.
AP
/M
YN
D
LANDSSÍMI ÍSLANDS
„Ríkir rannsóknarhagsmunir eru í vegi þess að frekar verði upplýst um atvik málsins,“ seg-
ir Landssíminn um risastórt fjárdráttarmál sem komið er upp hjá fyrirtækinu.
■
Grunur er um
kerfisbundnar
rangfærslur í
bókhaldshug-
búnaði Lands-
símans.
Tugmilljóna stuldur
hjá Landssímanum
Aðalgjaldkeri Landssímans og tveir meintir samverkamenn eru í varð-
haldi vegna gruns um fjárdrátt sem óstaðfestar heimildir segja nema yfir
100 milljónum króna. Grunur um kerfisbundnar rangfærslur í bókhaldi.
FR
ÉT
TA
B
LA
Ð
IÐ
/R
Ó
B
ER
T