Fréttablaðið - 24.05.2003, Blaðsíða 24

Warner Bros garðurinn ergríðarstór og best að gefa
sér góðan tíma, helst heilan dag,
ef kynnast á herlegheitunum að
einhverju marki. Góð dagskrá er
fyrir alla aldurshópa alla daga.
Fyrir utan tækin sjálf, sem skipta
tugum, eru sýndar kvikmyndir á
svæðinu og stórgóðar sýningar á
hálftíma fresti undir beru lofti í
risastórum vatnstanki. Þetta eru
miklar leiksýningar með áhættu-
leikurum og gjarnan með persón-
um sem við þekkjum úr kvik-
myndum Warner bræðra. Það er
sama hvert litið er, þarna leiðist
engum sem er enn á lífi.
Átta þorp í einum garði
Svæðinu er skipt niður í átta
mismunandi svæði, hvert með
sinn stíl og sjarma. Þarna er
teiknimyndaþorp þar sem börn á
öllum aldri rifja upp góðar stund-
ir með Bugs Bunny, Roadrunner
og öllum þeim fjölda teikni-
myndapersóna sem prýtt hafa
skjáinn um árabil. Villta vestrið
fær að sjálfsögðu sitt pláss með
tilheyrandi kúrekum og indíán-
um, skotbökkum, heyvögnum og
híbýlum sem minna helst á Húsið
á sléttunni. Gotham-borg, sem er
heimili Batman í bíómyndunum,
er hér í smækkaðri mynd, svo
ekki sé minnst á Litlu Kúbu,
breiðstræti Hollywood og New
York bannáranna. Hér eru einnig
til húsa Daily Planet, dagblaðið
sem Superman vinnur hjá og
nokkrar niðurníddar byggingar
sem hýsa ýmsan óþjóðalýð, vofur,
drauga og annars konar ófögnuð
fyrir alla með sterkan maga. Hér
er svo heil bygging lögð undir
sýningu byggða á hinum mjög svo
klassísku kvikmyndum um Lög-
regluskólann, Police Academy.
Fimm rússíbanar
Á svæðinu eru tíu veitingastað-
ir, hver um sig með mismunandi
matseðil og þema, auk fjölda
verslana sem selja glingur tengt
kvikmyndum og teiknimyndum
Warner fyrirtækisins.
Toppurinn á öllu saman eru þó
án efa tækin sjálf, sem eru mjög
margvísleg og skipta tugum. Í
ACME garðinum, sem er draumur
fyrir minnsta fólkið, ægir saman
hinum og þessum frægum fígúr-
um sem börnin þekkja og eins eru
þar margvísleg tæki; lestir, bátar,
bílar og hringekjur fyrir alla frá
eins árs aldri.
Fyrir þá sem eldri eru er úr
mörgu að velja. Kanóferð um „Ríó
Bravó“ er heillandi ef 10 metra
fall afturábak er á listanum yfir
hluti sem verður að upplifa. Hægt
er að velja um fimm tegundir
rússíbana og er einn þeirra sá
hæsti í Evrópu. „Hefnd Gátu-
mannsins“ er 100 metra hár turn
sem sendir fólk upp og niður á
miklum hraða. „Superman“ er
annar. 65 metra fallhæð og 90
kílómetra hraði er ávísun á súper-
ferð. Enn einn, kenndur við Bat-
man, er ekki síðri. Þar fær mið-
flóttaaflið að njóta sín í ævintýra-
legum beygjum og snúningum.
Það er sama hvar borið er nið-
ur. Svæðið er skemmtilegt og vel
hannað, öll aðstaða fyrsta flokks
og margt að sjá.
Í ökufæri frá Íslendinga-
stöðum
Warner Bros garðurinn er um
25 km frá höfuðborginni. Það er
ekki langt ef ekið er í bíl en um-
ferð á vegum til og frá Madrid er
alltaf mikil og margir kjósa því
fremur að taka lestina. Gallinn við
þann fararskjóta er hins vegar sá
að taka þarf tvær lestir til að kom-
ast þessa 25 kílómetra.
Aðgöngumiðinn kostar 32 evr-
ur fyrir fullorðna (2.600 kr.) og 24
fyrir yngra fólkið (2.000 kr.) og
þarf þá ekki að taka fram budd-
una frekar í garðinum nema til að
kaupa sér veitingar.
Frá vinsælum dvalarstöðum
Íslendinga á Benidorm er um
þriggja tíma keyrsla til Madrid,
fjórir til fimm frá Portúgal og
fimm til sex klukkutíma tekur að
aka frá Malaga eða Barselónu. ■
NÁNARI UPPLÝSINGAR:
WWW.WARNERBROSPARK.COM
UPPLÝSINGAR UM SKEMMTIGARÐINN.
WWW.SOFTGUIDES.COM/INDEX–MADRID.HTML
UPPLÝSINGAR UM MADRID FYRIR FERÐALANGA.
26 24. maí 2003 LAUGARDAGUR
FERSK Í BÚÐIR Á HVERJUM DEGI
Stærsti leiktækjagarður Suður-Evrópu, Warner Bros skemmtigarðurinn nálægt Madrid á Spáni, varð eins árs um daginn. Garðurinn skartar
því fullkomnasta sem gerist í leiktækjum og gaman er að heimsækja hann. Þrátt fyrir stærðina hefur aðsókn verið minni en vonir stóðu til.
Hér leiðist
engum sem er á lífi
KVIKMYNDAHEIMUR WARNER BROS.
Nýjasti ævintýraheimurinn í Evrópu.
TRÉRÚSSÍBANI
Einn sá allra skemmtilegasti í garðinum.
Á FLEYGIFERÐ
Brakið og brestirnir eru áhrifamiklir.
THAT’S ALL FOLKS!
Bugs Bunny er frægasta teiknifígúra
Warner Bros.
INNGANGURINN Í GARÐINN
Mun færri hafa sótt staðinn en ráð var fyrir
gert.
ÚR BARNAGARÐINUM
Jetsons og öllum hinum fígúrunum
eru gerð góð skil.
DAILY PLANET
Hér vinnur Súperman.
ROBIN
Batman var upptekinn við að ganga frá glæpalýðnum.
Fréttablaðið er mest lesna dagblað landsins* og prentað í 92.000 eintökum.**
*samkv Fjölmiðlakönnun Samtaka íslenskra auglýsingastofa, Samtaka auglýsenda og fjölmiðlanna.
**Fréttablaðið er aðili að upplagseftirliti Verslunarráðs Íslands.
Auglýsendur athugið:
Dreift með Fréttablaðinu, mest lesna dagblaði landsins, í 92.000
eintökum. Hafið samband við auglýsingadeild Fréttablaðsins í
síma 515 7584 eða 515 7500 fyrir 2. júní eða með tölvupósti:
petrina@frettabladid.is.
Fylgir
Fréttablaðinu
4. júní.
Hagnýtar upplýsingar fyrir
þá sem ætla að ferðast
innanlands í sumar. Gisting,
matur, afþreying, fróðleikur
og skemmtun um land allt.
Ferðir innanlands 2003